Jer. 23:12 - Bhaibheri Rakachena muChindau

¹² “Ndizvo njira dzavo dzinozoita kwevari njira dzinotedza muchidima, umwo vanozosundirwamwo nokuwiramwo; ngokuti ndinozounza kushata padera pavo ngegore rokuororwa kwavo,” unoronza Mambo Mwari.

Jer. 23:12 Iomraidhean Croise

Jobe 18:18

Unokandirwa kubva mukujeka kuenda muchidima, nokudzingwa kubva munyika.

Nduyo 35:6

Njira yavo ngaiite chidima noutedzi, nengirosi yaMambo Mwari yechivarumbirira.

Nduyo 73:18

Ngegwinyiso wakavaemesa muugaro hunotedza; unovasukumidzira pashi kuti vapere.

Nduyo 82:5

Avana ruziyo nokuti kuzwisisa; vanopumaira muchidima; zvitsimiso zveshe zvenyika zvinozungunyika.

EKISEDHUSI 32:34

Asi zvino enda, utungamirire vanhu kuenda kundau yendakaereketa kwouri ndiyo; ringira, ngirosi yangu inozotungamira pamberi pako. Asi zvakanyadaro ngezuva rendinozohambira, ndinozounzidzira chishaishi chavo padera pavo.”

Mazwi 4:19

Njira yevakashata yakadai ngechidima chakadzama; avazii kuti vanopumhunenyi.

Isa. 8:22

nokuti vanozoringira pashi; asi vanozoona kwega madambudziko nechidima, kusvipa kwokurwadziwa; vanozodzingwa muchidima chakakora.

Jer. 11:23

apana naumwe wavo unozosara. Ngokuti ndinozounza kuparadzwa padera pevanhu vaAnathothi, gore rokuororwa kwavo.”

Jer. 13:16

Irikidzai Mambo Mwari, Mwari wenyu, asati aunza chidima, dzisati dzapumhunwa tsoka dzenyu padera pemitunhu inechidima; apo muchatsvaka kujeka, unokupindura kuita bvute rokufa, nokuita chidima chakasvipa.

Jer. 48:44

“Weshe unotiza kutyisa unozowira muhunza; nouwo unokwira kubuda muhunza unozobatwa mumurau. Ngokuti ndinozounza zviro izvi padera paro Moabhi, mugore rokuororwa kwaro,” unoronza Mambo Mwari.

Jer. 50:27

Urayai mikono yaro yeshe; ngaidzake koourawa. Ihehe kwevari! Zuva ravo raguma, mukuwo wokuunzidzirwa kwavo.

Jer. 8:12

Vakatseruka here, apo vakaita zvinyangadzo? Haiwa, avazi kutsveruka napadoko, avana kuzia kutsveruka. Ndizvo vanozowa pakati peavo vanowa; ngomukuwo wokuhambirwa kwavo vanozorigwa pashi,” unoronza Mambo Mwari.

Chi. 2:20

Ringira, O Mambo Mwari, ukarakadze. Ngokunaani kwewaita izvi? Madzimai vangadya mibarirwana yavo here, vana vevabara? Mupristi nomuprofeti vangaurawa here mundau yakacheneswa yaMambo Mwari?

Mik. 7:4

Uwo wakapinda kunaka kwevari wakadai ngorukato, nouwo wakapinda kururama wavo rushosha rweminzwa. Zuva rokurinda kwavo nerokuororwa ravo rauya; zvino kwaapasinde kukangaidzwa kwavo.

Johani 12:35

Jesu wakati kwavari, “Inguva doko kujeka kuchipo pakati penyu. Hambai muchinokujeka, kuti chidima chisamubata; nouwo unohamba muchidima aatongozii paanoenda.

Dhuto. 32:35

Kuunzidzira ngokwangu nokuthusa; tsoka dzavo dzinozotedzemuka ngomukuwo wakaemeswa; ngokuti zuva rokutambudzika kwavo riri pasinde, kuparadzwa kwavo kunouya ngokukasira.

1 Joh. 2:11

Asi kunyazwi ndiani unonyenya hama yake uri muchidima, unohamba muchidima, naye aazii paanoenda, ngokuti chidima chakafukidza madziso ake.

Judha 1:13

mafungu oruandhle anopenga, echibudisa mafuro okutsveruka kwavo; nyeredzi dzinopepesheka, vakangwarirwa muudzamu hwokusvipa kwechidima mhera nariini.