Jer. 23:5 - Bhaibheri Rakachena muChindau

⁵ “Ringira, mazuva anouya chokwadi,” unoronza Mambo Mwari, “Apo ndinozomirudzira Dhavhidha Dai rakarurama, naye unozotonga paumambo ngokungwara; unozotonga ngokutonga kwakanaka, nokuita zvakarurama munyika.

Jer. 23:5 Iomraidhean Croise

2 Sam. 23:3

Mwari waIsuraeri waereketa, Buwe raIsuraeri rakaereketa kwendiri rechiti, ‘Uwo unotonga padera pevanhu ngokururamisa, echitonga ngokutya Mwari,

Nduyo 45:4

Muumambo hwako gadha kudai ngomunyisi, ngendaa yegwinyiso nokupfaa nokururama; nyara yako yokumudyo ngaikudzidzise zviro zvinotyisa.

Nduyo 80:15

ungwarire guri rawo rakasimwa ngenyara yako yokumudyo.

Nduyo 99:4

Mambo unesimba, unoda kutonga kwakarurama; iwewe unogwinyisa kunaka, unoita kutonga kwakanaka nokururama kunaJakobe.

Isa. 33:5

Mambo Mwari unokuriswa, unogara mudengadenga. Wakazadza Zioni ngokutonga kwakanaka nokururama.

Isa. 4:2

Ngeiro zuva nhai yaMambo Mwari inozonaka kuringirika, inouthende, nemichero yenyika inozonakisisa, nokunaka kuringirika kwevakapokonyoka vaIsuraeri.

Isa. 42:6

“Inini ndini Mambo Mwari, ndakudaidza mukururama, ndakutora ngenyara nokukungwarira; ndakupira kuti uite chitenderano chevanhu, kuita kujeka kwemadzinza,

Isa. 45:24

“Kwega munaMambo Mwari,” zvinozoronzwa ngendaa yangu kuti, “Mune kururama nesimba.” Vanozouya veshe vaimutsenekera vanozotsverudzwa.

Isa. 52:13

Ringirai, muranda wangu unozobudirira, unozokudzwa nokukuriswa, naye unozokudzwa kakurutu.

Isa. 53:10

Asi kwaiya kuda kwaMambo Mwari kumuparadza ngokurwadziwa apo unoita kupona kwake mudiro wokushaisha, unozoona mubarirwana wake, unozorebesa mazuva ake; kubudikidza ndiye kuda kwaMambo Mwari kunozobudirira munyara yake.

Isa. 53:2

Ngokuti wakakura pamberi pake kudai ngomuningwi wechisimwa, nokudai ngenzinde inobuda mumavhu akaoma; aana muemo wakanaka nokuti umambo, naapo tinozomuona akuna unaku hwetingamuda ndihwo.

Isa. 9:5

Ngokuti magwada eshe evanorwa hondo akatsikatsika, nezvokusimira zvakamwirira ngengazi zvichapishwa kudai ngehuni dzomuriro.

Isa. 9:6

Ngokuti tabarirwa mwana, mukororo wapuwa kwetiri; noumambo unozogara pamapfudzi ake; nezina rake rinozodudzwa rechiziwi Gota rinoshamisa, Mwari Une-simba, Baba emhera nariini, Muzvare wokunyarara.

Isa. 9:7

Umambo hwake unozoramba wechikura, kuchaapo kunyarara kusina magumo padendemaro raDhavhidha nepaumambo hwake. Unozouemesa nokuugwinyisa ngokutonga kwakanaka nokururama, kubvira zvinopano mhera nariini. Kugwinyisisa kwaMambo Mwari wehondo kunozoita izvi.

Jer. 22:15

Zvino kuita mambo here ngokuita misidhari yakawanda? Baba ako avazi kudya nokumwa here, nokutonga kwakanaka, nokuita zvakarurama? Zvino zvakanaka kwaari.

Jer. 22:3

Izvi ndizvo zvinoronza Mambo Mwari: Tongai kutonga kwakanaka, muite zvakarurama, musunhure kubva munyara yomutambudzi weshe wakabirwa. Musaita zvakashata, musaremadza mupara, nherera, nokuti shirikadzi, nokuti kuparadza ngazi isina ndaa mundau iyi.

Jer. 22:30

Izvi ndizvo zvinoronza Mambo Mwari, “Nyora, ‘Munhu uyu kudai ngeusina mwana, munhu usikazobudiriri mumazuva ake; ngokuti akuna naumwe worudzi rwake unozobudirira, kugara padendemaro raDhavhidha, nokutonga munyika yaJudha.’ ”

Jer. 23:6

Mumazuva ake Judha unozoponeswa, naIsuraeri unozogara ngokungwaririka. Neiri ndiro zina rake raanozodaidzwa ndiro kuti, ‘MAMBO MWARI KURURAMA KWEDU.’

Jer. 29:11

Ngokuti ngegwinyiso ndinozia urongwa hwendinahwo ndimwi,’ unoronza Mambo Mwari, ‘Urongwa hwokugara kwenyu mukunyarara, haiwa wokuremadzwa, kumupa gonda rezvichauya kumagumisiro enyu.

