Jer. 21:5 - Bhaibheri Rakachena muChindau

⁵ Inini pachangu ndinozorwa nemwi, ngenyara yakatambanudzwa nomuoko unesimba, muushungu mukunyangadzwa, nomuushungu hukurutu.

Jer. 21:5 Iomraidhean Croise

EKISEDHUSI 6:6

Ndizvo ronzai kune vana vaIsuraeri, kuti, ‘Ndini Mambo Mwari, ndinozomubudisa kubva pashi pemitwaro yevaEgipite, ndinozomusunhura kubva muuhloko hwavo, ndinozomuripira ngomuoko wakatambanudzwa nezvitongero zvikuru.

EKISEDHUSI 9:15

Ngokuti zvino ndingadai ndatotambanudza nyara yangu, ndikakuchaya iwewe nevanhu vako ngenhenda, newe waizodai wagurwa kubva panyika.

Isa. 10:4

Apana chiro chinosara asi vanozokotama pashi pakati pemabhanditi, nokuti kuwira pashi pakati pevaurawa. Ngeizvi zveshe ushungu hwake ahuzi kupetuka, asi nyara yake ichakatambanudzwa nazvinopano.

Isa. 5:25

Ndizvo ushungu hwaMambo Mwari hunobaswa kuvanhu vake, naye unotambanudza nyara yake kwevari kuvachaya; mitunhu inozungunyika, nemiiri yaavo yakafa inoita kudai ngemarara mukati mwemapato. Ngeizvi zveshe ushungu hwake ahuzi kupera, nenyara yake ichakatambanudzwa nazvino.

Isa. 63:10

Asi vakamumukira, vakatsenesa Mweya wake Wakachena; ndizvo wakavapandukira kuita gaa ravo, iye pachake wakarwisana navo.

Isa. 9:12

vaAramu ngokumabvazuva, vaFiristia ngokumabirirazuva, navo vamedza Isuraeri ngomuromo wakashama. Ngeizvi zveshe ushungu hwake ahuzi kupetuka, asi nyara yake ichakatambanudzwa nazvinopano.

Isa. 9:17

Ndiyo ndaa Mambo Mwari aazodakariri majaha avo, aazokunguririzve nherera neshirikadzi; ngokuti veshe vasikadi Mwari nevaiti vezvakashata, nemiromo yeshe inoereketa upenzi. Ngeizvi zveshe ushungu hwake ahuzi kupetuka, asi nyara yake ichakatambanudzwa nazvinopano.

Isa. 9:21

Manase unodya Efuremu, Efuremu unodya Manase, navo pamwepo vanorwisa Judha. Ngeizvi zveshe ushungu hwake ahuzi kupetuka, asi nyara yake ichakatambanudzwa nazvinopano.

Jer. 32:17

“A Mambo Mwari! Ndiwe wakaita denga nenyika ngesimba rako guru, ngomuoko wako wakatambanudzwa. Akuna chakanyanya kukonza kwouri.

Jer. 32:37

Ringira, ndinozovaunganidza kubva kunyika dzeshe dzendakavadzingira mukutseneka kwangu nomuushungu hwangu nomukushishwa kwangu kunotyisa; ndinozovaunzazve kuiyi ndau, nokuita kuti vagare vakangwaririka.

Jer. 36:7

Pamweni vanozouya koopota kunaMambo Mwari nokutenderuka, umwe ngaumwe kubva kunjira yake yakashata, ngokuti kutseneka noushungu hwakashata zvaakaronza Mambo Mwari kunevanhu ava zvikuru.”

Jer. 37:10

Kunyazwi mukanyisa hondo yeshe yevaKharadhea, iyo inorwa nemwi, apo panozosara vamweni vavo vakaremadzwa mumatende avo, vanozomiruka umwe ngaumwe kubva kutende rake, nokupisha dhorobha iri ngomuriro.”

Jer. 6:12

Mhatso dzavo dzinozopuwa kunevamweni, minda yavo nevakadzi vavo pamwepo; ngokuti ndinozotambanudza nyara yangu padera pevanogara munyika,” unoronza Mambo Mwari.

Chi. 2:3

Wagura runyanga rwaIsuraeri muushungu hunotyisa; wakapfinyisa nyara yake yokumudyo kubva kwevari pamberi pemagaa; wapisha munaJakobe kudai ngomuriro unemirazvu, uwo unopisha zveshe zvakatendenedza.

Ezek. 39:3

Ndinozochaya uta wako kubva munyara yako yokumuoshwe, ndiite kuti misee yako iwe pashi kubva munyara yako yokumudyo.

Ezek. 5:8

izvi ndizvo zvinoronza Mambo Mwari, Mwari: Ringira, inini, inini pachangu ndinouya kurwa nemwi, neni ndinozotonga pakati penyu mukuona kwemadzinza.

Dhuto. 4:23

Ndizvo ngwarai kuti musazoriyarwa chitenderano chaMambo Mwari, Mwari wenyu, chaakaita kwomuri, nokudziitira muedzaniso wakatsetswa nokuti mutodzaniso nokuti ngowechiri chiro chaakamurambidza Mambo Mwari, Mwari wenyu.

Dhuto. 4:34

Nokuti mwari umweni wakamboedza kuenda nokudzitorera pachake dzinza rimweni, kubva pakati pedzinza rimweni, ngezviedzo, ngezvioniso neminana, ngokurwa, ngenyara inesimba nomuoko wakatambanudzwa, ngezvioniso zvesimba rinotyisa, kudai ngeizvo zveshe zvaakamuitira Mambo Mwari, Mwari wenyu, muEgipite, pamberi pokuona kwenyu?