Jer. 27:5 - Bhaibheri Rakachena muChindau

⁵ Ndakasika nyika, nevanhu nemhuka dziri padera penyika, ngesimba rangu guru, nokutambanudzwa kwenyara yangu, neni ndinoipa kunyazwi kunaani wendinodakara ndiye.

Jer. 27:5 Iomraidhean Croise

Gen. 1:25

NaMwari wakaita zvikara zvenyika kudai ngokuteererana kwembeu dzazvo, nezvifuyo kudai ngokuteererana kwembeu dzazvo, nazvo zveshe zvipuka zvidoko nezvinogwezva pashi kudai ngokuteererana kwembeu dzazvo. NaMwari wakaona kuti zvaiya zvakanaka.

Gen. 9:6

“Kunyazwi ndiani unoparadza ngazi yomunhu, ngazi yake inozoparadzwa ngomunhu; ngokuti Mwari wakaita munhu ngomuedzaniso wake.

1 Madzi. 8:42

(ngokuti vanozozwa mbiri yezina rako guru, ngenyara yako inesimba nomuoko wako wakatambanudzwa) naapo mupara kuti akauya nokukumbira echiringira mhatso iyi,

Ezura 1:2

“Unoronza izvi Sairusi mambo wePhesia: Mambo Mwari, Mwari womudenga, wandipa umambo hweshe hwomunyika, naye wandipanga kuti ndimuakire mhatso muJerusarema muJudha.

Neh. 9:22

Wakavapa umambo nevanhu, wakavakoanisira ndau dzavo; ndizvo vakagara nhaka yenyika yamambo Sihoni weHeshibhoni, nenyika yaOgi mambo weBhashani.

Nduyo 102:25

Iwewe wakagadzika madzeyo enyika kare kare, nematenga mushando wenyara dzako.

Nduyo 96:5

Ngokuti zvimwari zvevanhu zveshe miedzaniso, asi Mambo Mwari wakaita matenga.

EKISEDHUSI 20:11

Ngokuti ngemazuva matanhatu Mambo Mwari wakaita denga nenyika, ruandhle, nazvo zveshe zviri mukati mwazvo, wakazorora ngezuva rechinomwe; ndizvo Mambo Mwari wakaremeredza zuva reSabatha, akarichenesa.

EKISEDHUSI 6:6

Ndizvo ronzai kune vana vaIsuraeri, kuti, ‘Ndini Mambo Mwari, ndinozomubudisa kubva pashi pemitwaro yevaEgipite, ndinozomusunhura kubva muuhloko hwavo, ndinozomuripira ngomuoko wakatambanudzwa nezvitongero zvikuru.

Isa. 42:5

Unoronza izvi Mwari, Mambo Mwari, uwo wakasika matenga akaatambanudza, uwo wakatambanudza nyika, neizvo zvinobuda kubva mukati mwayo; uwo unopa vanhu vanogara padera penyika mweya wokufema, nomweya kuneavo vanohamba mukati mwayo,

Isa. 44:24

Izvi ndizvo zvinoronza Mambo Mwari, Muripiri wako, uwo wakakurura mundani: “Ndini Mambo Mwari, wakasika zviro zveshe, uwo ega wakatambanudza matenga, uwo pachake wakatambanudza nyika;

Isa. 45:12

Ndakaita nyika, ndikasika munhu padera payo; inyara dzangu dzakatambanudza matenga, neni ndakapanga hondo dzawo dzeshe.

Isa. 48:13

Nyara yangu yakaisa tsikiro renyika, nenyara yangu yokumudyo yakatambanudza matenga; apo ndechizvidaidza, zvinomiruka kuema kutidzi.

Isa. 51:13

Wariyarwa Mambo Mwari, Musiki wako, uwo wakatambanudza matenga, nowakaaka matsikiro enyika. Munoangirira kutya zuva reshe ngendaa youshungu hwomutambudzi, uwo unokotamira kuparadza. Asi huripari ushungu hwomutambudzi?

Jer. 27:4

Wechivapanga izwi iri kuti varonzere madzimambo avo kuti, ‘Izvi ndizvo zvinoronza Mambo Mwari wehondo, Mwari waIsuraeri, ndizvo zvomunozoereketa kunemadzimambo enyu.

Jer. 32:17

“A Mambo Mwari! Ndiwe wakaita denga nenyika ngesimba rako guru, ngomuoko wako wakatambanudzwa. Akuna chakanyanya kukonza kwouri.

Jer. 51:15

Ndiye wakasika nyika ngesimba rake, uwo wakaemesa nyika ngoungwaru hwake, nokuzwisisa kwake wakatambanudza matenga.

Dha. 2:38

munyara yako wakapa vanhu kunyazwi ngepari pevanogara, zvikara zvomushango neshiri dzomudenga, nouwo waakaemesa kuita, mutongi padera pazvo zveshe; ndiwe soro romukore.

Dha. 4:14

Wakadaidzira, akati, ‘Tema muti, ugure matai awo, zuwa mashakani awo, uparadze michero yawo. Mhuka ngadzibve pashi pawo, neshiri ngadzibve pamatai awo.

Dha. 4:17

Kugura uku kwaitwa ngomutemo wevarindi, nendaa yagurwa ngeizwi raavo vakacheneswa, kuitira kuti avo vanopona vazie kuti Uri-padera-pazveshe unotonga muumambo hwavanhu nokuupa kunouwo waanotsanangura, nokuemesera padera pahwo uwo uri pashi pavanhu.’

