Jer. 23:1 - Bhaibheri Rakachena muChindau

¹ “Ihehe kuvaushi vanouraya nokuparadza makwai embusho yangu!” Unoronza Mambo Mwari.

Jer. 23:1 Iomraidhean Croise

Jer. 10:21

“Ngokuti vaushi mabungumupee, avabvunzi Mambo Mwari; ndizvo avazi kubudirira nezvifuyo zvavo zveshe zvapararira kweshe.

Jer. 12:10

Vaushi vakawanda vaparadza munda wangu wemivhini, vatsikatsika pashi petsoka chikoaniswa changu, vaita kuti chikoaniswa changu chinodakadza chiite shango risina chiro.

Jer. 13:17

Asi kudai musikazopurutani, mweya wangu unozochema kundau dzakafishika ngendaa yokudzikudza kwenyu; madziso angu anozochema kakurutu, nemasodzi angu anozoerera, ngokuti zvifuyo zvaMambo Mwari zvatorwa kuitwa hloko.

Jer. 2:26

“Kudai ngembavha inotsverudzwa apo yabatwa, ndizvo mhatso yaIsuraeri inotsverudzwa; ivo, madzimambo avo, vatongi vavo, vapristi vavo nevaprofeti vavo,

Jer. 2:8

Vapristi avazikubvunza kuti, ‘Uri pari Mambo Mwari?’ Naavo vanobata mipango avazi kundizia; vaushi vakapauka kubva kwendiri, vaprofeti vakaprofeta ndiBhaari, vakateera zviro zvisikadetseri chiro.

Jer. 22:22

Dutu rinozoparadza vaushi vako veshe, nevadikani vako vanozoenda muubatwa; ngegwinyiso ngouwo mukuwo munozotsverudzwa nokukangaidzwa ngendaa yokushata kwako kweshe.

Jer. 23:2

Izvi ndizvo zvinoronza Mambo Mwari, Mwari waIsuraeri, ngendaa yevaushi vanousha vanhu vangu, “Ndimwi mwakaparadza zvifuyo zvangu nokuzvidzinga; amuzi kuzviringira. Ndizvo ndinozoringira padera penyu ngendaa yokushata kwezviito zvenyu,” unoronza Mambo Mwari.

Jer. 50:6

Vanhu vangu vaiya makwai akarashika; vaushi vawo vakaapausa, vakaatinhira kumitunhu, kuhamba kubva kudunhu kuenda kuchitunhu; variyarwa ndau yavo yokuzorora.

Ezek. 13:3

Izvi ndizvo zvinoronza Mambo Mwari, Mwari: Ihehe kwevari vaprofeti mapenzi, avo vanoteera mweya yavo, navo avazi kuona chiro!

Ezek. 34:1

Izwi raMambo Mwari rakauya kwendiri rechiti,

Ezek. 34:21

Ngokuti imwimwi mwatunga ngeparutii nepafudzi, mwechithuthumidza dzeshe mhuka dzinenhenda ngenyanga dzenyu, metsa mwadziparadzira kuretu nokupamhama,

Ezek. 34:31

Imwimwi muri makwai angu, mutanga wembusho wangu, muri vanhu vangu, neinini ndiri Mwari wenyu, unoronza Mambo Mwari, Mwari.”

Ezek. 36:38

Kudai ngezvifuyo zvokuita mubairo, kudai ngezvifuyo zvomuJerusarema ngenguva yemishongano yaro yemadhiri, ndizvo madhorobha akaparadzwa anozozadzwa ngezvikwata zvevanhu. Zvino vanozozia kuti inini ndini Mambo Mwari.”

Zek. 10:3

“Ushungu hwangu hunobaka kuvaushi, neni ndinozoorora makotokoto; ngokuti Mambo Mwari wehondo unongwarira makwai ake, mhatso yaJudha, naye unozovaita kuti vadai ngehachi rake rinodadisa muhondo.

Mateu 15:14

Varekerenyi, vari mapofu anokweya mapofu. Nokudai bofu rechikweya bofu, eshe anozowira mukati mwerindi.”

Mateu 9:36

Asi aona mbungano, wakavazwira urombo ngokuti vaidezwaira nokupepesheka kudai ngemakwai asina muushi.

Johani 10:10

Mbavha inouya kwega kuba nokuuraya nokuparadza; inini ndakauya kuti vaone kupona, vakuone kakurutu.

Johani 10:12

Asi uwo unoshanda kuti aone muthuso, asiri muushi akadi, uwo makwai aasiri ake akadi, unoona thika rechiuya, unosiya makwai, unotiza; nethika rinoruma nokuaparadza.

Johani 10:8

Veshe vakatanga pamberi pangu imbavha nemadzongoni; asi makwai aazi kuvapurutana.