Jer. 25:3 - Bhaibheri Rakachena muChindau

³ “Ngokuti pagore remakumi mairi nematatu kubvira pagore regumi nematatu rokutonga kwaJosia mukororo waAmoni, mambo waJudha, metsa pazuva iri, izwi raMambo Mwari raiuya kwendiri, neni ndaindoriereketa kwomuri ngokusikareki, asi imwimwi amuzi kupurutana.

Jer. 25:3 Iomraidhean Croise

Gen. 22:3

Ndizvo Abrahama wakafumira kumiruka mangwanani, wakasungira chigaro pambongoro yake, akatora vairi vemajaha ake naye naIsaka mukororo wake; wakaadza huni dzokupisha mudiro, akamiruka, akaenda kundau yaakamuronzera ndiyo Mwari.

1 Madzi. 22:3

Mambo waIsuraeri wakati kunevaranda vake, “Amuzii here kuti Ramothigireadhi ngeredu, asi isusu takanyarara, atizi kuritora kubva munyara yamambo waAramu?”

2 Madzi. 17:13

Asi Mambo Mwari wakapanga vaIsuraeri nevaJudha, kubudikidza ngevaprofeti veshe neavo veshe vaifembera echiti, “Tenderukai imwimwi kubva kunjira dzenyu dzakashata, mungwarire mipango yangu nezviemeso zvangu, kudai ngemipango yeshe yendakapanga ndiyo madzibaba enyu, neiyo yendakatumira kwomuri ngevaranda vangu vaprofeti.”

2 MaKro. 24:19

Asi wakatuma vaprofeti pakati pavo, kuti vavapetudze kunaMambo Mwari; navo vakaita chapupu kwevari, asi avazi kupurutana.

2 MaKro. 34:1

Josia waiya nemakore masere apo paakatanga kutonga; wakatonga muJerusarema makore makumi matatu narimwe.

2 MaKro. 34:3

Ngokuti mugore rechisere rokutonga kwake, achiri mutsva, wakatanga kutsvaka Mwari wababa ake Dhavhidha, nomugore regumi nemairi wakatanga kudusa ndau dzakakwirira, nesika dzokudira, miedzaniso yakatsetswa nemiedzaniso yakanyunguruswa, kubva munaJudha nomuJerusarema.

2 MaKro. 34:8

Mugore regumi nemasere okutonga kwake, apo achenesa nyika nemhatso, wakatuma Shafani mukororo waAzaria, Maaseia mutongi wedhorobha, naJoa mukororo waJoahazi munyori, kuti vaakise mhatso yaMambo Mwari, Mwari wake.

2 MaKro. 36:15

Mambo Mwari, Mwari wemadzibaba avo, wakaangira kutumira izwi kwevari ngavaranda vake nguva dzeshe, ngokuti waiya nenyasha kuvanhu vake nendau yake yokugara.

Nduyo 81:13

A, kudai vanhu vangu vaizopurutana kwendiri, kudai Isuraeri aizohamba munjira dzangu!

EKISEDHUSI 8:20

Zvino Mambo Mwari wakati kunaMosi, “Fumira kumiruka mangwanani, ueme pamberi paFaro, apo paanobuda kuenda kumvura, wechiti kwaari, ‘Mambo Mwari unoronza izvi: Tendera vanhu vangu vaende, vandidire.

Isa. 55:2

Ngenyi wechipedza mare yako ngeizvo zvisiri kudya, nomushando wako weizvo zvisikagutsi? Nasa kupurutana kwendiri, udye izvo zvakanaka, nemweya yako ngaudakadzwe ngezvakakora.

Jer. 1:2

Kwaari izwi raMambo Mwari rakauya ngemazuva amambo Josia, mukororo waAmoni weJudha, ngegore regumi nematatu okutonga kwake.

Jer. 11:7

Ngokuti ndakangwadza yaamho madzibaba enyu ngeiro zuva randakavabudisa kubva munyika yeEgipite, ndechivangwadza ngokuangira kunyazwi metsa nanyamashi ndechiti, ‘Purutanai izwi rangu.’

Jer. 19:15

“Izvi ndizvo zvinoronza Mambo Mwari wehondo, Mwari waIsuraeri: Ringira, ndinounza padera pedhorobha iri, nepadera pemaguta aro eshe, kushata kweshe kwendakaronza kweriri, ngokuti vakakonzisa mitsipa yavo, kuramba kuti vasazwa mazwi angu.”

