Jer. 23:4 - Bhaibheri Rakachena muChindau

⁴ Ndinozomirudza vaushi padera pawo, avo vanozoausha; nawo aachazotyi nokuti kuvhunduswa, apana narimwe rawo rinozorashika,” unoronza Mambo Mwari.

Jer. 23:4 Iomraidhean Croise

Isa. 11:11

Ngeiro zuva Mambo Mwari unozotambanudza nyara yakezve kwechipiri kutora avo vakasara vevanhu vake, kubva Asiria, Egipite, Phathrosi, Khushi, Eramu, Shina, Hamathi nezviwi zvoruandhle.

Jer. 30:10

“Asi ngendaa yako usatya, iwewe muranda wangu Jakobe, unoronza Mambo Mwari, usapera simba, O Isuraeri; ngokuti, ringira ndinozokuponesa kubva kuretu, nevorudzi rwako kubva kunyika youbatwa hwavo. Jakobe unozopetuka mukuzorora, echigarisika, apana naumwe unozomutyisa.

Jer. 31:10

Izwai izwi raMambo Mwari, O madzinza, muridaidzire kuzviwi zviri kuretu mwechiti, ‘Iye wakaparadzira Isuraeri unozomuunganidza, nokumungwarira, kudai ngezvinoita muushi womutanga wake.’

Jer. 33:26

ndingazoramba mibarirwana yaJakobe, neyeDhavhidha muranda wangu, ndisatsanangura naumwe wemibarirwana yake kutonga padera pemibarirwana yaAbrahama, Isaka, naJakobe. Ngokuti ndinozopetudza vabatwa vavo nokuvaitira nyasha.”

Ezek. 36:11

ndinozowanza kwomuri vanhu nezvifuyo. Zvinozowanziswa nokubereka; neni ndinozoita kuti mugare kudai ngekare, ndiite kwomuri zvakapinda kunaka pane zvokutanga kwenyu. Zvino munozozia kuti inini ndini Mambo Mwari.

Revhi 26:9

Ndinozomuringira ngokumuda, ndinozoita kuti mubereke, muwande, ndigwinyise chitenderano changu nemwi.

Mik. 4:4

asi vanozogara veshe uwo nouwo pashi pomuvhini wake nepashi pomuonde wake; akuna naumwe unozovatyisidzira; ngokuti muromo waMambo Mwari wehondo waereketa.

Mik. 5:2

“Asi iwewe, Bhetherehema Efratha, umwe wemadzinza madoko aJudha, kubva kwouri unozondibudira umwe unozoita mutongi muIsuraeri, uwo maambo ake ngeekaretu, kubva kumazuva ekaretu.”

Mik. 7:14

Usha vanhu vako ngendonga yako, mutanga uwo uri nhaka yako, uwo unogara uri wega mugwasha, pakati pemunda wenyika; ngavadye muBhashani nomuGireadhi, kudai ngemazuva ekaretu.

Zef. 3:13

Vakasara vaIsuraeri avazoiti zvakashata, nokuti kuereketa manyepo; norurumi runochengedzera aruzooneki mumuromo wavo. Zvino vanozodya nokuata pashi, akunazve unozovatyisidzira.”

Zvi. 31:49

Navo vakati kunaMosi, “Varanda vako vakaerenga vamuna veshe vokurwa vari pashi pedu, akuzi kutamika munhu noumwe wedu.

Johani 17:12

Apo ndichinavo, ndakavangwarira muzina renyu, iro romwakandipa. Ndakavarinda, akuna naumwe wavo wakarashika, asi mukororo wokurashwa, kuti zvinyorwa zvizadzisike.

Johani 18:9

Izvi kwaiya kuzadzisika kweizwi, iro raakaereketa rinoti, “Avo vomwakandipa andizi kurashikirwa naumwe wavo.”

1 Pet. 1:5

imwimwi munongwarirwa ngesimba raMwari kubudikidza ngokugonda kuti muano ruponeso rwakanasirirwa kuti ruzooniswa ngomukuwo wokugumisira.