Jer. 21:2 - Bhaibheri Rakachena muChindau

² “Tibvunzirei kunaMambo Mwari, ndapota; ngokuti mambo Nebhukhadhineza weBhabhuroni unoita hondo nesu; pamweni Mambo Mwari ungatiitira mushando unoshamisa, kudai ngezvaanosiita, naye ungazomuita kuti apetuke kubva kwetiri.”

Jer. 21:2 Iomraidhean Croise

Gen. 10:10

Nokuamba kwoumambo hwake hwakaambira paBhabheri, Erekhi, Akadhi naKharine munyika yeShina.

2 Madzi. 1:3

Asi ngirosi yaMambo Mwari yakati kunaErija muThishibhe, “Miruka ukwire, ushongane nenhumwa dzamambo weSamaria, uti kwedziri, ‘Ngokuti akuna Mwari muIsuraeri here, hemwoenda koobvunza kunaBhaarizebhubhi chimwari chevaEkironi?’

2 Madzi. 17:24

Mambo waAsiria wakaunza vanhu kubva Bhabhuroni, Khutha, Avha, Hamathi neSefarvhaimu, nokuvaisa mumadhorobha eSamaria, pandau yevana vaIsuraeri; vakatora Samaria rikaita ravo, vakagara mumadhorobha aro.

2 MaKro. 32:21

Mambo Mwari wakatuma ngirosi iyo yakauraya ngwazi dzeshe dzakashinga, vatungamiriri nenduna dzaiya mukamba yamambo weAsiria. Ndizvo wakahwirira kunyika yake echitsveruka. Naapo akaguma mumhatso yechimwari chake, vamweni vevana vakabarwa ndiye vakamuurayapo ngeshoti.

EKISEDHUSI 9:28

Kumbira kunaMambo Mwari! Ngokuti zvakwana uku kutinhira ngesimba nematsanza; neni ndinozomutendera kuti muende, amuchazogari.”

Isa. 48:2

Ngokuti vanodzidaidza pachavo kuita vagari vedhorobha rakachena, nokudzigwinyisa ndiMwari waIsuraeri; Mambo Mwari wehondo ndiro zina rake.

Jer. 15:11

Mambo Mwari wakati, “Chokwadi ndapindira kukugwinyisa mukupona kwako, kuti uite zvakanaka; ngegwinyiso ndapanga magaa padera pako ngomukuwo wezvakashata, nomukuwo wokutambudzika.

Jer. 21:3

Zvino Jeremia wakati kwevari, “Izvi ndizvo zvomunozoronza kunaZedhekia:

Jer. 32:17

“A Mambo Mwari! Ndiwe wakaita denga nenyika ngesimba rako guru, ngomuoko wako wakatambanudzwa. Akuna chakanyanya kukonza kwouri.

Jer. 32:24

Ringira, mirwi yamavhu yakandirwa kutendenedza kurwisa dhorobha, kuti varinyise; nedhorobha raringirana neshoti, nzara nenhenda, naro rapirwa kunyara yevaKharadhea, avo vanorwa naro. Izvo zvowakaereketa zvaitika kudai ngezveungaona iwewe pachako.

Jer. 34:1

Izwi rakauya kunaJeremia kubva kunaMambo Mwari, apo Nebhukhadhineza mambo weBhabhuroni, nehondo yake yeshe, noumambo hweshe hwenyika nevanhu veshe pashi poumambo hwake, vairwisana neJerusarema namadhorobha aro eshe.

Jer. 37:17

Zvino Zedhekia mambo wakatumira izwi kuti abudiswe nokumuashira. Mambo wakamubvunza ngokufishika mumhatso echiti, “Riripo here izwi rabva kunaMambo Mwari?” Jeremia wakati, “Riripo.” Zvino wakati, “Unozopirwa munyara yamambo weBhabhuroni.”

Jer. 37:3

Zedhekia mambo wakatuma Jehukari mukororo waSheremia, nomupristi Zefania mukororo waMaaseia, kunaJeremia muprofeti echiti, “Tapota tikumbirire kunaMambo Mwari, Mwari wedu.”

Jer. 37:7

“Izvi ndizvo zvinoronza Mambo Mwari, Mwari waIsuraeri: Izvi ndizvo zvomunozoronza imwimwi vairi kuna mambo waJudha uwo wakamutuma kwendiri kundibvunza; ringirai, hondo yaFaro iyo yakabuda kumudetsera inozopetuka kunyika yayo Egipite.

Ezek. 7:26

Kutambudzika kunozouya padera pokutambudzika, guhwa rinozoteera sure kweguhwa; vanozoramba vechitsvaka chioniso kubva kumuprofeti; dzidziso dzinozopera kubva kumupristi nokupangwa kubva kuvasharuka.

Vato. 20:27

NevaIsuraeri vakabvunza kunaMambo Mwari, (ngokuti bhokisi rechitenderano chaMwari raiyapo ngaawo mazuva.

1 Sam. 10:22

Ndizvo vakabvunzazve kunaMambo Mwari vechiti, “Munhu uyu wauya pano here?” NaMambo Mwari wakapingura, “Ringira, unodzifisha munhunduru.”

1 Sam. 28:15

Zvino Samueri wakati kunaSauri, “Wandinesa ngenyi ngokundimusa?” Sauri wakapingura, akati, “Ndinotambudzwa kakurutu, ngokuti vaFiristia vanorwa neni, naMwari wakabva kwendiri, aachandipinguri, haiwa ngokuprofeta, nokuti ngokurota; ndizvo ndakudaidza kuti undironzere icho chendinozoita.”

1 Sam. 28:6

Naapo Sauri wakabvunza kunaMambo Mwari, Mambo Mwari aazi kumupingura, haiwa ngokurota, nokuti ngoUrimu, nokuti ngevaprofeti.