Jer. 21:9 - Bhaibheri Rakachena muChindau

⁹ Uwo unogara mudhorobha iri unozofa ngeshoti, ngenzara, nenhenda; asi iye unozobuda, nokuwira kuvaKharadhea avo vari kumukomberedza, unozopona, unozoita kuti kupona kwake kuitwe mutengo wehondo.

Jer. 21:9 Iomraidhean Croise

Jer. 14:12

Kunyazwi vanoera kudya, andizwi kuchema kwavo; kunyazwi vanopira mudiro wokupisha nomunikero, andizviashiri; asi ndinovapedza ngeshoti, ngenzara nenhenda.”

Jer. 21:7

Mambo Mwari unoti, ‘Ngesure kwazvo ndinozopa Zedhekia mambo waJudha, nevaranda vake, nevanhu vedhorobha iri, avo vakapona nhenda, kushoti nenzara, munyara yaNebhukhadhineza mambo weBhabhuroni, munyara yemagaa avo, munyara yaavo vanotsvaka kuvauraya. Unozovabaya ngokupinza kweshoti; aazovakunguriri, nokuti kuvaponesa, nokuti kuvaitira nyasha.’ ”

Jer. 24:10

Ndinozotumira shoti, nzara nenhenda pakati pavo, metsa vapedzwe kubva kunyika yendakavapa namadzibaba avo.’ ”

Jer. 27:11

Asi kunyazwi ngeriri dzinza rinoisa mutsipa waro pashi pejoka ramambo weBhabhuroni nokumushandira, ndiro ndinozotendera kuti risare munyika yaro, unoronza Mambo Mwari; naro rinozoirima nokugara mweiri.”

Jer. 27:12

Ndakaereketa kunaZedhekia mambo waJudha ngenjira imweyo ndechiti, “Unzai mitsipa yenyu pashi pejoka ramambo weBhabhuroni, mumushandire nevanhu vake kuti mupone.

Jer. 27:13

Ngenyi iwewe navanhu vako mwechisisira kufa ngeshoti, ngenzara, ngenhenda, kudai ngezvaakaereketa Mambo Mwari ngendaa yedzinza risikazoshandiri mambo weBhabhuroni?

Jer. 38:2

“Izvi ndizvo zvinoronza Mambo Mwari: Avo vanogara mudhorobha iri vanozofa ngeshoti, ngenzara, nedenda: asi avo vanobuda kuenda kuvaKharadhea vanozopona; nokupona kwavo kunozoitwa kudai ngechakapambwa kuhondo, navo vanozopona.

Jer. 38:3

Izvi ndizvo zvinoronza Mambo Mwari: ‘Ngechokwadi dhorobha iri rinozopuwa munyara yehondo yamambo weBhabhuroni, nayo inozorinyisa.’ ”

Jer. 39:18

Ngokuti ngegwinyiso ndinozokuponesa, newe auzofi ngeshoti; asi kupona kwako kunozoitwa kudai ngechakapambwa kuhondo, ngokuti wakagonda mwendiri,’ ” unoronza Mambo Mwari.

Jer. 45:5

Newe unotsvaka zviro zvikuru kudziitira here? Usazvitsvaka; ngokuti, ringira, ndinounza kushata padera pevanhu veshe, unoronza Mambo Mwari; asi ndinozokupa kupona kwako kuti kuite kudai ngechiro chakachakatwa muhondo kundau dzeshe dzounoenda.’ ”

Ezek. 5:12

Rupande rumwe rwechitatu rwenyu runozofa ngenhenda nokuti kupedzwa ngenzara pakati penyu; norupande rumweni rwechitatu runozourawa ngokupinza kweshoti kumutendenedza, norumweni rupande rwechitatu ndinozoruparadzira kumadutu eshe, nokurumbirira ngeshoti yakashwamurwa sure kwavo.