Jer. 23:2 - Bhaibheri Rakachena muChindau

² Izvi ndizvo zvinoronza Mambo Mwari, Mwari waIsuraeri, ngendaa yevaushi vanousha vanhu vangu, “Ndimwi mwakaparadza zvifuyo zvangu nokuzvidzinga; amuzi kuzviringira. Ndizvo ndinozoringira padera penyu ngendaa yokushata kwezviito zvenyu,” unoronza Mambo Mwari.

Jer. 23:2 Iomraidhean Croise

EKISEDHUSI 32:34

Asi zvino enda, utungamirire vanhu kuenda kundau yendakaereketa kwouri ndiyo; ringira, ngirosi yangu inozotungamira pamberi pako. Asi zvakanyadaro ngezuva rendinozohambira, ndinozounzidzira chishaishi chavo padera pavo.”

Jer. 10:21

“Ngokuti vaushi mabungumupee, avabvunzi Mambo Mwari; ndizvo avazi kubudirira nezvifuyo zvavo zveshe zvapararira kweshe.

Jer. 11:22

Ndizvo izvi zvinoronza Mambo Mwari wehondo, “Ringira, ndinozovaorora; majaha anozofa ngeshoti; vakororo vavo nevanasikana vavo vanozofa ngenzara;

Jer. 13:17

Asi kudai musikazopurutani, mweya wangu unozochema kundau dzakafishika ngendaa yokudzikudza kwenyu; madziso angu anozochema kakurutu, nemasodzi angu anozoerera, ngokuti zvifuyo zvaMambo Mwari zvatorwa kuitwa hloko.

Jer. 13:20

Mirudza madziso ako uone avo vanobva dera Zviri pari zvifuyo zvewakapuwa, zvifuyo zvako zvaiya zvakanaka?

Jer. 13:21

Unozotinyi apo vaemesa kuita mukuru padera pako uwo wewakadzidzisa kuita mungani wako, kuti atonge padera pako? Auzorwadziwi here kudai ngomudzimai wobereka?

Jer. 17:10

Inini Mambo Mwari ndinoringisisa mwoyo, ndinoedza zviri mukati kuti ndipe kumunhu umwe ngaumwe kudai ngenjira dzake nokudai ngemichero yezviito zvake. ”

Jer. 21:12

O mhatso yaDhavhidha. Izvi ndizvo zvinoronza Mambo Mwari: Tongai kutonga kwakanaka mangwanani, mumusunhure kubva kunyara yomutambudzi weshe wakabirwa, kuti ushungu hwangu husabuda kudai ngomuriro nokupisha, pasina naumwe ungaudzima, ngendaa yokushata kwezviito zvenyu.

Jer. 23:34

Asi ngendaa yomuprofeti, mupristi, nokuti vanhu veshe, vanoti, ‘Mutwaro waMambo Mwari,’ ndinozoorora uwo munhu nemhatso yake.

Jer. 44:22

Naapo Mambo Mwari asikachakoni kuringira kushata kwezviito zvenyu, zvinyangadzo zvemwakaita; ndizvo nyika yenyu yakaita dongo nokuparadzwa neyakatukwa, isina unogaramwo, kudai ngezveyakaita nyamashi.

Jer. 5:29

“Andizovaorori ngeizvi here?” Unoronza Mambo Mwari. “Mweya wangu auzoshunguriri here dzinza rakadai?

Jer. 5:9

Andizovaorori ngeizvi here?” Unoronza Mambo Mwari. “Mweya wangu auzounzidziri here kudzinza rakadai ngeiri?

Jer. 8:12

Vakatseruka here, apo vakaita zvinyangadzo? Haiwa, avazi kutsveruka napadoko, avana kuzia kutsveruka. Ndizvo vanozowa pakati peavo vanowa; ngomukuwo wokuhambirwa kwavo vanozorigwa pashi,” unoronza Mambo Mwari.

Ezek. 34:5

Ndizvo akapararira, ngokuti paiya pasina muushi; nokupararirwa akaita kudya kwezvikara zveshe zvomushango.

Hos. 2:13

Ndinozomuorora ngendaa yemazuva emadhiri aBhaari, apo akapisha mitombo kwaari, naye akadzinemesa ngendandazi dzake dzomunzee nezvinemeso zvake, akateera zvigango zvake, akandiriyarwa inini, Mambo Mwari unoronza.

Mik. 7:4

Uwo wakapinda kunaka kwevari wakadai ngorukato, nouwo wakapinda kururama wavo rushosha rweminzwa. Zuva rokurinda kwavo nerokuororwa ravo rauya; zvino kwaapasinde kukangaidzwa kwavo.

Zek. 10:3

“Ushungu hwangu hunobaka kuvaushi, neni ndinozoorora makotokoto; ngokuti Mambo Mwari wehondo unongwarira makwai ake, mhatso yaJudha, naye unozovaita kuti vadai ngehachi rake rinodadisa muhondo.

Zek. 11:16

Ngokuti, ringira, zvino ndinomirudza muushi munyika, uwo usikahambiri idzo dzinopera, nokuti kutsvaka vana vemakwai, nokuti kurapa idzo dzakaguka, nokuti kugutsa dzinopona, asi kudya nyama yedzakakora, nokugura masondo adzo kuita zvigurwa.

Mateu 25:36

ndaiya ndiri mutitinini nemwi mwakandifukidza, ndairwara nemwi mwakandihambira, ndaiya mutirongo nemwi mwakauya kwendiri.’

Mateu 25:43

ndaiya ndiri mupfumba amuzikundiashira, ndaiya ndiri mutitinini amuzikundifukidza, ndairwara, ndaiya mutirongo amuzi kundihambira.’

Jakobe 1:27

Kudira kwakaperera nokusikazi kusvipiswa pamberi paMwari wedu naBaba ndikwo uku, kuhambira nherera neshirikadzi mukutambudzika kwavo, nokudzingwarira kuti asasvipiswa ngezvenyika.