Jer. 20:6 - Bhaibheri Rakachena muChindau

⁶ Newe Phashuri, navo veshe vanogara mumhatso mwako, munozoenda muubatwa, nemwi munozoguma Bhabhuroni; naapo munozofa, nokuikwa apo, iwewe nehama dzako dzeshe, idzo dzewaprofetera manyepo.’ ”

Jer. 20:6 Iomraidhean Croise

Isa. 9:15

Musharuka nounoremeredzwa ndiye soro, muprofeti unodzidzisa manyepo ndiye muswe.

Jer. 14:13

Zvino ndakati, “A Mambo Mwari, Mwari! Ringira, vaprofeti vanoti kwevari, ‘Amuzooni shoti, nokuti nzara; asi ndinozomupa kunyarara kwegwinyiso kundau iyi.’ ”

Jer. 14:16

Nevanhu vevanoprofetera kwevari vanozokandirwa mumapato eJerusarema ngendaa yenzara neshoti. Akuzoapo naumwe kuvatsira, ivo pachavo, vakadzi vavo, vakororo vavo, nevanasikana vavo. Ngokuti ndinozodururira padera pavo kushata kwavo.”

Jer. 20:1

Zvino Phashuri mupristi, mukororo waIma, uwo waiya nduna huru mumhatso yaMambo Mwari, wakazwa Jeremia echiprofeta izvi zviro.

Jer. 20:4

Ngokuti izvi ndizvo zvinoronza Mambo Mwari: ‘Ringira, ndinozokuita unodzityisa iwewe pachako nokuvangani vako veshe; navo vanozourawa ngeshoti yemagaa avo, iwewe wakaringira. Neni ndinozopa Judha weshe munyara yamambo weBhabhuroni; unozovatora vari vabatwa kuenda Bhabhuroni, unozovauraya ngeshoti.

Jer. 23:32

‘Ringirai, ndinorwisana navo vanoprofeta hope dzokunyepa,’ unoronza Mambo Mwari, nokudzironza, nokuita kuti vanhu vangu vapauke ngemanyepo avo nezvisina shwiro, apo ndisikazi kuvatuma, nokuti kuvapanga kudaro; ndizvo avazodetseri vanhu ava nepadoko, unoronza Mambo Mwari.”

Jer. 29:32

ndizvo izvi ndizvo zvinoronza Mambo Mwari: Ringira, ndinozoorora Shemaia muNeheramu, nevorudzi rwake; aazowipo munhu wokugara pakati peava vanhu; aazooni zvakanaka zvendinozoitira vanhu vangu,’ unoronza Mambo Mwari, ‘Ngokuti wakaereketa kumukira Mambo Mwari.’ ”

Jer. 5:31

Vaprofeti vanoprofeta manyepo nevapristi vanotonga vechipangwa ngevaprofeti; navanhu vangu vanoda kuti zvidaro; asi munozoitenyi kumagumo azvo?”

Chi. 2:14

Vaprofeti vako vakuonera zvioniso zvokunyepa nezvinopaukisa zvisina shwiro nezvoupenzi; avazi kubudisa kushaisha kwako, kuti vabvise uhloko hwako; asi vakuonera zvioniso zvokunyepa nezvokupaukisa.

Ezek. 22:28

Vaprofeti varo vakavasetera ngemasuko asikagwinyi, vechiona zvioniso zvisina shwiro; vanofembera manyepo kwevari vechiti, ‘Izvi ndizvo zvinoronza Mambo Mwari, Mwari,’ apo Mambo Mwari asikazi kuzviereketa.

Revhi 26:17

Ndinozoemesa hope yangu kurwa nemwi, munozourawa pamberi pemagaa enyu; avo vanomunyenya ndivo vanozotonga padera penyu, nemwi munozotiza pasina unomurumbirira.

Mik. 2:11

Kudai munhu aizohambahamba echiereketa manyepo asina shwiro echiti, “Ndinozochumaira kwomuri ngevhini nezvokumwa zvinoradzisa;” ndiye unozoita muchumairi wevanhu ava.

Zek. 13:3

Nokudai echizobudazve muprofeti, baba ake namai ake avo vakamubereka vanozoti kwaari, ‘Auzoponi akadi; ngokuti unoereketa manyepo ngezina raMambo Mwari.’ Vabereki vake avo vakamubereka vanozomubaya apo ooprofeta.

Dhuto. 28:25

Mambo Mwari unozoita kuti munyiswe pamberi pemagaa enyu; munozobuda kuenda koorwa navo ngenjira imwe, mwechizobva pamberi pavo ngenjira nomwe. Munozoita vanonyenyiwa ngemadzinza enyika dzeshe.