Jer. 20:7 - Bhaibheri Rakachena muChindau

⁷ O Mambo Mwari, wandichengedzera, neni ndakachengedzerwa; iwewe wakagwinya kupinda inini, ukandinyisa. Ndinoshekwa mazuva eshe; veshe vanondiitira jee.

Jer. 20:7 Iomraidhean Croise

2 Madzi. 2:23

Wakakwira kubvapo kuenda Bhetheri; naapo achakwira ngenjira iyo, kwakabuda mudhorobha zvirumbwana zvimweni zvidoko, zvakamusheka zvechiti, “Hamba, nyamhanza! Hamba, nyamhanza!”

Jobe 12:4

Ini ndiri chishekedzo kuvangani vangu; inini, uwo unodaidza kunaMwari, naye unondipingura, munhu wakarurama newakanaka ndiri chishekedzo.

Jobe 30:9

Nazvino vanoemba ngoma kundiitira jee; ndiri chinai chavo.

Nduyo 119:51

Vanodzikudza vanondisheka kakurutu, asi andipauki kubva kumupango wako.

Isa. 8:11

Ngokuti Mambo Mwari wakaereketa kudaro kwendiri apo nyara yake inesimba yaiya padera pangu, akandidzidzisa kuti ndisazohamba munjira mwevanhu ava echiti,

Jer. 15:10

Ihehe kwendiri, mai angu, mwakandibara kuita munhu wokuambana nokuita hasha munyika yeshe! Andizi kumbokweretesa munhu kuti ndiuyirwe, nevanhu avazi kundikweretesa kuti vauyirwe; asi veshe vanondituka.

Jer. 15:18

Kurwadziwa kwangu kunoangira ngenyi, bonje rangu aripori, rinoramba kuporeswa? Ngegwinyiso iwewe wakadai ngechinyuka chokunyepera, nokudai ngemvura inopwa?”

Jer. 17:16

Asi inini andizi kutiza kubva mukuita muushi mumushando wako, nokuti kuemurira zuva rokutambudzika. Iwewe unozia izvo zvakabuda kubva pamiromo yangu, zvaiya pamberi pehope yako.

Jer. 20:9

Kuti ndikati, “Andichazoereketi ndiye, nokuti kuereketa ngezina rake mhera nariini,” zvino mukati mwangu chirimwo chinopisha kudai ngomuriro unobaka, wakakonyerwa mumagodo angu, neni ndaremba ngokushingirira, ndakorera.

Jer. 29:26

‘Mambo Mwari emene wakakuita mupristi pandau yeJehoiadha mupristi, kuitira kuti uite mutongi mumhatso yaMambo Mwari, kuti uise mutirongo nomumanguri munhu weshe unopenga, echidziita muprofeti.

Jer. 38:19

Mambo Zedhekia wakati kunaJeremia, “Ndinotya vaJudha avo vakadzipira kuvaKharadhea, kuti vanozondipira munyara dzavo, navo vanozondiitira zvakashata.”

Chi. 3:14

Ndaizwa chishekedzo kuvanhu vangu veshe, nokuizwa ruyo rwavo zuva reshe.

Ezek. 3:14

Mweya wakandimirudza padera, ukanditwara, ukaenda neni ndakanyangadzwa; ndakaenda ndiri mukupisha mumweya wangu, nyara yaMambo Mwari yaiya nesimba padera pangu.

Hos. 9:7

Mazuva okuororwa aguma, mazuva okuunzidzirwa aguma; Isuraeri unochema, “Muprofeti raabenzi, munhu womweya wapenga!” Ngendaa youwandu hwokushata kwako, kunyenya kwako kwakura.

Jona 4:2

Wakakumbira kunaMambo Mwari, akati, “Ndapota, O Mambo Mwari! Izvi andizvopi here zvendakaereketa, apo pendaiya munyika mwangu? Ndizvo zvakaita kuti nditizire Tharshishi kutanga; ngokuti ndakazia kuti uri Mwari unenyasha, wakazara ngokukungurira, unononoka kunyangadzwa, unowanza nyasha dzinorudo, unokunukuka kubva mukuorora.

Mik. 3:8

Asi ndini ndakazara ngesimba noMweya waMambo Mwari, nokutonga kwakanaka nokugwinya, kuziisa kunaJakobe kupauka kwake, nokunaIsuraeri kushaisha kwake.

Ruka 16:14

VaFarisi, avo vaida mare, vakazwa zveshe izvi, navo vakamusvereredza.

Ruka 23:11

NaHerodhi pamwepo namajoni ake vakamubata ngenjira inotsverudza, akamuitira jee, vakamupfekisa zvokusimira zvinon'anikira, akamutumirazve kunaPiratu.

Zvak. 17:18

Nevamweni vakangwara vevaEpikurio nevaStoiki, vaida ungwaru, vakashongana naye. Vamweni vakati, “Uyu muereketi wezvisina shwiro unotinyi?” Vamweni vakati, “Wakadai ngomuchumairi wezvimwari zvipara.” Ngokuti iye wakachumaira kwavari ndiJesu nokumuka kwevakafa.

Zvak. 17:32

Naapo vazwa ngokumuka kubva kwevakafa, vamweni vakaita jee; asi vamweni vakati, “Tinozokuzwazve ngeiyi ndaa.”

1 VaK. 9:6

Nokuti inini ndega naBhanabhasi, atitenderwi here kurekera kudzishandira?

Vahebheru 11:36

Vamweni vakaedzwa ngokuitirwe jee nokushwapurwa, kunyazwi vakasungwa ngemaketani nokukonyerwa mutirongo.