Jer. 22:3 - Bhaibheri Rakachena muChindau

³ Izvi ndizvo zvinoronza Mambo Mwari: Tongai kutonga kwakanaka, muite zvakarurama, musunhure kubva munyara yomutambudzi weshe wakabirwa. Musaita zvakashata, musaremadza mupara, nherera, nokuti shirikadzi, nokuti kuparadza ngazi isina ndaa mundau iyi.

Jer. 22:3 Iomraidhean Croise

2 Sam. 23:3

Mwari waIsuraeri waereketa, Buwe raIsuraeri rakaereketa kwendiri rechiti, ‘Uwo unotonga padera pevanhu ngokururamisa, echitonga ngokutya Mwari,

2 Madzi. 24:4

ngendaawo yengazi isina ndaa, yaakaparadza; ngokuti wakadzadza Jerusarema ngengazi isina ndaa naMambo Mwari waiya asikatendi kuvakungurira.

Jobe 22:9

Iwewe wakaendisa shirikadzi dzisina chiro, nemioko yenherera waigura.

Jobe 24:9

Vanobvuka nherera kubva pamazamo, nokutora vana vevarombo kuita chibatiso.

Nduyo 68:5

Baba enherera nomungwariri weshirikadzi, ndiye Mwari muugaro hwake hwakachena.

Nduyo 82:4

Nunurai vasina simba nevasina chiro; varwirenyi kubva munyara yewakashata.”

Nduyo 94:21

Vanounganidzana pamwepo kurwisana nomweya wowakarurama, vechiitira ndaa ngazi isina ndaa.

Nduyo 94:6

Vanouraya shirikadzi nevapara, vanoshumba nherera,

EKISEDHUSI 22:21

Usazoshaishira mupara nokuti kuzomutambudza, ngokuti imwimwi mwaiya vapara munyika yeEgipite.

EKISEDHUSI 22:22

Musazotambudza shirikadzi nokuti ngeiri nokuti nherera.

Mazwi 23:10

Usadusa mujeki wekaretu; usapamba munda wenherera,

Mazwi 6:17

madziso ounodzikudza, rurumi runonyepa, nyara dzinoparadza ngazi isina ndaa,

Isa. 1:23

Vatongi venyu vanoita mbengo nokuita vangani vemambavha. Veshe vanoda bata muromo, vanoteera kuthuswa. Avatongi zvakanaka ndaa dzenherera, nendaa dzeshirikadzi adziuyi pamberi pavo.

Isa. 58:6

“Uku andikwopi kuera kudya kwendatsanangura: kusunungura zvisungo zvokutonga kusikazi kururama, kusunhura mitwaro inorema, kuita kuti vanotambudzwa vasunhurike, nokuti kugura majoka eshe?

Isa. 58:7

Andikwopi kukowerana kudya kwenyu nevane nzara, nokuunza varombo, vasina pokugara, mumhatso yenyu; apo munoona uri mutitinini kumufukidze, nokudzifisha pachenyu kubva kune vemhuri yenyu here?

Jer. 19:4

Ngokuti vanhu vakandiramba, vasvipisa ndau iyi, vakapisha mutombo mukati mwayo kuzvimwari zvimweni, zvisikazi kumboziikanwa ndivo, nokuti madzibaba avo, nokuti madzimambo aJudha; navo vakazarisa ndau iyi ngengazi yevasina ndaa,

Jer. 21:12

O mhatso yaDhavhidha. Izvi ndizvo zvinoronza Mambo Mwari: Tongai kutonga kwakanaka mangwanani, mumusunhure kubva kunyara yomutambudzi weshe wakabirwa, kuti ushungu hwangu husabuda kudai ngomuriro nokupisha, pasina naumwe ungaudzima, ngendaa yokushata kwezviito zvenyu.

Jer. 22:17

Asi madziso ako nomwoyo wako azvioni chimweni kwega kuemura nokuparadza ngazi isina ndaa, nokuita kutambudza nokupamba.

Jer. 26:16

Zvino vatongi nevanhu veshe vakati kuvapristi nokuvaprofeti: “Uyu munhu aazi kusisira kutongerwa rufu, ngokuti waereketa kwetiri ngezina raMambo Mwari, Mwari wedu.”

Jer. 5:28

Vaita vakakora, vanon'anikira, vanokurira vakawanda, avazii chipimo chemishando yakashata; avatongi ngokururamisa ndaa yenherera, kuti ibudirire, avarwiri maruramiro evarombo.

Jer. 7:23

Asi mupango uyu ndakavapanga ndechiti, ‘Purutanai izwi rangu, neni ndinozoita Mwari wenyu, nemwi munozoita vanhu vangu; muhambe kwega munjira yendinomupanga ndiyo, kuti zvimunakire.’

