Jer. 27:14 - Bhaibheri Rakachena muChindau

¹⁴ Musapurutana kumazwi evaprofeti vanoereketa kwomuri, vechimuronzera kuti, amusashandira mambo weBhabhuroni, ngokuti vanoprofeta manyepo kwomuri.

Jer. 27:14 Iomraidhean Croise

Jer. 14:14

Zvino Mambo Mwari wakati kwendiri, “Vaprofeti vanoprofeta zvokunyepa ngezina rangu. Andizi kuvatuma, nokuti kuvapanga nokuti kuereketa kwevari. Vanoprofeta kwomuri chioniso nokufembera zvokunyepa, nechisina shwiro, nokuchengedzera kwemwoyo yavo.

Jer. 23:21

Andizi kutuma vaprofeti, asi vakarumba kuenda; andizi kuereketa kwevari, asi vakaprofeta.

Jer. 23:25

“Ndazwa zvakaronza vaprofeti avo vanoprofeta manyepo ngezina rangu vechiti, ‘Ndarota, ndarota.’

Jer. 28:15

Zvino muprofeti Jeremia wakati kunaHanania muprofeti, “Purutana, Hanania, Mambo Mwari aazi kukutuma, newe waita kuti vanhu ava vagonde manyepo.

Jer. 37:19

Vari pari zvino vaprofeti venyu vakaprofeta kwomuri vechiti, ‘Mambo weBhabhuroni aazouyi koorwa nemwi, nokuti kurwa neiyi nyika?’

Jer. 38:22

Ringira, chioniso chevakadzi veshe vakasara mumhatso yamambo waJudha vanozotorwa kuenda kuvatongi vamambo weBhabhuroni, vanozoti, ‘Vangani vako vakagondeka vakuchengedzera, vakunyisa; ndizvo tsoka dzako dzanzvaira mumatope, navo vakufuratira.’

Chi. 2:14

Vaprofeti vako vakuonera zvioniso zvokunyepa nezvinopaukisa zvisina shwiro nezvoupenzi; avazi kubudisa kushaisha kwako, kuti vabvise uhloko hwako; asi vakuonera zvioniso zvokunyepa nezvokupaukisa.

Mik. 2:11

Kudai munhu aizohambahamba echiereketa manyepo asina shwiro echiti, “Ndinozochumaira kwomuri ngevhini nezvokumwa zvinoradzisa;” ndiye unozoita muchumairi wevanhu ava.

Zek. 10:2

Ngokuti miedzaniso yokudira inoereketa zvisina shwiro, neman'anga anoona manyepo, varoti vanoronza hope dzokunyepa, vechipa kuembedzera kusina shwiro. Ndizvo vanhu vanonzerereka kudai ngemakwai, vanotambudzika ngokutama muushi.

Mateu 7:15

“Ngwarirai vaprofeti vokunyepa, avo vanouya kwomuri vakapfeka makushe emakwai, asi ngomukati vari mathika anokara.

Vafiripi 3:2

Ngwarai imbwa, ngwarai vashandi vezvakashata, ngwarai ngaavo vanocheka nyama.

1 Joh. 4:1

Vanodikanwa, musatenda mweya yeshe, asi edzai mweya muone kuti inobva kunaMwari; ngokuti vaprofeti vazhinji vokunyepa vakabuda kuenda munyika.