Jer. 21:4 - Bhaibheri Rakachena muChindau

⁴ ‘Izvi ndizvo zvinoronza Mambo Mwari, Mwari waIsuraeri: Ringira ndinozopetudza ndonga dzokurwa ndidzo hondo, dziri munyara dzenyu, dzomunoshandisa kurwa ndidzo namambo weBhabhuroni, nokurwisa vaKharadhea vanomukomba ngokubanze kworusvingo, neni ndinozovaunganidza pakati pedhorobha iri.

Jer. 21:4 Iomraidhean Croise

Isa. 10:4

Apana chiro chinosara asi vanozokotama pashi pakati pemabhanditi, nokuti kuwira pashi pakati pevaurawa. Ngeizvi zveshe ushungu hwake ahuzi kupetuka, asi nyara yake ichakatambanudzwa nazvinopano.

Isa. 13:4

Purutanai, bope rechiunga riri pamitunhu, rakadai ngerevanhu vazhinji! Purutanai bope renyongano youmambo hwemadzinza akaungana pamwepo! Mambo Mwari wehondo unounganidza hondo yokurwa.

Isa. 5:5

Zvino izwai, ndinozomuronzera chendinozoita kumunda wangu wemivhini. Ndinozodusa rushosha rwawo, nawo uzodyiwa; ndinozoputsa rukumbati rwawo, nawo unozotsikwatsikwa pashi.

Jer. 20:4

Ngokuti izvi ndizvo zvinoronza Mambo Mwari: ‘Ringira, ndinozokuita unodzityisa iwewe pachako nokuvangani vako veshe; navo vanozourawa ngeshoti yemagaa avo, iwewe wakaringira. Neni ndinozopa Judha weshe munyara yamambo weBhabhuroni; unozovatora vari vabatwa kuenda Bhabhuroni, unozovauraya ngeshoti.

Jer. 21:3

Zvino Jeremia wakati kwevari, “Izvi ndizvo zvomunozoronza kunaZedhekia:

Jer. 32:24

Ringira, mirwi yamavhu yakandirwa kutendenedza kurwisa dhorobha, kuti varinyise; nedhorobha raringirana neshoti, nzara nenhenda, naro rapirwa kunyara yevaKharadhea, avo vanorwa naro. Izvo zvowakaereketa zvaitika kudai ngezveungaona iwewe pachako.

Jer. 32:3

apo Zedhekia mambo waJudha paaiya amukonyera. Zedhekia waiya ati, “Unoprofeterenyi wechiti, ‘Izvi ndizvo zvinoronza Mambo Mwari Mwari: Ringira, ndinozopa iri dhorobha munyara yamambo weBhabhuroni, naye unozoritora.

Jer. 32:5

naye unozotora Zedhekia kuenda Bhabhuroni, unozogara apo metsa ndamuhambira, unoronza Mambo Mwari. Kunyazwi wechirwisana nevaKharadhea amuzobudiriri?’ ”

Jer. 33:5

VaKharadhea vanouya koorwa nokuazadza ngemiiri yakafa, yeavo vendichauraya mukutseneka kwangu nomuushungu hwangu, ngokuti ndafisha hope yangu kubva kudhorobha iri, ngendaa yokushata kwavo kweshe.

Jer. 35:17

“Ndizvo izvi zvinoronza Mambo Mwari, Mwari wehondo, Mwari waIsuraeri: Ringirai, ndinozounza padera paJudha, nepadera paavo veshe vagari veJerusarema kushata kweshe kwendakaronza kwevari; ngokuti ndakaereketa kwevari, navo avazi kupurutana, ndakadaidza kwevari, navo avazi kupingura.”

Jer. 39:3

vatongi veshe vamambo weBhabhuroni vakapotera, vakagara pamusiwo uri pakati: Negarisharezeri, Samugarinebho, Sarisekhimu muRabhisarisi, Negarisharezeri muRabhimagi, nevamweni veshe vevatongi vamambo weBhabhuroni.

Jer. 52:18

Vakatora kuenda nazvo hari, mafoshoro, zvigero zvezvibani, ndiro huru, zvipunu zvikuru, nezvidziyo zvethusi zveshe zvaishandiswa mumhatso yaMambo Mwari.

Chi. 2:3

Wagura runyanga rwaIsuraeri muushungu hunotyisa; wakapfinyisa nyara yake yokumudyo kubva kwevari pamberi pemagaa; wapisha munaJakobe kudai ngomuriro unemirazvu, uwo unopisha zveshe zvakatendenedza.

Chi. 2:5

Mambo Mwari waita kudai ngegaa; waparadza Isuraeri, waparadza ngome dzake dzeshe, wapwanya kuita matongo marukumbati ake, akawanza kubonda nechiriro mumwanasikana waJudha.

Chi. 2:7

Mambo Mwari waramba arita rake, akanyenya ndau yake yakachena; wapira munyara dzemagaa marukumbati engome dzaro; vaita bope mumhatso yaMambo Mwari, kudai ngezuva redhiri rakaemeswa.

Ezek. 39:3

Ndinozochaya uta wako kubva munyara yako yokumuoshwe, ndiite kuti misee yako iwe pashi kubva munyara yako yokumudyo.

Hos. 9:12

Kunyazwi vanozorera vana vavo, asi ndinozoita kuti vafirwe, kuti pasazosara naumwe. Ihehe kwevari yaamho apo pendinobva kwavari!

Zek. 14:2

Ngokuti ndinozounganidza madzinza eshe kurwisa Jerusarema kuhondo; nedhorobha rinozotorwa, mhatso dzinozochakatwa, nevakadzi vanozobhinywa; norupande rwedhorobha runozoenda muuhloko, asi vakasara vevanhu avazourawi kubva mudhorobha.

Mateu 22:7

Naapo mambo azwa izvi wakatseneka, naye wakatuma hondo dzake, akavauraya avo vaurayi, akapisha dhorobha ravo.