Jer. 22:22 - Bhaibheri Rakachena muChindau

²² Dutu rinozoparadza vaushi vako veshe, nevadikani vako vanozoenda muubatwa; ngegwinyiso ngouwo mukuwo munozotsverudzwa nokukangaidzwa ngendaa yokushata kwako kweshe.

Jer. 22:22 Iomraidhean Croise

Isa. 64:6

Isusu teshe taita kudai ngaumwe usikazi kusukika, nokuita kwedu kwakarurama kweshe kwakadai ngemitsoto inonyangadza. Teshe tinofota kudai ngeshakani; nezvishaishi zvedu zvatirashira kuretu kudai ngedutu.

Isa. 65:13

Ndizvo izvi zvinoronza Mambo Mwari, Mwari, “Ringira, varanda vangu vanozodya, asi imwimwi munozopera ngenzara; ringira, varanda vangu vanozomwa, asi imwimwi munozofa ngenyota; ringira, varanda vangu vanozodakara, asi imwimwi munozotsverudzwa.

Jer. 10:21

“Ngokuti vaushi mabungumupee, avabvunzi Mambo Mwari; ndizvo avazi kubudirira nezvifuyo zvavo zveshe zvapararira kweshe.

Jer. 12:10

Vaushi vakawanda vaparadza munda wangu wemivhini, vatsikatsika pashi petsoka chikoaniswa changu, vaita kuti chikoaniswa changu chinodakadza chiite shango risina chiro.

Jer. 2:36

Unohambahamba kakurutu ngenyi kutsvaka njira imweni? Iwewe unozotsverudzwa ngeEgipite, kudai ngezvewakatsverudzwa ngeAsiria.

Jer. 2:37

Kubvira apo unozobudawo nenyara dzako wakadziisa padera pesoro rako, ngokuti Mambo Mwari waramba avo vounogonda, newe auzobudiriri kubudikidza ndivo.”

Jer. 2:8

Vapristi avazikubvunza kuti, ‘Uri pari Mambo Mwari?’ Naavo vanobata mipango avazi kundizia; vaushi vakapauka kubva kwendiri, vaprofeti vakaprofeta ndiBhaari, vakateera zviro zvisikadetseri chiro.

Jer. 20:11

Asi Mambo Mwari uneni, wakadai ngomurwi wehondo unotyisa; ndizvo vanonditambudza vanozopumhunwa, navo avazonyisi akadi. Vanozotsveruka kakurutu, ngokuti avazobudiriri. Kutsverudzwa kwavo kwemhera nariini akuzoriyarikanwi.

Jer. 30:14

Vadikani vako veshe vakuriyarwa; avakutsvaki; ngokuti ndakakuremadza ngebonje regaa, kuororwa kwouwo usina nyasha, ngendaa youwandu hwokushata kwako, ngokuti zvishaishi zvako zvakawandisa.

Jer. 4:30

Newe, O wakaparadzwa, unoitenyi kuti udzipfekedze ngamachira akatsvuka, kuti udzinemese ngezvinemeso zvomukore, kuti ukurise madziso ako ngepende? Unodzinemesa kuti unake kusina shwiro. Vadikani vako vanokushoora, vanotsvaka kukuuraya.

Jer. 5:13

Vaprofeti vanozodai ngedutu, ngokuti izwi ariri mwevari akadi. Izvi ndizvo zvinozoitika kwevari.

Jer. 7:19

Ndini here wevanomusira ushungu? Avadziitiri here kukangaidzwa kwavo?” Unoronza Mambo Mwari.

Hos. 12:1

“Efuremu unoguta ngedutu, unoteera dutu rokumabvazuva zuva reshe; unowanza manyepo nokuparadza; unoita chitenderano naAsiria, nemafuta anotwara kuenda Egipite.”

Hos. 13:15

Kunyazwi anobereka vana pakati pehama dzake, dutu rokumabvazuva rinozouya, kuputika kubva kunaMambo Mwari rechimiruka kubva mushango, nechinyuka chake chinozopwa, nesaa rinozoita makandwa. Rinozobvisa upfumi hwake hwechidziyo cheshe chinomutengo mukuru.

Hos. 4:19

Dutu ramuputira mumaphaphiro aro; navo vanozotsverudzwa ngendaa yemibairo yavo.

Zek. 11:17

O muushi wangu usina shwiro, uwo unotiza makwai! Shoti ngaibaye pamuoko wake, nepadziso rake rokumudyo! Muoko wake ngauonyane yaamho, nedziso rake rokumudyo ripofomadzwe yaamho!”

Zek. 11:8

Ndakauraya vaushi vatatu ngomwedzi umwe; ngokuti mweya wangu wakaremba ndivo, navo vakandinyenya.