Jer. 22:8 - Bhaibheri Rakachena muChindau

⁸ Nemadzinza mazhinji anozopinda ngepasinde pedhorobha iri, vanozoti umwe kuneumweni ‘Ngenyi Mambo Mwari akaita zvakadai kudhorobha guru iri?’

Jer. 22:8 Iomraidhean Croise

Jer. 16:10

Naapo wooronzera vanhu ava mazwi aya eshe, navo vanoti kwouri, ‘Ngenyi Mambo Mwari aronza uku kushata kukuru kweshe tisu? Chiinyi kushata kwedu? Chiinyi chishaishi chedu chetashaisha kunaMambo Mwari, Mwari wedu?’

Jer. 40:2

Nduna yevarindi yakatora Jeremia, ikati kwaari, “Mambo Mwari, Mwari wako, wakaronza uku kushata ngendau iyi;

Jer. 40:3

nazvino Mambo Mwari wakuunza pano, naye waita kudai ngezvaakaronza, ngokuti imwimwi mweshe mwakashaisha kunaMambo Mwari, nemwi amuzi kupurutana izwi rake. Ndizvo izvi zviro zvawira padera penyu.

Chi. 4:12

Madzimambo enyika aazi kugonda, nokuti naumwe wevagari venyika, kuti magaa nemapandu vaizopinda pamisiwo yeJerusarema.

Ezek. 12:16

Asi ndinozoita kuti vashomani vavo vapokonyoke kubva kushoti, kubva kunzara, nokunhenda, kuti vazoronza kunyangadza kwavo kweshe pakati pemadzinza kweshe kwevanoenda; zvino vanozozia kuti inini ndini Mambo Mwari.”

Ezek. 14:23

Vanozomuembedzera, apo munoona njira dzavo nezviito zvavo; nemwi munozozia kuti andizi kuzviita pasina ndaa izvo zveshe zvendakaita mweriri,” unoronza Mambo Mwari, Mwari.

Ezek. 39:23

Nemadzinza anozozia kuti mhatso yaIsuraeri yakaenda muuhloko ngendaa yezvishaishi zvavo, ngokuti vakaita ngokuchengedzera kwendiri. Ndizvo ndakafisha hope yangu kubva kwevari, ndikavapa munyara dzemagaa avo; ndizvo vakawa veshe ngeshoti.

Ezek. 5:15

“Chichaita chiro chinoshoorwa nechinoshekwa, nyowedzo nechinotyisa kunemadzinza anomutendenedza, apo ndinotonga kutonga kwangu padera penyu muushungu hwangu nomukushishwa kwangu, nokuorora kunoushungu. Inini Mambo Mwari ndazviereketa.

Dha. 9:7

O Mambo Mwari, kururama kuri kwouri, asi kwetiri kutsveruka kwehope, kudai ngezviripo nyamashi, kwevari vanhu vaJudha nevagari vemuJerusarema, nokwevari vaIsuraeri veshe, avo vari pasinde, naavo vari kuretu, kunyika dzeshe kwowakavadzingira, ngendaa yokushaisha kwevakaita kwouri.