Jer. 23:8 - Bhaibheri Rakachena muChindau

⁸ asi, ‘Kudai ngezvaanopona. Mambo Mwari, uwo wakabudisa nokutungamira rudzi rwemhatso yaIsuraeri kubva munyika yedera, nokubva munyika dzeshe kwendakavadzingira.’ Zvino vanozogara munyika yavo yemene.”

Jer. 23:8 Iomraidhean Croise

Isa. 11:11

Ngeiro zuva Mambo Mwari unozotambanudza nyara yakezve kwechipiri kutora avo vakasara vevanhu vake, kubva Asiria, Egipite, Phathrosi, Khushi, Eramu, Shina, Hamathi nezviwi zvoruandhle.

Isa. 14:1

Asi Mambo Mwari unozoitira Jakobe nyasha, uchazotsanangurazve Isuraeri, nokuvaisa munyika mwavo; nevapara vanozobatana navo, vanozodzibatanidza pachavo kumhatso yaJakobe.

Jer. 16:14

“Ndizvo, ringirai, ngegwinyiso mazuva anouya, unoronza mambo Mwari, apo pasikachazoronzwi kuti, ‘Kudai ngezvaanopona Mambo Mwari, uwo wakabudisa vana vaIsuraeri kubva munyika yeEgipite,’

Jer. 16:15

asi, Kudai ngezvaanopona Mambo Mwari, uwo wakabudisa vana vaIsuraeri kubva munyika yedera, nokubva kunyika dzeshe dzaakavadzingira. Ngokuti ndinozovapetudza kunyika yavo yendakapa kumadzibaba avo.

Jer. 23:3

“Zvino ndinozounganidza pachangu akasara emakwai angu kubva kunyika dzeshe kwendakaatatanisira, nokuaunzazve kumatanga awo; nawo anozobereka nokuwandisa.

Jer. 29:14

Ndinozoonekwa ndimwi,’ unoronza Mambo Mwari; ‘Ndinozobvisa ubatwa hwenyu nokumuunganidza kubva kumadzinza eshe, nokubva kundau dzeshe kwendakamudzingira,’ unoronza Mambo Mwari, ‘Neni ndinozomupetudza kundau kwandakaita kuti mutorwe kuitwa vabatwa.’

Jer. 30:10

“Asi ngendaa yako usatya, iwewe muranda wangu Jakobe, unoronza Mambo Mwari, usapera simba, O Isuraeri; ngokuti, ringira ndinozokuponesa kubva kuretu, nevorudzi rwako kubva kunyika youbatwa hwavo. Jakobe unozopetuka mukuzorora, echigarisika, apana naumwe unozomutyisa.

Jer. 30:3

Ngokuti, ringira, ngegwinyiso mazuva anouya,’ Mambo Mwari unoronza, ‘Apo pendinozopetudza voubatwa vevanhu vangu, Isuraeri naJudha; ndinozovapetudza kunyika yendakapa madzibaba avo, navo vanozoigara nhaka,’ unoronza Mambo Mwari.”

Jer. 31:8

Ringira, ndinozovaunza kubva kunyika yedera, nokuvaunganidza kubva kumiganu yenyika iri kuretu yaamho, pakati pavo pane mapofu nezvirema, madzimai anemimba, naavo vanorwadziwa ngokuda kubereka, veshe pamwepo; vanhu vazhinji vanozopetuka pano.

Jer. 32:37

Ringira, ndinozovaunganidza kubva kunyika dzeshe dzendakavadzingira mukutseneka kwangu nomuushungu hwangu nomukushishwa kwangu kunotyisa; ndinozovaunzazve kuiyi ndau, nokuita kuti vagare vakangwaririka.

Jer. 8:3

Rufu runozopinda kudikanwa kuno kupona ngaavo veshe vakasara, avo veiyi mhuri yakashata, varipo kundau dzeshe kwendakavadzingira kwedziri,” uronza Mambo Mwari wehondo.

Ezek. 28:25

“Izvi ndizvo zvinoronza Mambo Mwari, Mwari: Apo pendinounganidza mhatso yaIsuraeri kubva pakati pevanhu pevakaparadzirwa, nokuonisa kucheneswa kwangu mukati mwavo mukuona kwemadzinza, zvino vanozogara munyika yavo yendakagondisa kunomuranda wangu Jakobe.

Ezek. 34:13

Ndinozoaunza kubva pakati pevanhu nokuaunganidza kubva kunyika, ndinozoaunza munyika yawo; ndinozoagutisa padera pemitunhu yaIsuraeri pasinde pendwizi, nokundau dzeshe dzinogarwa ngevanhu venyika.

Ezek. 36:24

Ngokuti ndinozomutora kubva pakati pemadzinza, ndimuunganidze kubva kunyika dzeshe, ndimuunze munyika yenyu.

Ezek. 36:35

Navo vanozoti, ‘Iyi nyika yaiya matongo yaita kudai ngomunda weEdheni, nemadhorobha ayo aiya akaparadzwa, aiya matongo, neaiya akaondomoka, anoita ashosherwa nokugarwa.’

Ezek. 37:25

Vanozogara munyika yendakapa kumuranda wangu Jakobe, umwo mwaigarwa ngemadzibaba enyu; navo vanozogaramwo, ivo nevana vavo, nevana vevana vavo vanozogaramwo mhera nariini; nomuranda wangu Dhavhidha unozoita mutongi wavo mhera nariini.

Ezek. 39:28

Zvino vanozozia kuti inini ndini Mambo Mwari, Mwari wavo, ngokuti ndakavatumira kuenda muuhloko pakati pemadzinza; zvino ndakavaunganidza kuvaunza kunyika yavo yemene. Andizosiyi naumwe wavo sure;

Joeri 3:7

Asi zvino ndinozovamusa kuti vabude kubva kundau yemwakavatengesa, neni ndinozopetudza zviito zvenyu padera pemasoro enyu.

Mik. 7:15

Kudai ngemumazuva okubuda kwako munyika yeEgipite ndichavaonisa zviro zvinoshamisa.

Zef. 3:20

Panguva iyo ndinozomuunza kanyi, panguva apo pendinozomuunganidza; ngokuti ndinozomupa mbiri nokukudzwa pakati pevanhu veshe venyika, apo ndinozohwirinza ubatwa hwenyu pamberi pemadziso enyu,” unoronza Mambo Mwari.