Jer. 9:24

Asi iye unodziganzisa ngaadziganzise ngeizvi, kuti unozwisisa nokundizia, kuti ndini Mambo Mwari; ndinoita ngenyasha dzinorudo, kutonga kwakanaka nokururama munyika; ngokuti ndinodakara muneizvi zviro,” unoronza Mambo Mwari.

Chi. 3:36

apo ndaa yomunhu yapauswa, aazvioni here Mambo Mwari?

Ezek. 18:12

unotambudza varombo nevatami, unoita mbavha, aapetudzira chibatiso, unomirudza madziso ake kuringira kunemiedzaniso yokudira, unoita zvinonyangadza,

Ezek. 18:7

usikaangiridzi munhu, asi unohwirinza chibatiso kunounokwereta, usikabiri, unopa kudya kwake kunevanenzara, nokufukidza vari mititinini ngechokufuka,

Ezek. 22:7

Baba namai vanoitwa chishekedzo mukati mwako; vapara vanogara mukati mwako vakaangiridzwa; nherera neshirikadzi vanoshaishirwa mukati mwako.

Ezek. 45:9

Izvi ndizvo zvinoronza Mambo Mwari, Mwari: “Zvakwana, O vatongi vaIsuraeri! Dusai kugebenga nokutambudza, muite kutonga kwakanaka, nokururama. Rekerai kuangiridzwa kwenyu vanhu vangu, unoronza Mambo Mwari, Mwari.

Joeri 3:19

Egipite rinozoita matongo, neEdhomu rinozoita shango risikagarwi, ngendaa yokugebenga kwakaitwa kuvanhu vaJudha, ngokuti vakaparadza ngazi isina ndaa munyika mwavo.

Revhi 19:15

“Musazotonga ngokusikaruramisa; musazoa nomutsananguro kumurombo, nokuti kuremeredza uri mukuru; asi munozotonga muakirwana wenyu ngokururamisa.

Amo. 5:15

Nyenyai zvakashata, mude zvakanaka, muemese kutonga kwakanaka pamusiwo; pamweni Mambo Mwari, Mwari wehondo, unozoitira nyasha avo vanosara vaJosefa.

Amo. 5:24

Asi kutonga kwakanaka ngakuerere kudai ngemvura, nokururama kudai ngorwizi runesimba.

Mik. 3:11

Vakuru varo vanotonga ngokutengerwa, vapristi varo vanodzidzisa ngomusharo, vaprofeti varo vanoprofeta ngokuona mare; asi vanotseama kunaMambo Mwari vechiti, “Ngegwinyiso Mambo Mwari unesu! Akuna kushata kungatigumira.”

Mik. 6:8

Wakuronzera iwewe, O mukororo womunhu, icho chakanaka; Mambo Mwari unodenyi kwouri, kwega kuita zvakarurama, nokuda nyasha, nokuhamba ngokudzipfaisa naMwari wako?

Mar. 3:5

“Zvino ndinozokwedzera kwomuri kutonga; ndinozoita chapupu chinokasira kupupura kuitira ndaa vanoringidza, vanoomba, vanopika ngokunyepa, vanotambudza nokunyima musharo wevashandi, weshirikadzi, wenherera, naavo vanopaukisa vapara, vasikandityi,” unoronza Mambo Mwari wehondo.

Mateu 23:23

“Ihehe kwomuri vanyori nevaFarisi, vadziitisi! Munohina chimwe chegumi cheminte neanise nokumini, nemwi mwarekera kuita zvakakura zveMipango, kutonga kwakwo nenyasha nokugondeka; kwaisisira kuti muzviite izvi, musikasii zvimweni zvisikazi kuitwa.

Dhuto. 10:18

Unotongera ndaa dzevasina baba neshirikadzi, unomuda mupara, ngokumupa zvokudya nezvokufuka.

Dhuto. 24:17

Zve, musazoshaishira ngokutsandudza kutongwa kwomupara, nokuti kwousina baba; nokuti kutora zvokufuka zveshirikadzi kuita chibatiso.

Dhuto. 24:7

Kudai munhu echizobatwa echiba muIsuraeri umweni, echizomuita hloko nokuti kumutengesa; naapo iyo mbavha inozourawa. Nemwi munozodusa kushata kubva pakati penyu.

Dhuto. 25:1

Kudai iripo ndaa pakati pevanhu, navo vechiuya mukutongwa kuti vatongwe ngevatongi; naapo munozopembedza wakarurama nokuitira ndaa wakashata.

Dhuto. 27:19

“Wakatukwa uwo unokunukudza kutongwa kwomupara, nokwousina baba, nokweshirikadzi.” Navanhu veshe vanozoti, “Ameni!”

Jakobe 1:27

Kudira kwakaperera nokusikazi kusvipiswa pamberi paMwari wedu naBaba ndikwo uku, kuhambira nherera neshirikadzi mukutambudzika kwavo, nokudzingwarira kuti asasvipiswa ngezvenyika.