Jer. 24:7 - Bhaibheri Rakachena muChindau

⁷ Ndinozovapa mwoyo wokundizia, kuti ndini Mambo Mwari; navo vanozoita vanhu vangu, neni ndinozoita Mwari wavo, ngokuti vanozopetuka kwendiri ngomwoyo wavo weshe.

Jer. 24:7 Iomraidhean Croise

2 MaKro. 6:38

kuti vakatenderuka ngomwoyo yavo yeshe nomweya yavo yeshe munyika youbatwa hwavo, iyo kwevakatorwa kuitwa vabatwa, nokukumbira kwouri, vakaringira kunyika yavo, iyo yewakapa kumadzibaba avo, dhorobha rewakatsanangura, nemhatso yendakaakira zina rako,

Nduyo 119:2

Vanomuchena avo vanongwarira uchapupu hwake, avo vanomutsvaka ngomwoyo yavo yeshe,

Isa. 51:16

Ndaisa mazwi angu mumuromo wako, nokukufisha mubvute renyara yangu, ndechitambanudza matenga, nokuaka matsikiro enyika, nokuti kuneZioni, ‘Muri vanhu vangu.’ ”

Jer. 11:4

ichi chendakapanga madzibaba enyu ngeiro zuva rendakavabudisa kubva munyika yeEgipite, kubva muchoto chesimbi ndechiti, ‘Purutanai izwi rangu nokuita kudai ndizvo zveshe zvandakamupanga. Ndizvo munozoita vanhu vangu, neni ndinozoita Mwari wenyu,

Jer. 29:10

“Ngokuti izvi ndizvo zvinoronza Mambo Mwari: ‘Kwega apo Bhabhuroni rapedza makore aro makumi manomwe ndinozouya kwemuri, ndechizadzisa chigondiso changu kwemuri, ngokumupetudza kundau iyi.

Jer. 3:10

Asi ngeizvi zveshe munun'una wake unochengedzera aazi kupetuka kwendiri ngomwoyo wake weshe, asi ngokudziitisa,” unoronza Mambo Mwari.

Jer. 30:22

‘Nemwi munozoita vanhu vangu, neni ndinozoita Mwari wenyu.’ ”

Jer. 7:23

Asi mupango uyu ndakavapanga ndechiti, ‘Purutanai izwi rangu, neni ndinozoita Mwari wenyu, nemwi munozoita vanhu vangu; muhambe kwega munjira yendinomupanga ndiyo, kuti zvimunakire.’

Ezek. 11:17

Ndizvo ronza kuti: Izvi ndizvo zvinoronza Mambo Mwari, Mwari: Ndinozomuunganidza kubva kuvanhu vemadzinza, nokumuunganidza kubanze kwenyika dzemwakaparadzirwa, neni ndinozomupa nyika yaIsuraeri.

Ezek. 14:11

kuti mhatso yaIsuraeri isachazopauka nakamwe kubva kwendiri, nokuti isachazodzisvipisa ngezvishaishi zvayo. Asi kuti izoita vanhu vangu, neni ndinozoita Mwari wayo,” unoronza Mambo Mwari, Mwari.

Ezek. 16:62

Ndinozoita chitenderano changu newe; newe unozozia kuti inini ndini Mambo Mwari,

Ezek. 37:23

Avachazodzisvipisizve nariini ngemiedzaniso yavo yokudira nezviro zvavo zvinonyangadza nokuti ngezvishaishi zvavo. Asi ndinozovaponesa vari kundau dzavo dzeshe dzokugara, umwo mwevakashaisha vari, ndinozovachenesa. Zvino vanozoita vanhu vangu, neni ndinozoita Mwari wavo.

Ezek. 37:27

Tende rangu rinozogara pakati pavo; ndinozoita Mwari wavo, navo vanozoita vanhu vangu.

Ezek. 39:22

Mhatso yaIsuraeri inozozia kuti inini ndini Mambo Mwari, Mwari wavo, kubvira pazuva iro kuende mberi.

Hos. 2:22

nenyika inozopingura koroni, vhini, nemafuta; neizvo zvinozopingura Jezireeri.

Zek. 13:9

Neni ndinozoisa urwu rupande rwechitatu mumuriro, ndinozoaererisa kudai ngounoeresa sirivha, nokuvaedza kudai ngounoedzwa kunoitwa mukore. Vanozodaidza ngezina rangu, neni ndinozovapingura. Ndinozoti, ‘Vanhu vangu;’ navo vanozoti, ‘Mambo Mwari ndiye Mwari wedu.’ ”

Zek. 8:8

neni ndinozovaunza kuti vagare muJerusarema. Vanozoita vanhu vangu, neni ndinozoita Mwari wavo, mukugondeka nomukururama.

Varoma 6:17

Asi ngaabongwe Mwari kuti kunyazwi imwimwi mwaiya hloko dzokushaisha, mwakaita vanopurutana ngomwoyo weshe kugwinyiso rinooneka mudzidziso yakapuwa kwomuri,

Vahebheru 11:16

Asi zvino vanodisisa nyika yakapinda kunaka, kuronza kuti, yomudenga. Ndizvo Mwari aatsveruki kudaidzwa kuti Mwari wavo. Ngokuti wakavanasirira dhorobha.

Vahebheru 8:10

Ngokuti ichi ndicho chitenderano chendinozoita nevemhatso yaIsuraeri ngesure kwemazuva awo, unoronza Mambo Mwari; ndinozoisa Mipango yangu mumipinimidzo yavo, ndinozoinyora mumwoyo yavo, neni ndinozoita Mwari wavo, navo vanozoita vanhu vangu.

1 Sam. 7:3

Zvino Samueri wakaereketa kumhatso yeshe yaIsuraeri echiti, “Kuti mwechihwirira kunaMambo Mwari ngomwoyo wenyu weshe, zvino rashai zvimwari zvipara naAshitharothi kubva pakati penyu. Mwechiemesa mwoyo yenyu kunaMambo Mwari, nokumushandira iye ega, naye unozomununura kubva munyara dzevaFiristia.”