Jer. 21:12 - Bhaibheri Rakachena muChindau

¹² O mhatso yaDhavhidha. Izvi ndizvo zvinoronza Mambo Mwari: Tongai kutonga kwakanaka mangwanani, mumusunhure kubva kunyara yomutambudzi weshe wakabirwa, kuti ushungu hwangu husabuda kudai ngomuriro nokupisha, pasina naumwe ungaudzima, ngendaa yokushata kwezviito zvenyu.

Jer. 21:12 Iomraidhean Croise

2 Sam. 8:15

Ndizvo Dhavhidha wakatonga vaIsuraeri veshe; naDhavhidha wakaemesa kutonga kwakwo kwakarurama kuvanhu vake veshe.

Jobe 29:17

Ndakagura mazino evakashata, ndikaita kuti varige pashi zvavauraya kubva pamazino avo.

Nduyo 101:8

Mangwanani eshe ndinozoparadza veshe vakashata munyika, kuti ndipedze veshe vashandi vezvakashata kubva mudhorobha raMambo Mwari. Mukumbiro womunhu waremba ngemadambudziko, uwo unodurura kuchema kwake kunaMambo Mwari.

EKISEDHUSI 18:13

Zuva remangwani Mosi wakagara kutonga vanhu; nevanhu vakaema vakatendenedza Mosi kubvira mangwanani metsa madeekoni.

Isa. 1:17

Dzidzai kuita zvakanaka; tsvakai kutonga kwakanaka, detserai avo vanotambudzwa, rwirayi ndaa dzevasina baba, potai ngendaa yeshirikadzi.

Isa. 1:31

Wakagwinya unozodai ngemwenje wakaoma, nomushando wake unozodai ngetsatsi; iye nemishando yake zvinozobaka pamwepo, akuna unozozvidzima.

Isa. 7:13

Zvino Isaya wakati, “Izwai zvino, O mhatso yaDhavhidha! Chakanyanya kuita chiro chidoko here kwomuri kurembesa vanhu, kuti murembesewo Mwari wangu?

Isa. 7:2

Naapo mhatso yaDhavhidha yazwa kuti Aramu inobatana naEfuremu, mwoyo waAhazi wakazungunyiswa, pamwepo nomwoyo yevanhu vake, kudai ngemiti yegwasha inozungunyiswa ngedutu.

Jer. 17:4

Ngendaa yokuita kwako unozotorerwa nhaka yako yendakakupa; ndinozoita kuti ushandire magaa ako munyika yousikazii; ngokuti muushungu hwangu wakabaka muriro uwo unozobaka mhera nariini.

Jer. 21:5

Inini pachangu ndinozorwa nemwi, ngenyara yakatambanudzwa nomuoko unesimba, muushungu mukunyangadzwa, nomuushungu hukurutu.

Jer. 23:19

Ringira, dutu raMambo Mwari! Rinoushungu, rabuda, chamupupuri chinovhuvhuta; chinozoputika padera pevakashata.

Jer. 23:2

Izvi ndizvo zvinoronza Mambo Mwari, Mwari waIsuraeri, ngendaa yevaushi vanousha vanhu vangu, “Ndimwi mwakaparadza zvifuyo zvangu nokuzvidzinga; amuzi kuzviringira. Ndizvo ndinozoringira padera penyu ngendaa yokushata kwezviito zvenyu,” unoronza Mambo Mwari.

Jer. 23:5

“Ringira, mazuva anouya chokwadi,” unoronza Mambo Mwari, “Apo ndinozomirudzira Dhavhidha Dai rakarurama, naye unozotonga paumambo ngokungwara; unozotonga ngokutonga kwakanaka, nokuita zvakarurama munyika.

Jer. 36:7

Pamweni vanozouya koopota kunaMambo Mwari nokutenderuka, umwe ngaumwe kubva kunjira yake yakashata, ngokuti kutseneka noushungu hwakashata zvaakaronza Mambo Mwari kunevanhu ava zvikuru.”

