Jer. 22:16 - Bhaibheri Rakachena muChindau

¹⁶ Wakatonga ndaa dzevarombo nedzevatami, zvino zvakanaka kwaari. Uku andikwopi kundizia here? Unoronza Mambo Mwari.

Jer. 22:16 Iomraidhean Croise

1 MaKro. 28:9

“Neiwewe Soromoni mukororo wangu, zia Mwari wababa ako, umushandire ngomupinimidzo umwe nomwoyo unoda; ngokuti Mambo Mwari unotsvakisisa mwoyo yeshe, nokuzwisisa kupinimidza kwemipinimidzo. Kudai wechizomutsvaka unozooneka ndiwe; asi kudai wechizomusiya, unozokurasha mhera nariini.

Nduyo 109:31

Ngokuti unoema ngokumudyo kwomutami, kumuponesa kubva kuneavo vanotongera mweya wake rufu. Nduyo yaDhavhidha.

Nduyo 36:10

Angirira kuitira nyasha dzako dzinorudo kuneavo vanokuzia, noruponeso rwako kunevakarurama mumwoyo.

Nduyo 9:10

Naavo vanozia zina rako vanozogonda mwouri, ngokuti iwewe, Mambo Mwari, auzi kuvasiya avo vanokutsvaka.

Mazwi 31:9

Beura muromo wako, nasa kutonga, urwire kutongwa kwakarurama kwevarombo nevatami.”

Isa. 1:17

Dzidzai kuita zvakanaka; tsvakai kutonga kwakanaka, detserai avo vanotambudzwa, rwirayi ndaa dzevasina baba, potai ngendaa yeshirikadzi.

Jer. 5:28

Vaita vakakora, vanon'anikira, vanokurira vakawanda, avazii chipimo chemishando yakashata; avatongi ngokururamisa ndaa yenherera, kuti ibudirire, avarwiri maruramiro evarombo.

Jer. 9:16

Ndinozovaparadzira pakati pemadzinza, awo asikazi kuziikanwa kwevari nokuti kumadzibaba avo; ndinozotumira shoti kuvateera metsa ndivapedze.”

Jer. 9:24

Asi iye unodziganzisa ngaadziganzise ngeizvi, kuti unozwisisa nokundizia, kuti ndini Mambo Mwari; ndinoita ngenyasha dzinorudo, kutonga kwakanaka nokururama munyika; ngokuti ndinodakara muneizvi zviro,” unoronza Mambo Mwari.

Jer. 9:3

“Vanokunga rurumi rwavo kudai ngouta kufura manyepo: haiwa ngegwinyiso revanonyisa ndiro munyika. Ngokuti vanobva mukushata kuenda mukushata, navo avandizii,” unoronza Mambo Mwari.

Mik. 6:8

Wakuronzera iwewe, O mukororo womunhu, icho chakanaka; Mambo Mwari unodenyi kwouri, kwega kuita zvakarurama, nokuda nyasha, nokuhamba ngokudzipfaisa naMwari wako?

Johani 16:3

Navo vanozoita izvi ngokuti avazi kumuzia Baba nokuti inini.

Johani 17:3

Uku ndikwo kupona kusikaperi, kuti vamuzie imwimwi, Mwari ega wegwinyiso, naJesu Kristu uwo womwakatuma.

Johani 17:6

“Ndakaita kuti zina renyu riziikanwe kuneavo vanhu vomwakandipa kubva munyika. Vaiya venyu, nemwi mwakavapa kwendiri, navo vakangwarira izwi renyu.

Johani 8:19

Ndizvo vakati kwaari, “Vari pari Baba ako?” Jesu wakapingura, akati, “Imwimwi amundizii nokuti Baba angu; dai mwaindizia, mwaizoziazve Baba angu.”

Titosi 1:16

Vanopupura kuti vanomuzia Mwari, asi ngemishando yavo vanomuramba. Vanonyangadza, avapurutani, vasikadetseri chiro kumishando yeshe yakanaka.

1 Sam. 2:2

Akuna naumwe wakachena kudai ndiMambo Mwari, ngokuti akunazve umweni ngokubanze kwako; akuna buwe naimwe yakadai ndiMwari wedu.