Jer. 24:8 - Bhaibheri Rakachena muChindau

⁸ “Asi izvi ndizvo zvinoronza Mambo Mwari, ‘Kudai ngemaonde akashata, akashata asikadyiki, ndizvo zvendinozoitira Zedhekia, mambo waJudha, vatongi vake, vakasara veJerusarema, avo vakasara munyika iyi, naavo vanogara munyika yeEgipite.

Jer. 24:8 Iomraidhean Croise

1 MaKro. 3:15

Vakororo vaJosia: Johanani dangwe rake, wechipiri Jehoiakimu, wechitatu Zedhekia, wechirongomuna Sharumu.

Jer. 13:7

Ndizvo ndakaenda Phara, ndikatsa, ndikatora bhande kubva pandau pandakarifisha. Ringira, bhande raiya raora, risikachadetseri chiro.

Jer. 21:10

Ngokuti ndakaemesa hope yangu kurwisa iri dhorobha ngendaa yokushata, haiwa ngendaa yokunaka,” unoronza Mambo Mwari. “Rinozopirwa munyara yamambo weBhabhuroni, naye unozoripisha ngomuriro.”

Jer. 24:2

Chitundu chimwe chaiya nemaonde akanaka yaamho, kudai ngemaonde okutanga kuibva, asi chitundu chimweni chaiya nemaonde akashata yaamho, asaidyika ngokuti aiya akanyanya kushata.

Jer. 24:5

“Izvi ndizvo zvinoronza Mambo Mwari, Mwari waIsuraeri: Kudai ngaaya maonde akanaka, ngokudaro ndinozovaerenga kuti vakanaka avo vakatorwa kubva kuvaJudha kuita vabatwa, avo vendakabudisa mundau iyi kuenda munyika yevaKharadhea.

Jer. 37:10

Kunyazwi mukanyisa hondo yeshe yevaKharadhea, iyo inorwa nemwi, apo panozosara vamweni vavo vakaremadzwa mumatende avo, vanozomiruka umwe ngaumwe kubva kutende rake, nokupisha dhorobha iri ngomuriro.”

Jer. 37:17

Zvino Zedhekia mambo wakatumira izwi kuti abudiswe nokumuashira. Mambo wakamubvunza ngokufishika mumhatso echiti, “Riripo here izwi rabva kunaMambo Mwari?” Jeremia wakati, “Riripo.” Zvino wakati, “Unozopirwa munyara yamambo weBhabhuroni.”

Jer. 43:1

Naapo Jeremia apedza kuereketa kunevanhu veshe mazwi aya eshe aMambo Mwari, Mwari wavo, awo Mambo Mwari, Mwari wavo aakamutuma nawo kwevari,

Jer. 44:1

Izwi iro rakaguma kunaJeremia revaJudha veshe vaigara munyika yeEgipite, paMigidhori, paThafanehesi, paMempfisi, nomunyika yePhathrosi rechiti,