Jer. 23:13 - Bhaibheri Rakachena muChindau

¹³ Mukati mwevaprofeti veSamaria ndakaona zviro zvinonyangadza; vakaprofeta ndiBhaari nokuita kuti vanhu vangu Isuraeri vapauke.

Jer. 23:13 Iomraidhean Croise

1 Madzi. 18:40

Erija wakati kwevari, “Batai vaprofeti vaBhaari, musarekera naumwe wavo kuti apone.” Zvino vakavabata; naErija wakavaunza kurwizi rinozwi Kishoni, wakavaurayapo.

2 MaKro. 33:9

Manase wakaita kuti Judha nevagari vemuJerusarema vapauke, ndizvo vakaita kushata kwakapindisisa kupinda vasikadiri Mwari, avo vaakauraya Mambo Mwari kubva pamberi pevana vaIsuraeri.

Isa. 9:16

Ngokuti avo vanovatungamirira vanoita kuti vapauke, naavo vanotungamirirwa ndivo vanosiyiwa mukukangaidzwa.

Jer. 2:8

Vapristi avazikubvunza kuti, ‘Uri pari Mambo Mwari?’ Naavo vanobata mipango avazi kundizia; vaushi vakapauka kubva kwendiri, vaprofeti vakaprofeta ndiBhaari, vakateera zviro zvisikadetseri chiro.

Jer. 23:32

‘Ringirai, ndinorwisana navo vanoprofeta hope dzokunyepa,’ unoronza Mambo Mwari, nokudzironza, nokuita kuti vanhu vangu vapauke ngemanyepo avo nezvisina shwiro, apo ndisikazi kuvatuma, nokuti kuvapanga kudaro; ndizvo avazodetseri vanhu ava nepadoko, unoronza Mambo Mwari.”

Jer. 36:2

“Tora bhuku rinopetwa, unyore mukati mwaro eshe mazwi endakaereketa kwouri ndiIsuraeri naJudha, nemadzinza eshe kubvira pazuva rendakaereketa kwouri, kubvira pamazuva aJosia metsa nyamashi.

Hos. 4:11

Kuhura, vhini nevhini idzva zvinotora kuzwisisa.

Hos. 4:12

Vanhu vangu vanotsvaka kupangwa mazano ngeguri redanda, nendonga yavo inovapa kufembera. Ngokuti mweya wokuhura wakavaita kuti vapauke, navo vakaenda koohura vechisiya Mwari wavo.

Mik. 1:5

Zveshe izvi indaa yokushaisha kwaJakobe, nezvishaishi zvemhatso yaIsuraeri. Ndaa yaJakobe ngeiri? Andiyo here Samaria? Nendau dzakakwirira dzaJudha ngedziri? Andidzopi Jerusarema here?