Jer. 23:3 - Bhaibheri Rakachena muChindau

³ “Zvino ndinozounganidza pachangu akasara emakwai angu kubva kunyika dzeshe kwendakaatatanisira, nokuaunzazve kumatanga awo; nawo anozobereka nokuwandisa.

Jer. 23:3 Iomraidhean Croise

Nduyo 106:47

Tiponese, A Mambo Mwari, Mwari wedu, utiunganidze kubva pakati pevemadzinza, kuti tibonge zina rako rakachena, tinyise mukukudzwa kwako.

Jer. 16:15

asi, Kudai ngezvaanopona Mambo Mwari, uwo wakabudisa vana vaIsuraeri kubva munyika yedera, nokubva kunyika dzeshe dzaakavadzingira. Ngokuti ndinozovapetudza kunyika yavo yendakapa kumadzibaba avo.

Jer. 29:14

Ndinozoonekwa ndimwi,’ unoronza Mambo Mwari; ‘Ndinozobvisa ubatwa hwenyu nokumuunganidza kubva kumadzinza eshe, nokubva kundau dzeshe kwendakamudzingira,’ unoronza Mambo Mwari, ‘Neni ndinozomupetudza kundau kwandakaita kuti mutorwe kuitwa vabatwa.’

Jer. 30:10

“Asi ngendaa yako usatya, iwewe muranda wangu Jakobe, unoronza Mambo Mwari, usapera simba, O Isuraeri; ngokuti, ringira ndinozokuponesa kubva kuretu, nevorudzi rwako kubva kunyika youbatwa hwavo. Jakobe unozopetuka mukuzorora, echigarisika, apana naumwe unozomutyisa.

Jer. 30:3

Ngokuti, ringira, ngegwinyiso mazuva anouya,’ Mambo Mwari unoronza, ‘Apo pendinozopetudza voubatwa vevanhu vangu, Isuraeri naJudha; ndinozovapetudza kunyika yendakapa madzibaba avo, navo vanozoigara nhaka,’ unoronza Mambo Mwari.”

Jer. 31:7

Ngokuti izvi ndizvo zvinoronza Mambo Mwari: “Emberai Jakobe ngokudakara, mudaidzire mazwi mukuru wemadzinza; teketesai, kudzai, mwechiti, ‘O Mambo Mwari, ponesa vanhu vako vakasara vaIsuraeri!’

Jer. 31:8

Ringira, ndinozovaunza kubva kunyika yedera, nokuvaunganidza kubva kumiganu yenyika iri kuretu yaamho, pakati pavo pane mapofu nezvirema, madzimai anemimba, naavo vanorwadziwa ngokuda kubereka, veshe pamwepo; vanhu vazhinji vanozopetuka pano.

Jer. 32:37

Ringira, ndinozovaunganidza kubva kunyika dzeshe dzendakavadzingira mukutseneka kwangu nomuushungu hwangu nomukushishwa kwangu kunotyisa; ndinozovaunzazve kuiyi ndau, nokuita kuti vagare vakangwaririka.

Jer. 46:27

“Asi iwewe, usatya, muranda wangu Jakobe, newe usapera simba, O Isuraeri; ngokuti, ringira, ndinozomuponesa kubva kuretu, nemibarirwana yenyu kubva munyika youbatwa hwavo. Jakobe unozopetuka, echizorora nokugarisika; akuna naumwe unozoita kuti atye.

Jer. 50:19

Ndinozounzazve Isuraeri kumafuro ake, naye unozofura paKharmeri nomuBhashani, nomweya wake unozogutiswa padera pezvimitunhu zvaEfuremu nomuGireadhi.

Jer. 8:3

Rufu runozopinda kudikanwa kuno kupona ngaavo veshe vakasara, avo veiyi mhuri yakashata, varipo kundau dzeshe kwendakavadzingira kwedziri,” uronza Mambo Mwari wehondo.

Ezek. 11:17

Ndizvo ronza kuti: Izvi ndizvo zvinoronza Mambo Mwari, Mwari: Ndinozomuunganidza kubva kuvanhu vemadzinza, nokumuunganidza kubanze kwenyika dzemwakaparadzirwa, neni ndinozomupa nyika yaIsuraeri.

Ezek. 36:11

ndinozowanza kwomuri vanhu nezvifuyo. Zvinozowanziswa nokubereka; neni ndinozoita kuti mugare kudai ngekare, ndiite kwomuri zvakapinda kunaka pane zvokutanga kwenyu. Zvino munozozia kuti inini ndini Mambo Mwari.

Ezek. 36:24

Ngokuti ndinozomutora kubva pakati pemadzinza, ndimuunganidze kubva kunyika dzeshe, ndimuunze munyika yenyu.

Ezek. 36:37

“Izvi ndizvo zvinoronza Mambo Mwari, Mwari: Ngendaa yeichizve ndinozotendera mhatso yaIsuraeri, kuti indikumbire kuti ndivaitire ichi, kuvawanza kudai ngezvifuyo.

Revhi 26:9

Ndinozomuringira ngokumuda, ndinozoita kuti mubereke, muwande, ndigwinyise chitenderano changu nemwi.

Mik. 2:12

Ngegwinyiso ndinozomuunganidza mweshe pamwepo, O Jakobe, ndinozounganidza veshe vakasara vaIsuraeri; ndinozovaisa pamwepo kudai ngemakwai ari muchibaya, nokudai ngezvifuyo zvemakwai pakati pemafuro awo; vanozoita bope guru ngouwandu hwevanhu.

Mik. 7:12

Muzuva iro vanozouya kwouri kubva Asiria, nokubva kumadhorobha eEgipite, metsa kuRwizi, kubva kuruandhle kuguma kuruandhle, nokubva kumutunhu kuguma kumutunhu.