Jer. 20:5 - Bhaibheri Rakachena muChindau

⁵ Ndinozopa pfuma yeshe yedhorobha iri, zveshe zverinouyirwa ndizvo, zveshe zvaro zvinomutengo mukuru, noupfumi hweshe hwemadzimambo aJudha, kunyara dzemagaa avo, avo vanozozvichakata, nokuzvitora kuenda nazvo Bhabhuroni.

Jer. 20:5 Iomraidhean Croise

2 MaKro. 36:10

Naapo chirimo chapera, mambo Nebhukhadhineza wakatumira vanhu koomutora kuuya naye Bhabhuroni, nezvidziyo zvakanaka zvomumhatso yaMambo Mwari, naye wakaita Zedhekia hama yake mambo waJudha neJerusarema.

Isa. 39:6

Ringira, mazuva anouya, apo zveshe zviri mumhatso yako, neizvo zveshe zvakaunganidzwa ngemadzibaba ako metsa nyamashi, zvinozotorwa kuenda Bhabhuroni; apana nachimwe chinozosara, unoronza MamboMwari.

Jer. 12:12

Vaparadzi vakwira padera pendau dzeshe dzakakwirira dzeshango; ngokuti shoti yaMambo Mwari inovapedza kubvira kumagumo amwe enyika kuenda kuneamweni; apana naumwe unozoane kunyarara.

Jer. 15:13

Upfumi hwako nemare yako ndinozozvipa kudai ngezvakachakatwa pasina mutengo, ngendaa yezvishaishi zvako zveshe, munyika yako yeshe.

Jer. 17:3

pamitunhu iri munyika yorubaya. Upfumi hwako hweshe nemare yako ndinozozvipira kuti zvichakatwe, nendau dzako dzakakwirira ngendaa yokushaisha kwako kuri munyika yako yeshe.

Jer. 3:24

Asi kubvira pautsva hwedu kutsveruka kwakapedza mushando wemadzibaba edu, zvifuyo zvavo, n'ombe nemakwai, vakororo vavo nevanasikana vavo.

Jer. 32:24

Ringira, mirwi yamavhu yakandirwa kutendenedza kurwisa dhorobha, kuti varinyise; nedhorobha raringirana neshoti, nzara nenhenda, naro rapirwa kunyara yevaKharadhea, avo vanorwa naro. Izvo zvowakaereketa zvaitika kudai ngezveungaona iwewe pachako.

Jer. 39:2

Mugore regumi narimwe rokutonga kwaZedhekia, mumwedzi wechirongomuna, ngezuva rechipfumbamwe romwedziwo, rusvingo rwedhorobha rwakapwanyirwa pashi. Apo perakatorwa Jerusarema,

Jer. 39:8

VaKharadhea vakapisha mhatso yamambo nemhatso dzevanhu ngomuriro; vakaputsira pashi marukumbati eJerusarema.

Jer. 4:20

Kuparadzwa kunoteera kuparadzwa, nyika yeshe yaparadzwa. Matende angu anoparadzwa ngokukasira, machira angu omukati mwematende ngomukuwo mudoko.

Chi. 1:10

Gaa rakatambanudza nyara dzaro padera pezviro zvaro zveshe zvinomutengo mukurutu; ratoona madzinza echipotera mundau dzaro dzakacheneswa, avo vewakaereketa ndivo kuti vasapotera mumishongano yako.

Chi. 1:7

Jerusarema rinokarakadza, ngemazuva okutambudzika nokunzerereka kwaro, zviro zvaro zveshe zvinomutengo mukuru, izvo zvaiya zvaro mazuva ekare. Naapo vanhu varo vakawira munyara dzemagaa, pasina naumwe wakaridetsera, magaa akariona akaita chishekedzo ngokuparadzwa kwaro.

Chi. 4:12

Madzimambo enyika aazi kugonda, nokuti naumwe wevagari venyika, kuti magaa nemapandu vaizopinda pamisiwo yeJerusarema.

Ezek. 22:25

Vaprofeti varo mukati mwaro vakadai ngemhondoro inokwanga yechibvajura chokudya; vakapedza vanhu, vakatora upfumi nezvinomutengo mukuru; vakaita kuti shirikadzi dziwande mukati mwaro.

Dha. 1:2

Mambo Mwari wakaita kuti Jehoiakimu mambo waJudha awire munyara mwake, pamwepo nezvidziyo zvimweni zvemhatso yaMwari. Izvi wakazvitwara kuenda kunyika yeShina, kumhatso yechimwari chake. Wakaunza zvidziyo kumhatso youpfumi hwechimwari chake.

Hos. 13:15

Kunyazwi anobereka vana pakati pehama dzake, dutu rokumabvazuva rinozouya, kuputika kubva kunaMambo Mwari rechimiruka kubva mushango, nechinyuka chake chinozopwa, nesaa rinozoita makandwa. Rinozobvisa upfumi hwake hwechidziyo cheshe chinomutengo mukuru.