Jer. 23:11 - Bhaibheri Rakachena muChindau

¹¹ “Veshe vaprofeti nevapristi avadi Mwari; kunyazwi mumhatso mwangu, ndaona kushata kwavo,” unoronza Mambo Mwari.

Jer. 23:11 Iomraidhean Croise

2 MaKro. 33:5

Wakaakira maarita hondo yeshe yomudenga mumaruwanze mairi emhatso yaMambo Mwari.

2 MaKro. 33:7

Wakaemesa muedzaniso wakatsetswa, muedzaniso wechimwari, mumhatso yaMwari, iyo Mwari yaakati kunaDhavhidha nokunemukororo wake Soromoni, “Mumhatso iyi, nomuJerusarema, iro rendakatsanangura kubva pakati pemadzinza eshe aIsuraeri, kuti ndiisemwo zina rangu mhera nariini.

2 MaKro. 36:14

Veshe vapristi vakuru, nevanhuwo vaiya vasikagondeki kakurutu ngokuteera zveshe zvinyangadzo zvemadzinza asikadiri Mwari; navo vakasvipisa mhatso yaMambo Mwari iyo yaaiya akachenesa muJerusarema.

Ezura 10:18

Vakaonekapo mibarirwana yevapristi avo vaiya vakaroora vakadzi vapara: Vemibarirwana yaJeshua mukororo waJozadhaki nehama dzake: Maaseia, Erieza, Jaribhi naGedharia.

Jer. 11:15

“Mudikani wangu chiinyi chaachinacho mumhatso yangu, apo akaomba nevazhinji? Mhiko zhinji nenyama yokupira zvingadusa kuparadzwa kwako here? Apo unoita zvakashata unodakara here?

Jer. 23:15

Ndizvo izvi zvinoronza Mambo Mwari wehondo ngendaa yevaprofeti: “Ringira, ndinozovadyisa muti unovava, nokuvaita kuti vamwe mvura inechanduru; ngokuti kutukisa Mwari kwevaprofeti veJerusarema kwapararira munyika yeshe.”

Jer. 32:34

Vakaisa zvinyangadzo zvavo mumhatso inodaidzwa ngezina rangu kuisvipisa.

Jer. 5:31

Vaprofeti vanoprofeta manyepo nevapristi vanotonga vechipangwa ngevaprofeti; navanhu vangu vanoda kuti zvidaro; asi munozoitenyi kumagumo azvo?”

Jer. 50:6

Vanhu vangu vaiya makwai akarashika; vaushi vawo vakaapausa, vakaatinhira kumitunhu, kuhamba kubva kudunhu kuenda kuchitunhu; variyarwa ndau yavo yokuzorora.

Jer. 6:13

“Ngokuti kubvira pamudoko kuguma pane wakakurisa wavo, veshe vanokarira kuuyirwa ngezvisina shwiro; nokubvira pamuprofeti nepamupristi, umwe ngaumwe unoita ngokuchengedzera.

Jer. 7:30

Ngokuti vana vaJudha vakaita zvakashata mukuona kwangu,” unoronza Mambo Mwari; “Vakaemesa zvinyangadzo zvavo mumhatso yakadudzwa zina rangu, kuti vaisvipise.

Jer. 8:10

Ndizvo ndinozopa vakadzi vavo kunevamweni, neminda yavo kune vanyisi, ngokuti umwe ngaumwe kubvira kumudoko metsa kunomukuru vakadzipira mukuemura; kubvira kumuprofeti metsa kumupristi, umwe ngaumwe unoita ngokuchengedzera.

Chi. 2:20

Ringira, O Mambo Mwari, ukarakadze. Ngokunaani kwewaita izvi? Madzimai vangadya mibarirwana yavo here, vana vevabara? Mupristi nomuprofeti vangaurawa here mundau yakacheneswa yaMambo Mwari?

Ezek. 23:39

Ngokuti apo vaiya vauraira miedzaniso yavo yokudira vana vavo, ngezuva rimwero vakauya muugaro hwangu hwakachena kuhusvipisa. Ringira, izvi ndizvo zvevakaita mukati mwemhatso yangu.

Ezek. 44:10

“Asi vaRevhi avo vakaenda kuretu kubva kwendiri, vechipauka kubva kwendiri kuteera miedzaniso yavo yokudira apo Isuraeri akapauka kubva kwendiri, vanozotwara koororwa kwavo.

Ezek. 7:20

Kubva kuunaku hwechinemeso chavo, vakaita manyau ndicho, ivo vakanasira miedzaniso yavo yainyangadza, zviro zvavo zvinoshooreka; ndizvo ndinozonasira ndicho chiro chakasvipiswa kwevari.

Ezek. 8:11

Pamberi pazvo pakaema vakuru makumi manomwe vemhatso yaIsuraeri, naJaazania mukororo waShafani akaema pakati pavo. Umwe ngaumwe waiya nechidziyo chake munyara yake chokupishira mutombo unegwema rakanaka, negore rechiushi rakakura raipwititika.

Ezek. 8:16

Naye wakandiunza muruwanze rwomukati rwemhatso yaMambo Mwari; ringira, pamusiwo wemhatso yaMambo Mwari, apo pokupinda ndipo mutemperi raMambo Mwari, pakati peberere nearita, vaiyapo vamuna vaida kukwana makumi mairi navashanu, nemishana yavo yakafuratira temperi raMambo Mwari, nehope dzavo dzairingira kumabvazuva, vaiata pashi kudira zuva, vechiringira kumabvazuva.

Zef. 3:3

Vakuru varo vari mukati mwaro imhondoro dzinobhonga; vatongi varo mathika emadeekoni asikasiyi chiro metsa nechimangwani.

Zef. 3:4

Vaprofeti varo avana ndaa nezviro, vanhu vasikagondeki; vapristi varo vasvipisa ndau yakacheneswa, vagura mupango.