Jer. 23:6 - Bhaibheri Rakachena muChindau

⁶ Mumazuva ake Judha unozoponeswa, naIsuraeri unozogara ngokungwaririka. Neiri ndiro zina rake raanozodaidzwa ndiro kuti, ‘MAMBO MWARI KURURAMA KWEDU.’

Jer. 23:6 Iomraidhean Croise

1 Madzi. 4:25

Judha naIsuraeri vakagara ngokugwaririka, munhu weshe pashi pomuvhini wake, nepashi pomuonde wake, mazuva eshe aSoromoni, kubvira Dhani kuguma Bheerishebha.

Nduyo 45:5

Misee yako yakapinza mumwoyo yemagaa amambo, vanhu vanowa pashi pako.

EKISEDHUSI 9:26

Kwega munyika yeGosheni umwo mwaigara vaIsuraeri, mwaiya musina matsanza.

Isa. 2:4

Unozotonga pakati pemadzinza, unozokaraidza vanhu vazhinji; navo vanozopfura mashoti avo kuita miromo yemapadza, nemikhondo yavo kuita mapanga okutongora; dzinza arizomirudziri dzinza shoti, avachazofundiswi hondo nariini.

Isa. 32:1

Ringira, mambo unozotonga mukururama, nevatongi vanozotonga ngokururama.

Isa. 32:18

Vanhu vangu vanozogara muugaro hwokunyarara, nomumhatso dzakagwinya, nomundau dzokuzorora dzinokunyarara.

Isa. 33:22

Ngokuti Mambo Mwari ndiye mutongi wedu, Mambo Mwari ndiye muemesi wemitemo yenyika yeshe, Mambo Mwari ndimambo wedu; unozotiponesa.

Isa. 33:5

Mambo Mwari unokuriswa, unogara mudengadenga. Wakazadza Zioni ngokutonga kwakanaka nokururama.

Isa. 35:9

Mhondoro nokuti mhuka inokara azvizokwirimwo, azvizoonekimwo, asi vakaripirwa vanozohamba ndimwo.

Isa. 42:6

“Inini ndini Mambo Mwari, ndakudaidza mukururama, ndakutora ngenyara nokukungwarira; ndakupira kuti uite chitenderano chevanhu, kuita kujeka kwemadzinza,

Isa. 45:17

Asi vaIsuraeri vanoponeswa ndiMambo Mwari ngoruponeso rwemhera nariini; amuzotsverudzwi nokuti kukangaidzwa mhera nariini.

Isa. 54:17

Apana chokurwa ndicho chakanasirirwa kurwa newe chinozobudirira, ndii dzeshe dzinozokumukira mukutongwa unozodzinyisa. Iyi ndiyo nhaka yevaranda vaMambo Mwari, nokururamiswa kwavo kunozobva kwendiri,” unoronza Mambo Mwari.

Isa. 7:14

Ndizvo Mambo Mwari emene unozokupa chioniso. Ringira, mhandwe inozoita mimba, inozobereka mukororo, inozodudza zina rake kuti Imanueri.

Isa. 9:6

Ngokuti tabarirwa mwana, mukororo wapuwa kwetiri; noumambo unozogara pamapfudzi ake; nezina rake rinozodudzwa rechiziwi Gota rinoshamisa, Mwari Une-simba, Baba emhera nariini, Muzvare wokunyarara.

Jer. 29:11

Ngokuti ngegwinyiso ndinozia urongwa hwendinahwo ndimwi,’ unoronza Mambo Mwari, ‘Urongwa hwokugara kwenyu mukunyarara, haiwa wokuremadzwa, kumupa gonda rezvichauya kumagumisiro enyu.

Jer. 30:10

“Asi ngendaa yako usatya, iwewe muranda wangu Jakobe, unoronza Mambo Mwari, usapera simba, O Isuraeri; ngokuti, ringira ndinozokuponesa kubva kuretu, nevorudzi rwako kubva kunyika youbatwa hwavo. Jakobe unozopetuka mukuzorora, echigarisika, apana naumwe unozomutyisa.

Jer. 31:23

Izvi ndizvo zvinoronza Mambo Mwari wehondo, Mwari waIsuraeri: Vachazoereketazve mazwi aya munyika yaJudha, nomumadhorobha ayo, apo ndinozovapetudza kubva muubatwa hwavo, “Mambo Mwari ngaakufumise, O ugaro hwokururama, O mutunhu wakacheneswa.

Jer. 32:37

Ringira, ndinozovaunganidza kubva kunyika dzeshe dzendakavadzingira mukutseneka kwangu nomuushungu hwangu nomukushishwa kwangu kunotyisa; ndinozovaunzazve kuiyi ndau, nokuita kuti vagare vakangwaririka.

Jer. 33:15

Mumazuva awo, nouwo mukuwo ndinozoita kuti Dai rokururama rikure kunaDhavhidha; naye unozotonga zvakanaka, nokururamisa munyika iyi.

