Jer. 27:8 - Bhaibheri Rakachena muChindau

⁸ “Asi, kuti kunyazwi ngeriri dzinza, nokuti umambo vasikazoshandiri uyu mambo Nebhukhadhineza weBhabhuroni, vasikazoisi mitsipa yavo pashi pejoka ramambo weBhabhuroni, zvino ndinozoriorora iro dzinza ngeshoti nzara, nenhenda, unoronza Mambo Mwari, metsa ndapedza kuparadzwa kwavo ngenyara yake.

Jer. 27:8 Iomraidhean Croise

Jer. 24:10

Ndinozotumira shoti, nzara nenhenda pakati pavo, metsa vapedzwe kubva kunyika yendakavapa namadzibaba avo.’ ”

Jer. 25:9

ringira, ndinozotumira kumadzinza eshe edera, kunyazwi naNebhukhadhineza mambo weBhabhuroni, muranda wangu, neni ndinozovaunza kuti varwise iyi nyika, nevagari vayo, nemadzinza eshe aya akaitendenedza; ndinozovaparadza yaamho nokuvaita chishamiso chinotyisa, chinoridzirwa murudzi nokuita matongo mhera nariini,” unoronza Mambo Mwari.

Jer. 27:11

Asi kunyazwi ngeriri dzinza rinoisa mutsipa waro pashi pejoka ramambo weBhabhuroni nokumushandira, ndiro ndinozotendera kuti risare munyika yaro, unoronza Mambo Mwari; naro rinozoirima nokugara mweiri.”

Jer. 27:13

Ngenyi iwewe navanhu vako mwechisisira kufa ngeshoti, ngenzara, ngenhenda, kudai ngezvaakaereketa Mambo Mwari ngendaa yedzinza risikazoshandiri mambo weBhabhuroni?

Jer. 28:14

Ngokuti izvi ndizvo zvinoronza Mambo Mwari wehondo, Mwari waIsuraeri: Ndaisa joka resimbi pamitsipa yemadzinza aya eshe, kuti ashandire Nebhukhadhineza mambo weBhabhuroni,’ navo vanozomushandira yaamho; neni ndatomupazve mhuka dzomushango.”

Jer. 28:4

Ndinozopetudza kundau iyi Jekhonia mukororo waJehoiakimu mambo waJudha, pamwepo nevabatwa veshe vaJudha, avo vakatorwa kuenda Bhabhuroni, ngokuti ndinozogura joka ramambo weBhabhuroni,’ unoronza Mambo Mwari.”

Jer. 29:17

Izvi ndizvo zvinoronza Mambo Mwari wehondo: ‘Ringira, ndinozovatumira shoti, nzara, nhenda, nokuvaita kudai nemaonde awora ashata yaamho, asikachadyiki.

Jer. 29:18

Ndinozovateera ngeshoti, ngenzara nenhenda, nokuvaita chiro chinotyisa kuumambo hweshe hwenyika, kuti vaite vakatukwa, nechishamiso, nevanoridzirwa murudzi, nevanotsverudzwa, pakati pemadzinza eshe endakavadzingira kwaari,

Jer. 40:9

Gedharia mukororo waAhikamu mukororo waShafani wakapika kwevari nokune zvikwata zvavo echiti, “Musatya kushandira vaKharadhea. Garai munyika muno, mwechishandira mambo weBhabhuroni, nemwi munozogarisika.

Ezek. 14:21

“Ngokuti izvi ndizvo zvinoronza Mambo Mwari: Kunozopinda kwakaitawani kukura apo ndinozotumira kuita kwangu kunouraya kwokutonga kwangu kurongomuna kunotyisa padera peJerusarema, shoti, nzara, zvikara zvinotyisa, nenhenda, kuuraya kubva kweiri vanhu nemhuka!