Dha. 4:22

iwewe, O mambo! Wakakura kuita mukuru nokugwinya. Ukuru hwako hwakakura, nahwo hwakaguma mudenga, nokutonga kwako kunoguma kunyika dzeshe.

Dha. 4:25

Vanozokudzinga kubva kuvanhu, nougaro hwako hunozoita nemhuka dzomushango, newe unozopuwa mwenje kudya, kudai ngen'ombe, unozonyakatika ngebeto romudenga, nemikuwo minomwe inozopinda padera pako, metsa uzie kuti Uri-padera-pazveshe unotonga muumambo hwevanhu, nokuupa kunouwo waanotsanangura.

Dha. 5:18

O mambo, Mwari Uri-padera-pezveshe wakapa Nebhukhadhineza, baba ako, umambo, kukura, uthende nokuremeredzwa.

Zvak. 14:15

vechiti, “Vanhu, munoita izvi ngenyi? Isusuwo tiri vanhu vakadai ndimwi, tinounza kwomuri mashoko akanaka okuti mutenderuke kubva kuneizvi zvisina shwiro, muuye kunaMwari unopona, uwo wakasika denga nenyika noruandhle neizvo zveshe zviri mukati mwazvo.

Zvak. 17:24

Mwari uwo wakasika nyika nazvo zveshe zviri mukati mwayo, ndiye Mambo womudenga nomunyika, aagari mumatemperi akaakwa ngenyara dzevanhu,

Zvak. 17:26

Wakaita madzinza eshe evanhu kubva pamunhu umwe, kuti vagare padera penyika peshe, wakaemesera nguva dzavo nemigano yokugara kwavo,

Dhuto. 2:19

Naapo unozokwedzera pasinde pevana vaAmoni, usazovatambudza, usazoita hondo navo, ngokuti andizokupi nyika yevana vaAmoni; ngokuti ndakaipa kunemibarirwana yaRoti kuita nhaka yavo.”

Dhuto. 2:21

vanhu vakuru, vazhinji, vakareba, kudai ngevaAnakimu. Asi Mambo Mwari wakavauraya kubva pamberi pevaAmoni, kuti vavabvise vagare pandau yavo.

Dhuto. 2:7

Ngegwinyiso Mambo Mwari, Mwari wenyu wakamufumisa mumishando yeshe yenyara dzenyu; unozia kuhamba kwenyu mukati mweshango iri guru. Aya makore makumi marongomuna Mambo Mwari, Mwari wenyu waiya anemwi; amuzi kutama chiro.

Dhuto. 2:9

Mambo Mwari wakati kwendiri, ‘Musatambudza vaMoabhi, nokuti kurwa navo; ngokuti andizovapi nyika yavo kwomuri kuti mugare nhaka yayo; ngokuti ndakapa Ari kuvana vaRoti kuti iite nhaka yavo.’ ”

Dhuto. 32:8

Apo Uripadera-pazveshe wakakoanisira kumadzinza nhaka yavo, apo akaparadzanisa vakororo vaAdhamu, wakaemesa migano yevanhu kudai ngouwandu hwevana vaIsuraeri.

Dhuto. 4:17

muedzaniso wemhuka kunyazwi ngeiri iri munyika, muedzaniso weshiri kunyazwi ngeiri inemaphaphiro, inombururuka mudenga,

Dhuto. 4:25

Naapo munozobereka vana nevana vevana venyu, nemwi mwechizogara mukuwo wakareba munyika, mwechizodzishaishira, nokuita muedzaniso wakatsetswa, nokuti mutodzaniso wechiro kunyazwi ngechiri, mwechizoita zvakashata mukuona kwaMambo Mwari, Mwari wenyu, kumusa ushungu hwake,

Dhuto. 4:32

Ngokuti bvunzai ngemazuva akapinda, aiya pamberi penyu kubvira kuzuva raakasika Mwari vanhu padera penyika; mubvunze kubvira kurutii rumwe rwomudenga metsa kunorumweni, kuti kwaiyapo here chiro chakadai ngeichi chiro chikuru, nokuti kwakambozwika chakadaro here?

Dhuto. 4:35

Izvi zvakapangidzirwa kwomuri, kuti muzie kuti Mambo Mwari uri Mwari; akunazve umweni ngepabanze pake.

Dhuto. 5:16

“Remeredza baba ako namai ako, kudai ngezvaakapanga Mambo Mwari, Mwari wako, kuti mazuva ako awanzwe, zve, kuti zvinake kwouri munyika yaanopa kwouri Mambo Mwari, Mwari wako.

Dhuto. 9:29

Ngokuti vanhu vako, nenhaka yako, vewakabudisa ngesimba rako guru, ngomuoko wako wakatambanudzwa.”

Vakorose 1:16

ngokuti mwaari zviro zveshe zvakasikwa, zviri mudenga nezviri munyika, zviro zvinooneka nezvisikaoneki, kunyazwi madendemaro nokuti umambo nokuti vatongi nokuti vane simba; zviro zveshe zvakasikwa kubudikidza ndiye, nazvo zvakasikirwa iye.

Vahebheru 1:2

pamazuva aya okupedzisira wakaereketa kwetiri ngoMukororo wake, uwo waakaemesa kugara nhaka yezviro zveshe, kubudikidza ndiyezve wakasika nyika.

Chakapangijihwa 4:11

“Munosisira, imwimwi Mambo wedu naMwari wedu, kuashira kukudzwa nokuremeredzwa nesimba, ngokuti mwakasika zviro zveshe, ngokuda kwenyu zvakaapo nazvo zvakasikwa.”