Jer. 22:21 - Bhaibheri Rakachena muChindau

²¹ Ndakaereketa kwouri ngomukuwo wokubudirira kwako, asi iwewe wakati, “Andizopurutani.” Uyu ndiwo muitiro wako wokusikapurutana izwi rangu, kubvira muudoko hwako.

Jer. 22:21 Iomraidhean Croise

2 MaKro. 33:10

Mambo Mwari wakaereketa kunaManase nokunevanhu vake, asi avazi kupurutana.

Nduyo 129:1

“Mikuwo mizhinji vakanditambudza kubvira muutsva hwangu,” zvino Isuraeri ngaaronze kuti,

Mazwi 30:9

nokuti ndigutiswe ndikurambe, ndironze kuti, ‘Ndiani Mambo Mwari?’ Nokuti ndinozoita murombo, nokuba, ndishandise zina raMwari wangu ngenjira isina shwiro.

Isa. 48:8

Ausati wazwa, ausati wazia; kubvira pamukuwo wekaretu nzee dzako adzizi kubeurwa. Ngokuti ndakazia kuti waizoita ngokuchengedzera kakurutu, nokuti kubvira pakubarwa wakadaidzwa kuzwi mupanduki.

Jer. 13:10

Ava vanhu vakashata vanoramba kuzwa mazwi angu, vanohamba ngemisikazwa mumipinimidzo yomwoyo yavo, vechiteera zvimwari zvimweni kuzvishandira nokuzvidira, ndivo vanozodai ngebhande iri risikachadetseri chiro.

Jer. 19:15

“Izvi ndizvo zvinoronza Mambo Mwari wehondo, Mwari waIsuraeri: Ringira, ndinounza padera pedhorobha iri, nepadera pemaguta aro eshe, kushata kweshe kwendakaronza kweriri, ngokuti vakakonzisa mitsipa yavo, kuramba kuti vasazwa mazwi angu.”

Jer. 2:25

Rambidza rutsoka rwako kuti rusahamba rusina gwada, nemukuro wako kubva kunenyota; asi unoti, ‘Azvidetseri, ngokuti ndakada vapara, neni ndinozovateera.’ ”

Jer. 2:31

Nemwi, O mubarirwana, wonai izwi raMambo Mwari. Ndaita rubaya kunaIsuraeri here nokuti ndaita nyika yechidima? Ngenyi zvino vanhu vangu vechironza kuti, takasunhurika, atizouyizve kwouri?

Jer. 25:3

“Ngokuti pagore remakumi mairi nematatu kubvira pagore regumi nematatu rokutonga kwaJosia mukororo waAmoni, mambo waJudha, metsa pazuva iri, izwi raMambo Mwari raiuya kwendiri, neni ndaindoriereketa kwomuri ngokusikareki, asi imwimwi amuzi kupurutana.

Jer. 25:4

Kunyazwi Mambo Mwari wakaangira kutumira varanda vake veshe vaprofeti, imwimwi amuzi kupurutana nokuti kuteya nzee dzenyu kuti muzwe

Jer. 25:7

Asi amuzi kundipurutana,” unoronza Mambo Mwari; “Ndizvo mwamusira ushungu hwangu ngemishando yenyara dzenyu yomunodziremadza ndiyo.

Jer. 25:8

“Izvi ndizvo zvinoronza Mambo Mwari wehondo: Ngokuti amuzi kupurutana mazwi angu,

Jer. 3:24

Asi kubvira pautsva hwedu kutsveruka kwakapedza mushando wemadzibaba edu, zvifuyo zvavo, n'ombe nemakwai, vakororo vavo nevanasikana vavo.

Jer. 3:25

Ngatiate pashi mukutsveruka kwedu, nokutsveruka kwedu kutifukidze; ngokuti takashaisha kunaMambo Mwari, Mwari wedu, isusu nemadzibaba edu, kubvira muutsva hwedu metsa nanyamashi; atizikupurutana izwi raMambo Mwari, Mwari wedu.”

Jer. 32:30

Ngokuti vanhu vaIsuraeri nevanhu vaJudha avana chevakaita, asi vakaita zvakashata zvega pamberi pangu kubvira muutsva hwavo; vanhu vaIsuraeri avana chevakaita, asi vakanditsenesa kwega ngemishando yenyara dzavo, unoronza Mambo Mwari.