Jer. 4:4

Dzichekerenyi pachenyu kunaMambo Mwari, muduse ganda romwoyo yenyu, O vanhu vaJudha nevagari vomuJerusarema, nokuti ushungu hwangu hungabuda kudai ngomuriro, unopisha pasina naumwe ungaudzima ngendaa yezvakashata zvomunoita.”

Jer. 44:22

Naapo Mambo Mwari asikachakoni kuringira kushata kwezviito zvenyu, zvinyangadzo zvemwakaita; ndizvo nyika yenyu yakaita dongo nokuparadzwa neyakatukwa, isina unogaramwo, kudai ngezveyakaita nyamashi.

Jer. 5:14

Ndizvo izvi zvinoronza Mambo Mwari wehondo, “Ngokuti vaereketa iri izwi, ringira, ndinoita zvino kuti mazwi angu ari mumuromo wako aite kudai ngomuriro, nevanhu ava kuti vadai ngehuni nomuriro unozovapisha.”

Jer. 5:28

Vaita vakakora, vanon'anikira, vanokurira vakawanda, avazii chipimo chemishando yakashata; avatongi ngokururamisa ndaa yenherera, kuti ibudirire, avarwiri maruramiro evarombo.

Jer. 7:20

Ndizvo izvi zvinoronza Mambo Mwari, Mwari kuti, “Ringirirai, kunyangadzwa kwangu noushungu hwangu zvinozodururwa padera peiyi ndau, padera pevanhu nepadera pemhuka, padera pemiti yomushango napadera pemichero yemavhu; hunozobaka, auzodzimwi.”

Jer. 7:5

Ngokuti kudai mwechinasira yaamho njira dzenyu nezviito zvenyu, ngegwinyiso kudai mwechiitirana zvakanaka umwe kuneumweni,

Chi. 4:11

Mambo Mwari wakapedza mushando woushungu hwake; wakadurura ushungu hwake hunotyisa, akabasira muriro muZioni, uwo wakapedza matsikiro aro.

Ezek. 22:31

Ndizvo ndadurura ushungu hwangu padera pavo, ndavapedza ngomuriro woushungu hwangu; ndaunzidzira padera pemasoro avo kudai ngezviito zvenjira dzavo,” unoronza Mambo Mwari, Mwari.

Revhi 26:28

ndinozotsvatsvanazve nemwi ngoushungu; ndinozomurova kanomwe kakahwirinzirwa ngendaa yezvishaishi zvenyu.

Nah. 1:6

Ndiani ungakona kuema pamberi poushungu hwake? Ndiani ungakona kugara mukupisha kwoushungu hwake? Ushungu hwake hunodururwa kudai ngomuriro, nokubudikidza ndiye mapuwe anopwanyika kuita zvigurwa.

Zef. 1:18

Sirivha yavo nokuti mukore wavo zvinozotama simba rokuvanunurira ngezuva roushungu hwaMambo Mwari; nyika yeshe inozopedzwa ngomuriro wendurumwa yake; ngokuti unozopedza yaamho, magumo anotyisa eavo veshe vagari vomunyika.

Zef. 3:5

Mambo Mwari uri mukati mwayo wakarurama; aaiti zvakashata. Mangwanani eshe unoita kutonga kwake mambakwedza, amwe ngaamwe aakoreri akadi; asi vasikazi kururama avazii kutsveruka.

Ruka 1:69

naye wakatimirudzira runyanga rworuponeso mumhatso yomuranda wake Dhavhidha,

Varoma 13:4

ngokuti iye muranda waMwari kwouri unokuitira zvakanaka. Asi kudai wechiita zvakashata, wechitya, ngokuti iye aateri kutwara shoti pasina chiro! Ngokuti muranda waMwari muunzidziri woushungu kunouwo unoita zvakashata.

Dhuto. 32:22

Ngokuti muriro wabaswa muushungu hwangu, unozobaka metsa ugume kuSheori riri pashi; unozopedza nyika nezviro zvayo, unozopisha zvitsimiso zvemitunhu.