Jer. 22:21

Ndakaereketa kwouri ngomukuwo wokubudirira kwako, asi iwewe wakati, “Andizopurutani.” Uyu ndiwo muitiro wako wokusikapurutana izwi rangu, kubvira muudoko hwako.

Jer. 25:4

Kunyazwi Mambo Mwari wakaangira kutumira varanda vake veshe vaprofeti, imwimwi amuzi kupurutana nokuti kuteya nzee dzenyu kuti muzwe

Jer. 26:5

nokupurutana kumazwi evaranda vangu vaprofeti, vendinotuma kwomuri ngokukasira, kunyazwi imwimwi amuzi kupurutana,

Jer. 29:19

ngokuti avazi kupurutana mazwi angu,’ unoronza Mambo Mwari, ‘Apo pendakaangira kutumira kwemuri varanda vangu vaprofeti, asi amuzi kupurutana,’ unoronza Mambo Mwari.

Jer. 32:33

Vakandifuratira, avazi kundiringira; kunyazwi ndakaangira kuvadzidzisa, asi avazi kupurutana nokuashira kudzidziswa.

Jer. 35:14

‘Mupango wakazadzisika uwo Jonadhabhi mukororo waRekhabhi waakapanga kumibarirwana yake kuti vasamwa vhini; navo avazi kumwa narimwe metsa nyamashi, ngokuti vakapurutana mupango wababa avo. Asi inini pachangu ndakaangira kuereketa kwomuri, neimwimwi amuzi kupurutana kwendiri.

Jer. 35:15

Ndatumira kwomuri veshe varanda vangu vaprofeti, ndechiangira kuvatumira ndechiti, tenderukai zvino munhu weshe kubva kunjira yake yakashata, munasirise zviito zvenyu, murekere kuteera zvimwari zvimweni kuzvidira, nemwi zvino munozogara muiyi nyika yendakamupa, imwimwi nemadzibaba enyu.’ ” Asi amuzi kutenda kuzwa nokuti kundipurutana.

Jer. 36:1

Mugore rechirongomuna Jehoiakimu mukororo waJosia raaiya mambo waJudha, izwi iri rakauya kunaJeremia rechibva kunaMambo Mwari rechiti,

Jer. 36:2

“Tora bhuku rinopetwa, unyore mukati mwaro eshe mazwi endakaereketa kwouri ndiIsuraeri naJudha, nemadzinza eshe kubvira pazuva rendakaereketa kwouri, kubvira pamazuva aJosia metsa nyamashi.

Jer. 44:4

Asi ndakaangira kumutumira varanda vangu veshe vaprofeti ndechiti, ‘Ndinomupota kuti musaita ichi chiro chinonyangadza chendinonyenya.’

Jer. 7:13

Zvino,” Mambo Mwari unoronza, “Ngokuti mwakaita izvi zviro zveshe, naapo pendakaereketa kwomuri ngokusikarekera, amuzi kundipurutana, naapo pendakamudaidza amuzi kupingura,

Jer. 7:25

Kubvira zuva revakabuda madzibaba enyu kubva munyika yeEgipite metsa nyamashi, ndakatumira ngokuangira varanda vangu veshe, vaprofeti, kwevari mazuva eshe;

Ezek. 33:4

zvino kunyazwi ndiani unozozwa bope regwama, asikanyowedzwi ndiro, neshoti yechiguma nokumuuraya, ngazi yake inozogara padera pesoro rake.

Zek. 1:4

Musadai ngemadzibaba enyu, avo vevakadaidza kwevari vaprofeti vokutanga vechiti, ‘Unoronza izvi Mambo Mwari wehondo: Petukai zvino kubva kunjira dzenyu dzakashata, nokubva kuzviito zvenyu zvakashata. Asi avazi kuzwa, nokuti kupurutana kwendiri, unoronza Mambo Mwari.

Marku 1:35

Mumangwanani maishi wakamiruka, akabuda akaenda pandau iri yega, akakumbira aripo.

Johani 8:2

Mangwanani maishi wakauyazve muTemperi; vanhu veshe vakauya kwaari, naye wakagara pashi, akavadzidzisa.

Johani 8:47

Uwo uri waMwari unozwa mazwi aMwari; ngeiyi ndaa imwimwi amundizwi, ngokuti amuri vaMwari akadi.”

2 Tim. 4:2

Chumaira izwi, ugwinyisire ngenguva kwayo neisiri nguva kwayo, rambidza, ukaraidze, upange ngokusengerera kweshe nokudzidzisa.