Jer. 33:16

Mumazuva awo Judha unozoponeswa neJerusarema rinozogarisika mukungwaririka. Neiri ndiro zina raanozodaidzwa ndiro rokuti, ‘Mambo Mwari Ndiye Kururama kwedu.’

Ezek. 21:27

Matongo, matongo, matongo ndinozozviita! Zvakadaro azvizikumboitika! Metsa agume uwo unozvisisira; neni ndinozozvipa kwaari.’

Ezek. 28:26

Vanozogara mukungwaririka mukati mwayo; vanozoaka mhatso nokusima minda yemivhini. Vanozogaramwo mukungwaririka, apo ndazopedza kuita kutonga kwangu padera pavo veshe vaakirwana vavo vanovanyenya vakavatendenedza. Navo vanozozia kuti ndini Mambo Mwari, Mwari wavo.”

Ezek. 38:14

“Ndizvo, mukororo womunhu, profeta, uronze kunaGogi, kuti, ‘Izvi ndizvo zvinoronza Mambo Mwari, Mwari: Ngeiro zuva apo vanhu vangu vaIsuraeri vanogara ngokungwaririka, auzozii ndizvo here?

Ezek. 48:35

Kupimwa kweshe kwedhorobha kunozoita mamitha makumi emazana mapfumbamwe (9,000). Zina redhorobha kubvira ngeiro zuva rinozozwi, “Mambo Mwari Urimwo.”

Dha. 9:24

“Mavhiki makumi manomwe akaemeswa ngomupango padera pevanhu vako nepadera pedhorobha rako rakacheneswa, kupedza ndaa, nokupedza zvishaishi, nokuunza kuiyanisa ngendaa yokushata, nokuunza kururama kusikaperi, nokukonya ngechinamiro zvioniso nokuprofeta, nokudzodza Uwo wakapindisisa kuchena.

Dha. 9:7

O Mambo Mwari, kururama kuri kwouri, asi kwetiri kutsveruka kwehope, kudai ngezviripo nyamashi, kwevari vanhu vaJudha nevagari vemuJerusarema, nokwevari vaIsuraeri veshe, avo vari pasinde, naavo vari kuretu, kunyika dzeshe kwowakavadzingira, ngendaa yokushaisha kwevakaita kwouri.

Hos. 1:11

Vanhu vaJudha nevanhu vaIsuraeri vanozounganidzwa pamwepo, navo vanozodziemesera soro rimwe; vanozokwira kubva kunyika iyi, ngokuti zuva raJezireeri rinozoita guru.

Hos. 1:7

Asi ndinozoitira nyasha mhatso yaJudha, ndinozovaponesa kubudikidza ndiMambo Mwari, Mwari wavo; andizovaponesi ngouta, nokuti ngeshoti, nokuti ngehondo, nokuti ngemahachi, nokuti ngevagadhi vemahachi.”

Hos. 2:18

Ndinozokuitira chitenderano ngeiro zuva nemhuka dzomushango, shiri dzomudenga, nezvinotamanda pamavhu; ndinozogura uta, shoti nehondo kubva munyika, ndechizoita kuti vaate pashi ngokungwaririka.

Obh. 1:17

Asi paMutunhu weZioni kunozoapo avo vakapokonyoka, nawo unozoita wakacheneswa; mhatso yaJakobe inozogara nhaka youpfumi hwayo.

Obh. 1:21

Avo vakaponeswa vanozouya padera poMutunhu weZioni kutonga Mutunhu Isau; noumambo hunozoita hwaMambo Mwari.”

Zef. 3:13

Vakasara vaIsuraeri avazoiti zvakashata, nokuti kuereketa manyepo; norurumi runochengedzera aruzooneki mumuromo wavo. Zvino vanozodya nokuata pashi, akunazve unozovatyisidzira.”

Zek. 10:6

Neni ndinozogwinyisa mhatso yaJudha, ndinozoponesa mhatso yaJosefa. Ndinozovapetudza, ngokuti ndinenyasha kwevari, navo vanozoita kudai ngevendisikazi kuramba; ngokuti ndiri Mambo Mwari, Mwari wavo, neni ndinozovapingura.

Zek. 3:10

Pairo zuva, unoronza Mambo Mwari wehondo, munozodaidzana umwe neumweni kuuya pashi pomuvhini nepomuonde.”

Varoma 3:22

kururama kwaMwari kunouya kubudikidza ngokugonda Jesu Kristu kwavari veshe vanotenda. Ngokuti apana muparadzaniso,

1 VaK. 1:30

Ndiye chinyuka chokupona kwenyu munaKristu Jesu, uwo wakaitwa ungwaru hwedu ndiMwari, nokururama kwedu, kucheneswa nokuripirwa,

2 VaK. 5:21

Iye wakamuita kushaisha ngendaa yedu, uwo waiya asikazi kuzia kushaisha, kuti mwaari isusu tiite kururama kwaMwari.

Vafiripi 3:9

ndioneke mwaari ndisina kururama kuri kwangu, kunobva muMupango, asi ukwo kunouya kubudikidza ngokugonda munaKristu, kururama kunobva kunaMwari ngokugonda.