Jer. 26:6 - Bhaibheri Rakachena muChindau

⁶ zvino ndinozoita kuti mhatso iyi idai ngeShiro, neni ndinozoita kuti dhorobha iri riite chituko kumadzinza eshe enyika.’ ”

Jer. 26:6 Iomraidhean Croise

2 Madzi. 22:19

Ngokuti mwoyo wako wakapfaa, newe wakadzipfaisa pamberi paMambo Mwari, apo wazwa ngeizvo zvendakaereketa ngeiyi ndau, nendaa yevanhu vanogara kweiri, kuti vanozoita vakaparadzwa nevanotukwa, ngokuti wakamwesa machira ako nokuchema pamberi pangu, inini ndakuzwawo, unoronza Mambo Mwari.

Isa. 43:28

Ndizvo ndakatuka vakuru vendau iyo yakachena, ndakaita kuti Jakobe aparadzwe, naIsuraeri kuti atsverudzwe.”

Isa. 65:15

Munozosiya zina renyu kunevakatsanangurwa vangu kuti riite chituko, naMambo Mwari, Mwari, unozomuuraya, asi varanda vake vanozodaidzwa ngezina rimweni.

Jer. 24:9

Ndinozovaita chiro chinotyisa nechakashata kuumambo hwenyika dzeshe kuti vatsverudzwe, kuita chishekedzo, nokutsvinyirwa, nokutukwa kundau dzeshe kwendinozovaisa.

Jer. 25:18

Jerusarema nemadhorobha aJudha, madzimambo awo nevatongi vawo, kuvaparadza nokuvaita chishamiso, chinoridzirwa marudzi, nokutukwa, kudai ngezvezviri azvo nyamashi;

Jer. 29:18

Ndinozovateera ngeshoti, ngenzara nenhenda, nokuvaita chiro chinotyisa kuumambo hweshe hwenyika, kuti vaite vakatukwa, nechishamiso, nevanoridzirwa murudzi, nevanotsverudzwa, pakati pemadzinza eshe endakavadzingira kwaari,

Jer. 29:22

Ngendaa yavo izwi rechituko rinozoamba kushandiswa ngevoubatwa veshe vanobva kwaJudha, vari muBhabhuroni, rokuti, ‘Mambo Mwari ngaakuite kudai ndiZedhekia naAhabhi, avo vaakapisha ngomuriro mambo weBhabhuroni,’

Jer. 42:18

“Ngokuti izvi ndizvo zvinoronza Mambo Mwari wehondo, Mwari waIsuraeri: ‘Kudai ngokutseneka kwangu noushungu hwangu zvakadururwa padera pevagari veJerusarema, ndizvo ushungu hwangu hunozodururwa padera penyu, apo pomunozoenda Egipite. Munozoita chiro chakadai ngemahundi nechishamiso, nokuita vakatukwa nevanoshoorwa. Amuchazoonizve ndau iyi.’ ”

Jer. 44:22

Naapo Mambo Mwari asikachakoni kuringira kushata kwezviito zvenyu, zvinyangadzo zvemwakaita; ndizvo nyika yenyu yakaita dongo nokuparadzwa neyakatukwa, isina unogaramwo, kudai ngezveyakaita nyamashi.

Chi. 2:15

Veshe avo vanopinda ngenjira vanoembera nyara dzavo kwouri; vanoridza murudzi nokudzungudza masoro avo kumwanasikana weJerusarema vechiti, “Iri ndiro here dhorobha revakadudza vechiti, ‘Kuperera kwounaku, kudakara kwenyika dzeshe?’ ”

Chi. 2:16

Magaa ako eshe akushamira miromo yawo kurwisana newe; vanoridza murudzi nokukwetsanisa mazino avo; vanoti, “Tamumedza! A, iri ndiro zuva retaigarira; zvino tariona.”

Dha. 9:11

VaIsuraeri veshe vakagura mupango wako, ngokupauka, vakaramba kuti vasazopurutana izwi rako. Ndizvo chituko chakadururwa padera pedu, nokupika ukwo kwakanyorwa mumipango yaMosi, muranda waMwari, ngokuti takamushaishira.

Zek. 5:3

Zvino yakati kwendiri, “Ichi chituko chinobuda padera pehope yenyika yeshe; weshe unoba unozourawa ngouno, kudai ngezvakanyorwa kurutii kwaro; neweshe unopika mhiko dzokunyepa unozourawa, kudai ngezvakanyorwa kurutii rumweni.

Mar. 4:6

Unozopetudza mwoyo yemadzibaba kunevana, nomwoyo yevana kunemadzibaba avo, kuti ndisazouya kuchaya nyika ngechituko.”

Josh. 18:1

Zvino mbungano yeshe yevaIsuraeri yakaungana muShiro, vakaemesa tende romushongano apo. Nyika yakanyiswa yaiya pamberi pavo.