Jer. 24:5 - Bhaibheri Rakachena muChindau

⁵ “Izvi ndizvo zvinoronza Mambo Mwari, Mwari waIsuraeri: Kudai ngaaya maonde akanaka, ngokudaro ndinozovaerenga kuti vakanaka avo vakatorwa kubva kuvaJudha kuita vabatwa, avo vendakabudisa mundau iyi kuenda munyika yevaKharadhea.

Jer. 24:5 Iomraidhean Croise

Nduyo 119:67

Ndisati ndatambudzwa ndakapauka, asi zvino ndinongwarira izwi rako.

Nduyo 119:71

Zvakandinakira kuti ndakatambudzwa, kuitira kuti ndidzidze zviemeso zvako.

Jer. 24:4

Zvino izwi raMambo Mwari rakauya kwendiri rechiti,

Jer. 29:11

Ngokuti ngegwinyiso ndinozia urongwa hwendinahwo ndimwi,’ unoronza Mambo Mwari, ‘Urongwa hwokugara kwenyu mukunyarara, haiwa wokuremadzwa, kumupa gonda rezvichauya kumagumisiro enyu.

Jer. 29:20

“Asi zvino, imwimwi mweshe voubatwa, avo vendakadzinga kubva Jerusarema kuenda Bhabhuroni, izwai izwi raMambo Mwari.

Jer. 29:4

“Izvi ndizvo zvinoronza Mambo Mwari wehondo, Mwari waIsuraeri, kuneveshe vakatorwa kuitwa vabatwa, vendakaita kuti vatorwe kubva Jerusarema kuenda Bhabhuroni;

Ezek. 11:17

Ndizvo ronza kuti: Izvi ndizvo zvinoronza Mambo Mwari, Mwari: Ndinozomuunganidza kubva kuvanhu vemadzinza, nokumuunganidza kubanze kwenyika dzemwakaparadzirwa, neni ndinozomupa nyika yaIsuraeri.

Ezek. 11:20

kuitira kuti vahambe muzviemeso zvangu, nokungwarira zvitongero zvangu, vazvipurutane. Zvino vanozoita vanhu vangu, neni ndinozoita Mwari wavo.

Revhi 26:44

Asi zvakanyadaro apo vari munyika yemagaa avo, andizovarashi akadi, andizovanyenyizve, kuti ndivapedze yaamho, nokuti kugura chitenderano changu navo; ngokuti ndini Mambo Mwari, Mwari wavo.

Nah. 1:7

Mambo Mwari wakanaka, ndiye bako ngezuva rokutambudzika; naye unongwarira avo vanohwara mwaari.

Zek. 13:9

Neni ndinozoisa urwu rupande rwechitatu mumuriro, ndinozoaererisa kudai ngounoeresa sirivha, nokuvaedza kudai ngounoedzwa kunoitwa mukore. Vanozodaidza ngezina rangu, neni ndinozovapingura. Ndinozoti, ‘Vanhu vangu;’ navo vanozoti, ‘Mambo Mwari ndiye Mwari wedu.’ ”

Mateu 25:12

Asi iye wakapingura echiti, ‘Ngegwinyiso ndinoti kwomuri, anditongomuzii.’

Johani 10:27

Makwai angu anozwa izwi rangu, neni ndinoazia, nawo anonditeera;

Varoma 8:28

Nesu tinozia kuti zveshe zvinoshanda pamwepo kuita zvakanaka kwavari avo vanomuda Mwari, avo vakadaidzwa kudai ngokuemesa kwake.

1 VaK. 8:3

asi munhu weshe unoda Mwari, unoziikanwa ndiye.

Vagaratiya 4:9

Asi zvino mwamuzia Mwari, kakurutu kuziikanwa ndiMwari, munoita mapetukirenyi sure kuneiyo mweya yokuamba isina simba neyoubemha, yomunoda kusungwazve ndiyo?

Dhuto. 8:16

Uwo wakamugutisa mukati mweshango ngemana, isikazi kuziikanwa ngemadzibaba enyu, kuti amupfaise, amuedze, kumuitira zvakanaka kumagumisiro enyu.

2 Tim. 2:19

Asi dzeyo rakagwinya raMwari rinondoema, rine chinyorwa ichi chinoti, “Mambo unozia avo vari vake,” zve, “Weshe unodaidza zina raMambo ngaabve kuneizvo zvisikazi kururama.”

Chakapangijihwa 3:19

Avo veshe vendinoda, ndinovaganyira nokuvaorora; ndizvo tsamwirira utenderuke.