Jer. 22:26 - Bhaibheri Rakachena muChindau

²⁶ Ndinozokurasha namai akakubara munyika imweni kwomusikazi kubarirwa, nemwi munozofiremwo.”

Jer. 22:26 Iomraidhean Croise

2 Madzi. 24:15

Wakatora Jehoiakhini kuenda Bhabhuroni; mai amambo, vakadzi vamambo nduna dzake, nemakota enyika, wakatora ava kubva Jerusarema kuenda Bhabhuroni kuti vaite hloko.

2 Madzi. 24:8

Jehoiakhini waiya aane makore gumi nemasere apo paakatanga kutonga; wakatonga mwedzi mitatu muJerusarema. Zina ramai ake raizwi Nehushita, mwanasikana waErinathani weJerusarema.

2 Madzi. 25:27

Mugore remakumi matatu nemanomwe rouhloko hwaJehoiakhini mambo waJudha, ngomwedzi wegumi nemiiri, ngezuva romwedzi remakumi mairi nemanomwe Evhirimerodhaki mambo weBhabhuroni, mugore iro raakatanga kuita mambo, wakasunhura Jehoiakhini mambo waJudha kubva mutirongo.

2 Madzi. 25:29

Ndizvo Jehoiakhini wakadusa zvokusimira zvake zvomutirongo. Pazuva reshe rokupona kwake wakadya kudya pamberi pamambo.

2 Madzi. 25:30

Ngokuti chikoaniswa chake chaaikoanisirwa ndimambo mukuwo weshe, chikoaniswa chezuva ngezuva, mazuva okupona kwake.

Isa. 22:17

Ringira, Mambo Mwari uchakukandira kuretu kubva kundau yako ngesimba, hama yangu. Ucharamba akakubata ngesimba,

Jer. 10:18

Ngokuti ndizvo izvi zvinoronza Mambo Mwari: “Ringirai, ndinozorasha kubanze avo vanogara munyika iyi ngouyu mukuwo, ndichaunza dambudziko padera pavo, kuti vazvione.”

Jer. 13:18

Ronzai kunamambo nokuna mai ake, “Dzipfaisei, mugare pashi; ngokuti dzungudza renyu rakanaka rawa pashi kubva pasoro renyu.”

Jer. 16:13

Ndizvo ndinozomubvisa kuneiyi nyika kuenda kunyika yomusikazi kuizia, imwimwi nokuti madzibaba enyu; iyoyo munozodira zvimwari zvimweni masikati nousiku, apo pendisikazomuitiri nyasha.’

Jer. 22:27

Asi avachazohwiriri kunyika yevaidisa kuhwirira.

Jer. 28:4

Ndinozopetudza kundau iyi Jekhonia mukororo waJehoiakimu mambo waJudha, pamwepo nevabatwa veshe vaJudha, avo vakatorwa kuenda Bhabhuroni, ngokuti ndinozogura joka ramambo weBhabhuroni,’ unoronza Mambo Mwari.”

Jer. 29:2

ngesure kwokubva kwavo Jerusarema, Jekhonia mambo, namai ake, vakuru voruwanze, vatungamiriri vaJudha neveJerusarema, vatsetsi nevapfuri.

Jer. 44:14

kuitira kuti pasaa naumwe wevakasara waJudha, waavo vakauya munyika yeEgipite koogaremwo, unozopona nokuti kusara, nokuti kupetuka munyika yaJudha. Kunyazwi vanodisisa kupetuka koogarayo, apana unozopetuka ngokubanze kwaavo vanozopokonyoka.”