Jer. 27:6 - Bhaibheri Rakachena muChindau

⁶ Zvino ndapa nyika idzi dzeshe munyara yaNebhukhadhineza mambo weBhabhuroni, muranda wangu; kunyazwi nemhuka dzomushango ndakamupa kuti dzimushandire.

Jer. 27:6 Iomraidhean Croise

2 Madzi. 25:28

Wakaereketa zvakanaka kwaari, wakamupa dendemaro riri padera pemadendemaro amweni emadzimambo vaiya naye muBhabhuroni.

2 MaKro. 36:23

“Unoronza izvi Sairusi mambo wePhesia: ‘Mambo Mwari, Mwari womudenga, wakandipa umambo hweshe hwenyika, naye wakandipanga kuti ndimuakire mhatso muJerusarema, riri muJudha. Kunyazwi ndiani uri pakati penyu wevanhu vake veshe, Mambo Mwari, Mwari wake, ngaagare naye! Ngaakwireyo.’ ”

Isa. 44:28

uwo unoti kuSairusi, ‘Muushi wangu, unozoita zveshe zvendinoda;’ uwo unoti ngeJerusarema, ‘Rinozoakiswa,’ nokutemperi kuti, ‘Madzeyo ako anozoiswa.’ ”

Jer. 21:7

Mambo Mwari unoti, ‘Ngesure kwazvo ndinozopa Zedhekia mambo waJudha, nevaranda vake, nevanhu vedhorobha iri, avo vakapona nhenda, kushoti nenzara, munyara yaNebhukhadhineza mambo weBhabhuroni, munyara yemagaa avo, munyara yaavo vanotsvaka kuvauraya. Unozovabaya ngokupinza kweshoti; aazovakunguriri, nokuti kuvaponesa, nokuti kuvaitira nyasha.’ ”

Jer. 22:25

nokukupira munyara yaavo vanotsvaka kukuuraya, nomunyara yaavo vaunotya, kunyazwi munyara yaNebhukhadhineza, mambo weBhabhuroni, nomunyara yavaKharadhea.

Jer. 24:1

Mambo Mwari wakandionisa zvitundu zviiri zvemaonde zvakaiswa pamberi petemperi raMambo Mwari. Izvi zvakaitika ngesure apo mambo Nebhukhadhineza weBhabhuroni atora kuvaita vabatwa kubva Jerusarema mambo Jekhonia, mukororo waJehoiakimu mambo waJudha, pamwepo nevatongi vaJudha, vatsetsi, nevapfuri, kuenda navo Bhabhuroni.

Jer. 25:9

ringira, ndinozotumira kumadzinza eshe edera, kunyazwi naNebhukhadhineza mambo weBhabhuroni, muranda wangu, neni ndinozovaunza kuti varwise iyi nyika, nevagari vayo, nemadzinza eshe aya akaitendenedza; ndinozovaparadza yaamho nokuvaita chishamiso chinotyisa, chinoridzirwa murudzi nokuita matongo mhera nariini,” unoronza Mambo Mwari.

Jer. 28:14

Ngokuti izvi ndizvo zvinoronza Mambo Mwari wehondo, Mwari waIsuraeri: Ndaisa joka resimbi pamitsipa yemadzinza aya eshe, kuti ashandire Nebhukhadhineza mambo weBhabhuroni,’ navo vanozomushandira yaamho; neni ndatomupazve mhuka dzomushango.”

Jer. 43:10

Unozoti kwevari, ‘Izvi ndizvo zvinoronza Mambo Mwari wehondo, Mwari waIsuraeri: Ringira, ndinozotumira vanhu kootora muranda wangu Nebhukhadhineza, mambo weBhabhuroni, ndinozoemesa dendemaro rake padera pemapuwe aya endatsira; naye unozoemesa tende rake roumambo padera pawo.

Jer. 49:30

Tizai, muende kuretu, muhware mundau dzakadzama, O vagari vomuHazori,” unoronza Mambo Mwari; “Ngokuti Nebhukhadhineza mambo weBhabhuroni waita bangano rokurwa nemwi nokumurongera mazano akashata.

Ezek. 29:12

Ndinozoita nyika yeEgipite matongo pakati penyika dzakaitwa matongo; nemadhorobha ayo pakati pemadhorobha akaparadzwa anozoita matongo makore makumi marongomuna. Ndinozoparadzira vaEgipite pakati pemadzinza, ndinozovatatanisa mukati mwenyika dzeshe.

Ezek. 30:24

Ndinozogwinyisa mioko yamambo weBhabhuroni, ndiise shoti yangu munyara dzake; asi ndinozogura mioko yaFaro, naye unozogomera ari pamberi pake ngokugomera kwomunhu wakaremadzwa.

Dha. 4:12

Mashakani awo aiya akanaka, nemichero yawo yakawanda, wakabudisa kudya kweveshe. Mhuka dzeshango dzakaona bvute pashi pawo, shiri dzomudenga dzakagara mumatai awo, nezvinopona zveshe zvakadya kwouri.

Dha. 4:22

iwewe, O mambo! Wakakura kuita mukuru nokugwinya. Ukuru hwako hwakakura, nahwo hwakaguma mudenga, nokutonga kwako kunoguma kunyika dzeshe.