Jer. 35:15

Ndatumira kwomuri veshe varanda vangu vaprofeti, ndechiangira kuvatumira ndechiti, tenderukai zvino munhu weshe kubva kunjira yake yakashata, munasirise zviito zvenyu, murekere kuteera zvimwari zvimweni kuzvidira, nemwi zvino munozogara muiyi nyika yendakamupa, imwimwi nemadzibaba enyu.’ ” Asi amuzi kutenda kuzwa nokuti kundipurutana.

Jer. 48:11

Moabhi rakagarisika kubvira muudoko hwaro, rakagara padera pemasese aro, arizi kumbodururwa kubva kuchidziyo kuiswa muchidziyo chimweni, arizi kumbopindazve muubatwa; ndizvo kunuhwira kwaro kuchakandodaro, negwema raro arizi kupinduka.

Jer. 6:16

Izvi ndizvo zvinoronza Mambo Mwari, “Emai pamhararano penjira, muringire, mubvunzise ngenjira dzekare, paiya nenjira yakanaka, muhambe mweiri, nemwi muone zororo kumweya yenyu.” Asi vakati, “Atizohambi mweiri.”

Ezek. 20:13

Asi mhatso yaIsuraeri yakamukira kurwa neni mushango; avazi kuhamba muzviemeso zvangu, asi vakaramba zvitongero zvangu, izvi kudai munhu echizviita, unozopona ndizvo; nemaSabatha angu vakaasvipisa kakurutu. Zvino ndakapinimidza kuti ndaizodurura ushungu hwangu padera pavo mushango, kuti ndivapedze.

Ezek. 20:21

Asi vana vakamukira kurwa neni; avazi kuteera muzviemeso zvangu, navo avazi kunasa kungwarira zvitongero zvangu, kudai munhu echizviita, unozopona ndizvo; vakasvipisa maSabatha angu. Zvino ndakapinimidza kuti ndaizodurura ushungu hwangu padera pavo, kurwa navo kuti ndipedze ushungu hwangu kwevari mushango.

Ezek. 20:28

Ngokuti apo ndaiya ndavaunza munyika, yendakapika kuti ndiipe kwevari, zvino kunyazwi ngepari pevakaona zvimitunhu zvakakwirira nemimbiti yeshe yakatsikana mashakani, vakapira mibairo yavopo, vakapira midiro yavo yokundinyangadza; naapozve vakapisha mitombo yavo inegwema rakanaka, vakadururapo midiro yavo yokumwa.

Ezek. 20:8

Asi vakamukira kurwa neni, nokusikapurutana kwendiri; haiwa naumwe wavo wakarasha zvinyangadzo zvinodakadza madziso ake, nokuti kurekera miedzaniso yokudira yeEgipite. Zvino ndakapinimidza kuti ndaizodurura ushungu hwangu padera pavo, kuti ndipedze ushungu hwangu kwevari mukati mwenyika yeEgipite.

Zef. 3:2

Arizi kupurutana kuizwi; arizi kuashira kupangwa. Arizi kugonda munaMambo Mwari; arizi kukwedzera pasinde naMwari waro.

Zek. 7:7

“Awo andiwopi mazwi aakadaidzira Mambo Mwari ngevaprofeti vokutanga, apo Jerusarema richine vanhu nouthende, pamwepo nemadhorobha aro akaritendenedza, naapo vanhu vachakagara mubani nemarutii emitunhu here?”

Dhuto. 31:27

Ngokuti ndinozia kumukira kwenyu, nemisikanzwa yenyu. Apo ndichapona nemwi nyamashi, mwamukira Mambo Mwari, kunozopinda kwakaitawani ngesure kwokufa kwangu!

Dhuto. 9:24

Mwakaita vanomukira kunaMambo Mwari kubvira zuva rendakaamba kumuzia.

Dhuto. 9:7

Karakadzai, musakanganwa, njira yemwakatsenesa Mambo Mwari, Mwari wenyu, mushango; kubvira kuzuva remwakabuda ndiro kubva kunyika yeEgipite, metsa kuguma kuneiyi ndau, munondomukira Mambo Mwari.