Jer. 26:18 - Bhaibheri Rakachena muChindau

¹⁸ “Mikha weMoreshethi wakaprofeta ngamazuva aHezekia mambo waJudha, akati kuvanhu veshe vaJudha, ‘Izvi ndizvo zvinoronzaMambo Mwari wehondo: Zioni rinozorimwa kudai ngomunda, neJerusarema rinozoita mirwi yematongo, nomutunhu wemhatso unozodai ngendau dzakakwirira dzegwasha.’

Jer. 26:18 Iomraidhean Croise

2 Madzi. 19:25

Amuzi kuzwa here njira yendakazviita ndiyo karetu? Ndakazvironga ngemikuwo yekaretu? Zvino ndazviita kuti zviitike, kuti iwewe uite uwo unozoparadza madhorobha akashosherwa kuti aite mirwi yematongo.

2 MaKro. 32:26

Zvino Hezekia wakadzipfaisa pachake kubva mukudzikudza kwomwoyo wake, veshe iye nevagari veJerusarema, ndizvo ngokudaro ushungu hwaMambo Mwari ahuzi kuchauyazve padera pavo, mazuva eshe okupona kwaHezekia.

Neh. 4:2

Naye wakaereketa pamberi pehama dzake, nepamberi pehondo yevaSamaria, echiti, “Ava vaJudha vakarembedzeka vanoitenyi? Vanozomusira zviro here? Vanozopira midiro here? Vanozopedza ngezuva rimwe here? Vanozotekateka mapuwe here kubva kumirwi yemahundi akapishwa?”

Nduyo 79:1

A Mwari, vemadzinza vapotera munhaka yako; vasvipisa temperi rako rakachena; vakaparadza Jerusarema kuita matongo.

Jer. 17:3

pamitunhu iri munyika yorubaya. Upfumi hwako hweshe nemare yako ndinozozvipira kuti zvichakatwe, nendau dzako dzakakwirira ngendaa yokushaisha kwako kuri munyika yako yeshe.

Jer. 51:37

NeBhabhuroni rinozoita murwi wematongo, nebako remakava, nokuita chiro chinoshamisa, nokushoorwa, nokuridzirwa murudzi risina unogaramwo.

Jer. 9:11

“Ndinozoita kuti Jerusarema riite murwi wematongo, nebako rezvikara zvinotyisa; ndinozoita kuti madhorobha aJudha aite rubaya, pasina unogaremwo.”

Mik. 1:1

Izwi raMambo Mwari iro rakauya kunaMikha weMoreshethi mumazuva aJothamu, Ahazi, naHezekia, madzimambo aJudha, raakaona ngendaa yeSamaria neJerusarema.

Mik. 3:12

Ndizvo ngendaa yenyu Zioni rinozorimwa kudai ngomunda, neJerusarema rinozoita mirwi yematongo, nomutunhu wetemperi kudai ngendau dzakakwirira dzegwasha.

Mik. 4:1

Mumazuva achauya mutunhu wemhatso yaMambo Mwari unozoemeswa padera pemitunhu, unozokwidzwa padera pezvimitunhu. Vanhu vanozopitipidzana kuenda kweriri,

Zek. 8:3

Izvi ndizvo zvinoronza Mambo Mwari: Ndinozopetuka kuZioni, neni ndinozogara pakati peJerusarema; Jerusarema rinozodaidzwa kuti Dhorobha Rakagondeka, nomutunhu waMambo Mwari wehondo unozodaidzwa kuti mutunhu wakacheneswa.