Jer. 21:6 - Bhaibheri Rakachena muChindau

⁶ Ndinozochaya vagari veiri dhorobha, zveshe vanhu nemhuka; zvinozofa ngenhenda huru.’

Jer. 21:6 Iomraidhean Croise

Gen. 6:7

Ndizvo Mambo Mwari wakati, “Ndinozoparadza vanhu vendakasika padera penyika, zveshe, vanhu, zvikara, zvinogwezva neshiri dzomumweya; ngokuti zvinondirwadza mwoyo kuti ndakazviita.”

Isa. 6:11

Zvino ndakati, “Mambo Mwari, mukuwo wakadini?” Naye wakati, “Metsa madhorobha aita matongo asina unogaremwo, nemhatso dzisina vanhu, nenyika iite shango yaamho;

Jer. 14:12

Kunyazwi vanoera kudya, andizwi kuchema kwavo; kunyazwi vanopira mudiro wokupisha nomunikero, andizviashiri; asi ndinovapedza ngeshoti, ngenzara nenhenda.”

Jer. 16:4

vanozofa ngenhenda dzinotyisa. Avazochemwi nokuti kuikwa; asi vanozodai ngemadisa padera penyika. Vanozopedzwa ngeshoti nenzara, nemiiri yavo yakafa inozoita kudya kweshiri dzomudenga, nokwezvikara zvomunyika.

Jer. 20:4

Ngokuti izvi ndizvo zvinoronza Mambo Mwari: ‘Ringira, ndinozokuita unodzityisa iwewe pachako nokuvangani vako veshe; navo vanozourawa ngeshoti yemagaa avo, iwewe wakaringira. Neni ndinozopa Judha weshe munyara yamambo weBhabhuroni; unozovatora vari vabatwa kuenda Bhabhuroni, unozovauraya ngeshoti.

Jer. 32:24

Ringira, mirwi yamavhu yakandirwa kutendenedza kurwisa dhorobha, kuti varinyise; nedhorobha raringirana neshoti, nzara nenhenda, naro rapirwa kunyara yevaKharadhea, avo vanorwa naro. Izvo zvowakaereketa zvaitika kudai ngezveungaona iwewe pachako.

Jer. 33:12

Izvi ndizvo zvinoronza Mambo Mwari wehondo: “Mundau iyi yaita matongo isina munhu nokuti mhuka, nomumadhorobha ayo eshe, kunozoapo nemafuro vaushi, vechiita kuti zvifuyo zvavo zvizorore pashi.

Jer. 34:17

Ndizvo izvi ndizvo zvinoronza Mambo Mwari: Amuzi kundipurutana ngokuisa kusunhurwa, umwe ngaumwe kuhama yake nokumungani wake; ringira, ndinozoisa kusunhurwa kwomuri, unoronza Mambo Mwari, kusunhurwa kweshoti, kwedenda, nokwenzara. Ndinozomuita chiro chinotyisa kuumambo hweshe hwenyika.

Jer. 36:29

Newe unozoti kunaJehoiakimu, ‘Mambo Mwari unoronza izvi: Washinga kupisha bhuku iri wechiti, wainyora ngenyi, kuti mambo weBhabhuroni ngegwinyiso unozouya nokuparadza nyika iyi, unozoita kuti iteme munhu nemhuka?’

Jer. 42:22

Nasai kuzia zvino kuti munozofa ngeshoti, ngenzara, ngedenda, kundau iyo yomunoda kuenda.”

Jer. 7:20

Ndizvo izvi zvinoronza Mambo Mwari, Mwari kuti, “Ringirirai, kunyangadzwa kwangu noushungu hwangu zvinozodururwa padera peiyi ndau, padera pevanhu nepadera pemhuka, padera pemiti yomushango napadera pemichero yemavhu; hunozobaka, auzodzimwi.”

Ezek. 12:16

Asi ndinozoita kuti vashomani vavo vapokonyoke kubva kushoti, kubva kunzara, nokunhenda, kuti vazoronza kunyangadza kwavo kweshe pakati pemadzinza kweshe kwevanoenda; zvino vanozozia kuti inini ndini Mambo Mwari.”

Ezek. 14:13

“Mukororo womunhu, apo nyika yechishaisha kwendiri ngokusikagondeka kukurutu, neni ndinozotambanudza nyara yangu kurwa nayo, ndigure mudondoro wechingwa chayo, ndiunze nzara padera payo, nokuuraya vanhu nemhuka kubva kweiri,

Ezek. 14:17

“Nokuti kudai ndechiunza shoti padera penyika iyo ndechiti, ‘Shoti ngaihambe kupinda ngomunyika;’ nokuuraya vanhu nemhuka kubva kweiri,

Ezek. 14:19

Nokuti kudai ndechitumira nhenda munyikemwo, nokudurura ushungu hwangu padera payo ngokuparadza ngazi, ngokuuraya kubva kweiri vanhu nemhuka,

Ezek. 14:21

“Ngokuti izvi ndizvo zvinoronza Mambo Mwari: Kunozopinda kwakaitawani kukura apo ndinozotumira kuita kwangu kunouraya kwokutonga kwangu kurongomuna kunotyisa padera peJerusarema, shoti, nzara, zvikara zvinotyisa, nenhenda, kuuraya kubva kweiri vanhu nemhuka!

Ezek. 33:27

“Ronza izvi kwevari, uti, ‘Izvi ndizvo zvinoronza Mambo Mwari, Mwari: Kudai ngezvendinopona, ngegwinyiso avo vari mundau dzakaparadzwa vanozowa ngeshoti, naavo vari murubaya, ndinozovapira kuti vadyiwe ngezvikara, naavo vari mumakamba nomumapako vanozofa ngenhenda.

Ezek. 33:29

Zvino vanozozia kuti inini ndini Mambo Mwari, apo pendinozoita matongo ngendaa yezvinyangadzo zvavo zveshe zvevakaita.’

Ezek. 7:15

“Shoti iri kubanze, nhenda nenzara zviri ngomukati; nouwo uri mushango unozofa ngeshoti; nouwo uri mudhorobha, nzara nenhenda zvinomupedza.

Hos. 4:3

Ndizvo nyika inozobonda, navo veshe vanogaramwo vanozopera simba, pamwepo nemhuka dzomushango neshiri dzomudenga; kunyazwi nehove dzoruandhle dzinopera.

Mik. 3:12

Ndizvo ngendaa yenyu Zioni rinozorimwa kudai ngomunda, neJerusarema rinozoita mirwi yematongo, nomutunhu wetemperi kudai ngendau dzakakwirira dzegwasha.

Zef. 1:3

“Ndinozotsvaira kupedza vanhu nezvikara; ndinozotsvaira kupedza shiri dzomudenga nehove dzomuruandhle. Ndinozoita kuti vakashata vapumhunwe; ndinozogura vanhu kubva kuhope yenyika,” unoronza Mambo Mwari.

Ruka 21:24

vanozowa ngokupinza kweshoti, vanozokweiwa kuita hloko kumadzinza eshe; neJerusarema rinozotsikwatsikwa pashi ngevemadzinza, metsa nguva yevemadzinza yazadzisika.