Jer. 20:16 - Bhaibheri Rakachena muChindau

¹⁶ Munhuwo ngaadai ngemadhorobha akaparadzwa ndiMambo Mwari, asikaakunguriri; ngaazwe kuchema mumangwanani, nokudaidzira mumasikati,

Jer. 20:16 Iomraidhean Croise

Jer. 18:22

Kuchema ngakuzwike kubva kumhatso dzavo, apo woounza genge padera pavo ngokukasira! Ngokuti vakatsa hunza kuti indibate, vakateya tsoka dzangu ngemirau.

Jer. 18:8

asi kudai iro dzinza, rendakaereketa ndiro rikatenderuka kubva mukushata kwaro, ndinozorekera kuita kushata kwendakapinimidza kuita padera paro.

Jer. 23:14

Asi muvaprofeti veJerusarema ndaona chiro chine tsvina: vanoomba, nokuhamba mumanyepo; vanogwinyisa nyara dzevaiti vezvakashata, kuti kutamike naumwe unopetuka kubva mukushata; veshe vakadai ngeSodhoma kwendiri, nevanogaremwo vakadai ngeGomora.

Jer. 26:13

Ndizvo zvino nasirirai njira dzenyu nezviito zvenyu, mupurutane izwi raMambo Mwari, Mwari wenyu; naMambo Mwari unozorekera kushata ukwo kwaakamurongera.

Jer. 4:19

Ndarwadziwa, mwoyo wangu! Ndarwadziwa, mwoyo wangu! Ndinorwadziwa mumwoyo wangu; mwoyo wangu unochema mukati mwangu; andikoni kunyarara, ngokuti mweya wangu wazwa kuridzwa kwegwama, nokurira kwemhere yehondo.

Chi. 4:6

Ngokuti kuororwa kwokushaisha kwevanhu vangu kwakapinda kukura kunokuororwa kwokushaisha kweSodhoma, iro rakaparadzwa ngomukuwo mudoko, kunyazwi akuna nyara yakaiswa padera paro.

Ezek. 21:22

Munyara yake yokumudyo munebhighidha reJerusarema, apo paanoemesa zvokuputsisa, kubeura muromo kudaidzira mukuuraya, kumirudza izwi kudaidzira, kuemesa miti yokuputsa marukumbati pamisiwo, kuaka marukumbati, nokuaka thawa.

Hos. 10:14

ndizvo bope rehondo rinozoapo padera pevanhu venyu, nemasvingo enyu eshe anozoparadzwa, kudai ndiSharimani wakaparadza Bhethiaribheri ngezuva rehondo, apo anamai pevakaputswa kuita zvigurwa pamwepo nevana vavo.

Hos. 11:8

“Ndingakuita marekererenyi, Efuremu? Ndingakupira ngenjiranyi, O Isuraeri? Ndingakuita maitirenyi kuti udai ndiAdhima? Ndingakuita mabatirenyi kudai ndiZebhoimu? Mwoyo wangu unotenderudzwa mukati mwangu; nyasha dzangu dzinokura mukati mwangu.

Hos. 13:14

Ndinozovatenga kubva kusimba reiba here? Ndinozovaripira kubva mukufa here? O kufa, uri pari ukaira hwako? O iba, kuri pari kuparadza kwako? Nyasha dzakafishika kubva kumadziso angu.

Amo. 1:14

Ndizvo ndinozobasa muriro padera perukumbati rweRabha, nawo unozopedza ngome dzaro, ngokudaidzira ngezuva rehondo, ngedutu guru ngezuva rechipupuri.

Amo. 2:2

Ndizvo ndinozotumira muriro padera peMoabhi, nawo unozopedza ngome dzeKeriothi; Moabhi rinozofa mubope, mukudaidzira, mukurira kwegwama.

Amo. 4:11

Ndakariga pashi vamweni venyu, kudai ngeapo Mwari paakarigira pashi Sodhoma neGomora, nemwi mwaiya mwakadai ngechitsa chinobviswa pachoto chomuriro; asi amuzi kupetuka kwendiri, unoronza Mambo Mwari.

Jona 3:4

Jona wakatanga kupotera mudhorobha muhambo wezuva rimwe. Naye wakadaidzira akati, “Achipo mazuva makumi marongomuna, Ninevhe rinozoparadzwa!”

Jona 4:2

Wakakumbira kunaMambo Mwari, akati, “Ndapota, O Mambo Mwari! Izvi andizvopi here zvendakaereketa, apo pendaiya munyika mwangu? Ndizvo zvakaita kuti nditizire Tharshishi kutanga; ngokuti ndakazia kuti uri Mwari unenyasha, wakazara ngokukungurira, unononoka kunyangadzwa, unowanza nyasha dzinorudo, unokunukuka kubva mukuorora.

Zef. 1:16

zuva rokuridzwa kwegwama nokuridza mhere yehondo nokurwisana nemadhorobha anorusvingo, nendau dzehondo dzakakwirira.

Zef. 2:9

Ndizvo kudai ngezvendinopona,” unoronza Mambo Mwari wehondo, Mwari waIsuraeri, “Moabhi inozodai ngeSodhoma, nevaAmoni kudai ngeGomora, nyika yeminzwa nemirindi yemunyu, nokuita dongo mhera nariini. Vakasara vevanhu vangu vanozovapamba, nevanopona vedzinza rangu vanozogara nhaka yavo.”

Ruka 17:29

asi ngezuva raakabuda ndiro Roti kubva muSodhoma kwakanaya muriro nesorufa zvechibva mudenga zvikavapedza veshe.

Dhuto. 29:22

Mibarirwana inozoteera yevana venyu vanozoapo ngesure kwenyu, nomupara unozobva kunyika iri kuretu, vanozoona madambudziko eiyo nyika nenhenda yaanozoisa Mambo Mwari padera payo.

Dhuto. 29:23

Mavhu enyika yeshe anobaka ngesorufa nomunyu, apana chinosimwa, apana chinomera nokukura, apana nomwenje unokuremwo, kudai ngokuparadzwa kweSodhoma neGomora, Adhima neZebhoimu, ao aakaparadza Mambo Mwari muushungu hwake hunotyisa.

2 Pet. 2:6

naye echishandura madhorobha eSodhoma neGomora kuita marota wakaaparadza ngokuapisha ngomuriro, akaaita chionero chezvinozoitika kwavari vasikadiri Mwari;

Judha 1:7

Kudai ngeSodhoma neGomora nemadhorobha akatendenedza, awo ngenjira imweyo vakadzipira mukuomba, vakadziisa mukuemura kwakashata yaamho, kwakaemeswa kuita chionero chokutambudzika ngokuororwa ngomuriro wemhera nariini.