Jer. 30:3

Ngokuti, ringira, ngegwinyiso mazuva anouya,’ Mambo Mwari unoronza, ‘Apo pendinozopetudza voubatwa vevanhu vangu, Isuraeri naJudha; ndinozovapetudza kunyika yendakapa madzibaba avo, navo vanozoigara nhaka,’ unoronza Mambo Mwari.”

Jer. 30:9

Asi vanozoshandira Mambo Mwari, Mwari wavo, naDhavhidha mambo wavo, uwo wendinozovamirudzira.’ ”

Jer. 31:27

“Ringira, ngegwinyiso mazuva anouya,” unoronza Mambo Mwari, “Apo pendinozosima mhatso yaIsuraeri nemhatso yaJudha ngembeu yevanhu nembeu yemhuka.

Ezek. 21:27

Matongo, matongo, matongo ndinozozviita! Zvakadaro azvizikumboitika! Metsa agume uwo unozvisisira; neni ndinozozvipa kwaari.’

Ezek. 34:16

Ndinozotsvaka akarashika, ndinozopetudza awo akapauka, ndechisunga awo akaguka, ndechigwinyisa akarembedzeka, asi ndinozouraya akakora neanesimba. Ndinozoagutisa ngokutonga kwakanaka.

Ezek. 34:29

Ndinozoasimira zvisimwa zvinembiri, nawo aachazopedzwi ngenzara munyika, nawo aachazotwari kutukwa ngemadzinza.

Ezek. 45:8

enyika. Iyi inozoita nhaka yake muIsuraeri. Nevatongi vangu avachazotambudzi nakamwe vanhu vangu, asi vanozoita kuti vemhatso yaIsuraeri ipuwe nyika kudai ngokuteererana kwemadzinza avo.

Dha. 9:24

“Mavhiki makumi manomwe akaemeswa ngomupango padera pevanhu vako nepadera pedhorobha rako rakacheneswa, kupedza ndaa, nokupedza zvishaishi, nokuunza kuiyanisa ngendaa yokushata, nokuunza kururama kusikaperi, nokukonya ngechinamiro zvioniso nokuprofeta, nokudzodza Uwo wakapindisisa kuchena.

Hos. 1:11

Vanhu vaJudha nevanhu vaIsuraeri vanozounganidzwa pamwepo, navo vanozodziemesera soro rimwe; vanozokwira kubva kunyika iyi, ngokuti zuva raJezireeri rinozoita guru.

Hos. 3:5

Ngesure kweizvi vaIsuraeri vanozohwirira nokutsvaka Mambo Mwari, Mwari wavo, naDhavhidha mambo wavo; vanozomutya Mambo Mwari nokunaka kwake ngemazuva okugumisira.

Amo. 9:11

Pairo zuva ndinozomirudza tende raDhavhidha iro rakawa, ndinozotsiira ndau dzaro dzakapwanyika; ndinozoakisa matongo ake, ndechizoriakisa kudai ngemazuva ekare,

Mik. 5:3

Ndizvo unozovarekera, metsa mukuwo apo uwo unobereka abereka; naapo hama dzake dzakasara dzinozohwirira kuvanhu vaIsuraeri.

Zek. 3:8

Zvino, purutana, O Joshua, mupristi mukuru, nevangani vako vanogara pamberi pako! Ngokuti vari chioniso chezviro zvichauya: Ndinozounza muranda wangu, Nhai.

Zek. 9:9

Dakara kakurutu, O mwanasikana weZioni! Daidzira, O mwanasikana Jerusarema! Ringira, Mambo wako unouya kwouri, asi munyisi, ndiye munyisi wakapfaa, echigadha padera pechimbongoro padera pemwana wembongoro.

Mateu 2:2

vechiti, “Uri pari uwo wakabarwa Mambo wavaJudha? Ngokuti takaona nyeredzi yake kumabvazuva, nesu tauya kuti timudire.”

Johani 1:45

Firipu wakaona Nathanaeri, akati kwaari, “Tamuona uwo waakanyora ndiye Mosi muMipango nevaprofeti, Jesu weNazaretha, mukororo waJosefa.”

Johani 1:49

Nathanaeri wakapingura akati, “Rabhi, iwewe uri Mukororo waMwari! Uri Mambo waIsuraeri!”

1 VaK. 1:30

Ndiye chinyuka chokupona kwenyu munaKristu Jesu, uwo wakaitwa ungwaru hwedu ndiMwari, nokururama kwedu, kucheneswa nokuripirwa,

Vahebheru 8:8

Ngokuti Mwari unovaitira ndaa, apo paanoti: “Mazuva achazouya, unoronza Mambo Mwari, apo pendinozoita chitenderano chitsva nemhatso yaIsuraeri nemhatso yaJudha;

Chakapangijihwa 19:11

Ndakaona denga rakabeuka, ndikaona hachi rakachena! Mugadhi waro waizwi Unogondeka neUnegwinyiso, naye mukururama unotonga nokuita hondo.