Jer. 26:13 - Bhaibheri Rakachena muChindau

¹³ Ndizvo zvino nasirirai njira dzenyu nezviito zvenyu, mupurutane izwi raMambo Mwari, Mwari wenyu; naMambo Mwari unozorekera kushata ukwo kwaakamurongera.

Jer. 26:13 Iomraidhean Croise

EKISEDHUSI 32:14

Mambo Mwari wakatenderuka ngendaa yokushata kwaaipinimidza kuzoita kune vanhu vake.

Isa. 1:19

Kudai mwechida nokupurutana, munozodya zvakanaka zvenyika;

Isa. 55:7

Wakashata ngaasiye njira yake, nomunhu usikazi kururama mipinimidzo yake; ngaatenderukire kunaMambo Mwari, naye unozomuitira nyasha, nokunaMwari wedu, ngokuti unozomukungurira yaamho.

Jer. 11:4

ichi chendakapanga madzibaba enyu ngeiro zuva rendakavabudisa kubva munyika yeEgipite, kubva muchoto chesimbi ndechiti, ‘Purutanai izwi rangu nokuita kudai ndizvo zveshe zvandakamupanga. Ndizvo munozoita vanhu vangu, neni ndinozoita Mwari wenyu,

Jer. 18:11

Ndizvo zvino, erekete kuvanhu vaJudha nokune vagari veJerusarema wechiti, Izvi ndizvo zvinoronza Mambo Mwari: Ringira, inini ndiri muumbi wehari, ndinonasira kushata kunowira padera penyu, nokuronga mazano okumurwisa. Zvino tenderukai umwe ngaumwe wenyu kubva kunjira yake yakashata, munasirise njira dzenyu nezviito zvenyu.’

Jer. 18:8

asi kudai iro dzinza, rendakaereketa ndiro rikatenderuka kubva mukushata kwaro, ndinozorekera kuita kushata kwendakapinimidza kuita padera paro.

Jer. 26:19

Hezekia mambo waJudha nevanhu veshe vaJudha vakamuuraya here? Aazi kutya Mambo Mwari here nokupota nyasha dzaMambo Mwari, naMambo Mwari aazi kurekera here kushata kwaaiya aronga kuunza padera pavo? Asi taa kudziunzira kushata kwakura padera pedu.”

Jer. 26:3

Pamweni vanozopurutana veshe, nokutenderuka umwe ngaumwe kubva kunjira yake yakashata, kuti ndirekere kushata kwendinoronga kuunza padera pavo ngendaa yezviito zvavo zvakashata.

Jer. 35:15

Ndatumira kwomuri veshe varanda vangu vaprofeti, ndechiangira kuvatumira ndechiti, tenderukai zvino munhu weshe kubva kunjira yake yakashata, munasirise zviito zvenyu, murekere kuteera zvimwari zvimweni kuzvidira, nemwi zvino munozogara muiyi nyika yendakamupa, imwimwi nemadzibaba enyu.’ ” Asi amuzi kutenda kuzwa nokuti kundipurutana.

Jer. 36:3

Pamweni vemhatso yaJudha pevanozwa kweshe kushata kwendakaronga kuita kwevari, veshe umwe ngaumwe wavo ungatenderuka kubva kunjira yake yakashata, kuti ndikone kurekerera kushata kwavo nezvishaishi zvavo.”

Jer. 38:20

Jeremia wakati, “Izvo azvizoitiki. Purutana izwi raMambo Mwari muneizvo zvendinokuronzera, nazvo zvinozokunakira, newe unozopona.

Jer. 42:10

‘Kuti mwechizoangirira kwega kugara munyika iyi, zvino ndinozomuaka, andizomupwanyiri pashi; ndinozomusima, andizomubviti; ngokuti ndineurombo ngedambudziko rendakaunza padera penyu.

Ezek. 33:11

Ereketa kwevari uti, ‘Kudai ngezvendinopona, unoronza Mambo Mwari, Mwari, andina kudakara ngorufu rwowakashata, asi kuti wakashata atenderuke kubva munjira yake, apone; tenderuka, tenderuka kubva munjira yako yakashata; ngokuti unoda kufa ngenyi, O mhatso yaIsuraeri?’

Joeri 2:14

Ndiani unozia pamweni unozohwirira, echitenderuka, nokusiya zvifumiso sure kwake, mudiro wezviyo nomudiro wokumwa kunaMambo Mwari, Mwari wenyu?

Jona 3:9

Ndiani unozia? Pamweni Mwari unozotenderuka nokukungurira, nokupauka kubva mukunyangadzwa kwake kunotyisa, kuti tisazofa.’ ”

Jona 4:2

Wakakumbira kunaMambo Mwari, akati, “Ndapota, O Mambo Mwari! Izvi andizvopi here zvendakaereketa, apo pendaiya munyika mwangu? Ndizvo zvakaita kuti nditizire Tharshishi kutanga; ngokuti ndakazia kuti uri Mwari unenyasha, wakazara ngokukungurira, unononoka kunyangadzwa, unowanza nyasha dzinorudo, unokunukuka kubva mukuorora.

Dhuto. 32:36

Ngegwinyiso Mambo Mwari unozopokonyora vanhu vake, nokuva nenyasha kuvaranda vake, apo echiona kuti simba ravo rapera, akuna unosara wakasungwa nokuti wakasunhurwa.”

Vahebheru 5:9

naapo aitwa wakaperera, wakaita muambi wokuponeswa kusikaperi kwavari veshe vanomupurutana,

Vato. 2:18

Peshe Mambo Mwari paakaemesa vatongi, Mambo Mwari waiyapo nomutongi uwo, wakavaponesa kubva munyara dzemagaa avo mazuva eshe ouwo mutongi; ngokuti zvakamukunukusa Mambo Mwari ngendaa yokugomera kwavo ngendaa yeavo vakavatambudza nokuvanesa.