Jer. 24:10 - Bhaibheri Rakachena muChindau

¹⁰ Ndinozotumira shoti, nzara nenhenda pakati pavo, metsa vapedzwe kubva kunyika yendakavapa namadzibaba avo.’ ”

Jer. 24:10 Iomraidhean Croise

1 Madzi. 14:15

“Mambo Mwari unozochaya Isuraeri, kudai ngorutsanga runozungunyiswa mumvura; unozobvita Isuraeri kubva kuneiyi nyika yakanaka, yaakapa kumadzibaba avo, nokuvaparadzira seri kworwizi Yufratesi, ngokuti vakaita miedzaniso yavo yokudira Ashithorethi, vechimusa ushungu hwaMambo Mwari.

Isa. 51:19

Izvi zviro zviiri zvakakuwira; ndiani unozokusvipiro mwoyo? Kuchakatwa nokuparadzwa, nzara neshoti; ndinozokuita maembedzerenyi?

Jer. 14:12

Kunyazwi vanoera kudya, andizwi kuchema kwavo; kunyazwi vanopira mudiro wokupisha nomunikero, andizviashiri; asi ndinovapedza ngeshoti, ngenzara nenhenda.”

Jer. 15:2

Naapo vanoti kweuri, ‘Tinozoenda kuri?’ Naapo unozovaronzera kuti, ‘Izvi ndizvo zvinoronza Mambo Mwari: Avo vakaemeserwa kufa ngenhenda ngavaende mukufa ngenhenda, naavo vakaemeserwa kufa ngeshoti ngavafe ngeshoti; naavo vakaemeserwa kufa ngenzara ngavafe ngenzara; naavo vakaemeserwa uhloko ngavaende muuhloko.’

Jer. 16:4

vanozofa ngenhenda dzinotyisa. Avazochemwi nokuti kuikwa; asi vanozodai ngemadisa padera penyika. Vanozopedzwa ngeshoti nenzara, nemiiri yavo yakafa inozoita kudya kweshiri dzomudenga, nokwezvikara zvomunyika.

Jer. 19:7

Nomundau iyi ndinozoita kuti bangano raJudha nereJerusarema riite risina shwiro; ndinozoita kuti vawe ngeshoti pamberi pemagaa avo, ngenyara dzaavo vanotsvaka kuvauraya. Ndinozopa miiri yavo yakafa kuita kudya kweshiri dzomudenga nokwezvikara zvomunyika.

Jer. 21:9

Uwo unogara mudhorobha iri unozofa ngeshoti, ngenzara, nenhenda; asi iye unozobuda, nokuwira kuvaKharadhea avo vari kumukomberedza, unozopona, unozoita kuti kupona kwake kuitwe mutengo wehondo.

Jer. 27:8

“Asi, kuti kunyazwi ngeriri dzinza, nokuti umambo vasikazoshandiri uyu mambo Nebhukhadhineza weBhabhuroni, vasikazoisi mitsipa yavo pashi pejoka ramambo weBhabhuroni, zvino ndinozoriorora iro dzinza ngeshoti nzara, nenhenda, unoronza Mambo Mwari, metsa ndapedza kuparadzwa kwavo ngenyara yake.

Jer. 29:17

Izvi ndizvo zvinoronza Mambo Mwari wehondo: ‘Ringira, ndinozovatumira shoti, nzara, nhenda, nokuvaita kudai nemaonde awora ashata yaamho, asikachadyiki.

Jer. 29:18

Ndinozovateera ngeshoti, ngenzara nenhenda, nokuvaita chiro chinotyisa kuumambo hweshe hwenyika, kuti vaite vakatukwa, nechishamiso, nevanoridzirwa murudzi, nevanotsverudzwa, pakati pemadzinza eshe endakavadzingira kwaari,

Jer. 32:24

Ringira, mirwi yamavhu yakandirwa kutendenedza kurwisa dhorobha, kuti varinyise; nedhorobha raringirana neshoti, nzara nenhenda, naro rapirwa kunyara yevaKharadhea, avo vanorwa naro. Izvo zvowakaereketa zvaitika kudai ngezveungaona iwewe pachako.

Jer. 32:25

Asi iwewe, O Mambo Mwari, Mwari, wakati kwendiri, ‘Tenga uyu munda ngemare, wechitora zvapupu;’ kunyazwi dhorobha rapirwa munyara dzevaKharadhea.”

Jer. 34:17

Ndizvo izvi ndizvo zvinoronza Mambo Mwari: Amuzi kundipurutana ngokuisa kusunhurwa, umwe ngaumwe kuhama yake nokumungani wake; ringira, ndinozoisa kusunhurwa kwomuri, unoronza Mambo Mwari, kusunhurwa kweshoti, kwedenda, nokwenzara. Ndinozomuita chiro chinotyisa kuumambo hweshe hwenyika.

Jer. 42:17

Vanhu veshe vadziemesera kuenda muEgipite koogaremwo vanozofa ngeshoti, ngenzara, ngedenda; akuna naumwe wavo unozosara nokuti kupona kubva kudambudziko rendinozounza padera pavo.’

Jer. 42:22

Nasai kuzia zvino kuti munozofa ngeshoti, ngenzara, ngedenda, kundau iyo yomunoda kuenda.”

Jer. 5:12

Vakaereketa manyepo ndiMambo Mwari vechiti, “Aazoiti chiro. Kushata akuzouyi padera pedu, atizooni shoti nokuti nzara.”

Jer. 9:15

Ndizvo izvi zvinoronza Mambo Mwari wehondo, Mwari waIsuraeri: “Ringira, ndinopa ava vanhu kudya kwechisimwa chinovava, ndechivapa mvura inoukaira kuti vamwe.

Jer. 9:16

Ndinozovaparadzira pakati pemadzinza, awo asikazi kuziikanwa kwevari nokuti kumadzibaba avo; ndinozotumira shoti kuvateera metsa ndivapedze.”

Ezek. 33:27

“Ronza izvi kwevari, uti, ‘Izvi ndizvo zvinoronza Mambo Mwari, Mwari: Kudai ngezvendinopona, ngegwinyiso avo vari mundau dzakaparadzwa vanozowa ngeshoti, naavo vari murubaya, ndinozovapira kuti vadyiwe ngezvikara, naavo vari mumakamba nomumapako vanozofa ngenhenda.

Ezek. 6:11

“Izvi ndizvo zvinoronza Mambo Mwari, Mwari: Chaya ngenyara yako, utsike ngetsoka yako wechiti, ‘Ihehe ngendaa yezveshe zvakashata zvinonyangadza zvemhatso yaIsuraeri!’ Ngokuti vanozowa ngeshoti, ngenzara nenhenda.

Ezek. 7:15

“Shoti iri kubanze, nhenda nenzara zviri ngomukati; nouwo uri mushango unozofa ngeshoti; nouwo uri mudhorobha, nzara nenhenda zvinomupedza.

Dhuto. 28:21

Mambo Mwari unozoita kuti nhenda ibatire kwomuri, metsa amupedza kubva padera penyika yomunoenda koogara nhaka yayo.

Chakapangijihwa 6:8

Ndakaringira, ndikaona hachi rakacheneruka! Nomugadhi waro zina rake ndiRufu, neHaidhesi zvakamuteera; nazvo zvakapuwa simba padera perupande rwechirongomuna rwenyika, rokuuraya ngeshoti, ngenzara, ngenhenda nezvikara zvomunyika.