Jer. 27:22 - Bhaibheri Rakachena muChindau

²² ‘Zvinozotwarwa kuenda Bhabhuroni, zvinozogara apo metsa zuva rendinozovahambira,’ unoronza Mambo Mwari. ‘Zvino ndinozozviunza ndechizvihwirinza kundau iyi.’ ”

Jer. 27:22 Iomraidhean Croise

2 Madzi. 25:13

Sika dzethusi dzaiya mumhatso yaMambo Mwari, nezvipanda nebhavhu rethusi, zvaiya mumhatso yaMambo Mwari, vaKharedhea vakazviputsa kuita zvigurwa, vakatora thusi kuenda naro Bhabhuroni.

2 MaKro. 36:21

kuti rizadzisike izwi iro raakaereketa Mambo Mwari ngomuromo waJeremia, metsa nyika yaita maSabatha ayo. Mazuwa eshe eyakagara iri matongo yakangwarira maSabatha, kuzadzisa makore makumi manomwe.

Ezura 1:11

Zveshe zvidziyo zvomukore nezvesirivha zvaiya makumi emazana mashanu nemazana marongomuna (5,400). Zveshe izvi zvakaunzwa Jerusarema ndiSheshibhaza, pamwepo naavo vaiya hloko vechibva Bhabhuroni.

Ezura 7:19

Nezvidziyo zvakapirwa kwouri zvemushando wemhatso yaMwari wako, unozozviunza pamberi paMwari muJerusarema.

Ezura 7:9

Ngezuva rokutanga romwedzi wokutanga, wakaamba kukwira kubva Bhabhuroni, ngezuva rokutanga romwedzi wechishanu wakaguma Jerusarema, ngokuti nyara yenyasha yaMwari wake yaiya padera pake.

Mazwi 21:30

Apana ungwaru, apana kuzwisisa, apana kupanga kwakwo kunomukira Mambo Mwari.

Jer. 20:5

Ndinozopa pfuma yeshe yedhorobha iri, zveshe zverinouyirwa ndizvo, zveshe zvaro zvinomutengo mukuru, noupfumi hweshe hwemadzimambo aJudha, kunyara dzemagaa avo, avo vanozozvichakata, nokuzvitora kuenda nazvo Bhabhuroni.

Jer. 27:21

Izvi ndizvo zvinoronza Mambo Mwari wehondo, Mwari waIsuraeri, ngendaa yezvidziyo zvakasara mumhatso yaMambo Mwari, nomumhatso mwamambo waJudha, nomuJerusarema:

Jer. 27:7

Madzinza eshe anozomushandira nomukororo wake, nomukororo womukororo wake, metsa mukuwo wenyika yake ugume; zvino madzinza akawanda nemadzimambo makuru anozomuita hloko yavo.’

Jer. 29:10

“Ngokuti izvi ndizvo zvinoronza Mambo Mwari: ‘Kwega apo Bhabhuroni rapedza makore aro makumi manomwe ndinozouya kwemuri, ndechizadzisa chigondiso changu kwemuri, ngokumupetudza kundau iyi.

Jer. 32:5

naye unozotora Zedhekia kuenda Bhabhuroni, unozogara apo metsa ndamuhambira, unoronza Mambo Mwari. Kunyazwi wechirwisana nevaKharadhea amuzobudiriri?’ ”

Jer. 34:2

“Izvi ndizvo zvinoronza Mambo Mwari, Mwari waIsuraeri echiti, ‘Enda uerekete kunaZedhekia mambo waJudha, wechimuronzera kuti, izvi ndizvo zvinoronza Mambo Mwari: Ringira, ndinozopa iri dhorobha munyara yamambo weBhabhuroni, naye unozoripisha ngomuriro.’

Jer. 34:3

Newe pachako auzopokonyoki kubva munyara yake, asi ngegwinyiso unozobatwa nokupirwa munyara yake; unozoona mambo weBhabhuroni dziso kudziso, nokuereketa naye hope kuhope; newe unozoenda Bhabhuroni.

Jer. 34:5

unozofa mukunyarara. Kudai ngezvekwaiya nokupishwa kwomutombo unegwema rakanaka kupishira madzibaba ako, madzimambo okutanga pamberi pako, ndizvo vanozoupishira iwewe; navo vanozokuchema vechiti, ‘Yoowe! Mambowee!’ Ngokuti ndaereketa izwi, unoronza Mambo Mwari.”

Dha. 5:23

Wakadzimirudza kurwisana naMambo womudenga. Navo vakaunza zvidziyo zvetemperi rake pamberi pako, newe nemakurukota ako, vakadzi vako nemabunha ako, mwakamwa ndizvo vhini; ukakudza zvimwari zvesirivha, zvomukore, zvethusi, zvesimbi, zvemiti nezvemapuwe, zvisikaoni nokuti kuzwa nokuti kuzia; asi Mwari uwo unomweya wako munyara mwake, nouwo unenjira dzako dzeshe, auzi kumukudza.

Dha. 9:2

mugore rokutanga rokutonga kwake, inini Dhanieri ndakazwisisa kubva mubhuku uwandu hwemakore, kuti kudai ngeizwi raMambo Mwari rakauya kunaJeremia muprofeti, rinosisira kuti rizadzisike kuparadzwa kweJerusarema, anozoita makore makumi manomwe.