Jer. 20:11 - Bhaibheri Rakachena muChindau

¹¹ Asi Mambo Mwari uneni, wakadai ngomurwi wehondo unotyisa; ndizvo vanonditambudza vanozopumhunwa, navo avazonyisi akadi. Vanozotsveruka kakurutu, ngokuti avazobudiriri. Kutsverudzwa kwavo kwemhera nariini akuzoriyarikanwi.

Jer. 20:11 Iomraidhean Croise

Nduyo 129:2

“Mikuwo mizhinji vakanditambudza kubvira muutsva hwangu, asi avasati vandinyisa.

Nduyo 35:26

Ngavatsverudzwe nokukangaidzwa veshe avo vanokarira kuremadzwa kwangu; avo vanodzikudza pachavo kurwisana neni, ngavafukidzwe nokutsverudzwa nokushoorwa.

Nduyo 40:14

Ngavatsverudzwe nokukangaidzwa veshe pamwepo, avo vanotsvaka kuuraya mweya wangu; ngavapetudzwe sure, vatsverudzwe, avo vanodakarira kuremadzwa kwangu.

Nduyo 47:2

Ngokuti Mambo Mwari, Uwo uri padera pezviro zveshe, unotyisa, mambo mukuru padera penyika yeshe.

Nduyo 6:10

Magaa angu eshe anozotsverudzwa nokubatwa ngokutya; anozohwirira sure nokutsverudzwa ngokukasira. Nduyo yaDhavhidha iyo yaakaemba kunaMambo Mwari ngendaa yaKhushi muBhenjamini.

Nduyo 65:5

Ngezviito zvinotyisa unotipingura ngoruponeso, A Mwari woruponeso rwedu; iwewe uri gonda remagumo eshe enyika neeruandhle ruri kuretu yaamho.

Nduyo 66:5

Uyai muone mishando yaMwari; unotyisa mumishando yaanoita pakati pevanhu.

Isa. 41:10

usatya, ngokuti ndinewe; usaita maharura, ngokuti ndiri Mwari wako; ndinozokugwinyisa, ndinozokudetsera, ndinozokubata ngenyara yangu inonyisa yokumudyo.

Isa. 41:14

“Usatya, iwewe honye Jakobe, neimwimwi vanhu vaIsuraeri! Ndinozomudetsera, unoronza Mambo Mwari, Muripiri wenyu ndiye Wakachena waIsuraeri.

Isa. 45:16

Veshe vavo vanozotsverudzwa nokukangaidzwa, vaiti vemiedzaniso yokudira vanopinda mukukangaidzwa pamwepo.

Jer. 1:18

Ngokuti, ringira, ngeiri zuva ndakakuita kuti udai ngedhorobha rakashosherwa, nokudai ngesika yesimbi, nokudai ngerukumbati rwethusi kunyika yeshe, kumadzimambo aJudha nokuvatongi vayo, nokuvapristi vayo, nokuvanhu venyika.

Jer. 1:19

Vanozorwa newe; asi avazokunyisi akadi, ngokuti ndinewe kukununura,” unoronza Mambo Mwari.

Jer. 1:8

Usatye hope dzavo, ngokuti inini ndinewe kukununura,” unoronza Mambo Mwari.

Jer. 15:15

“O Mambo Mwari, ndiwe unozia; ndikarakadze, ndihambire, undiunzidzire vanonditambudza. Mukusengerera kwako usandirasha kuretu; zia kuti ngendaa yako ndinotukwa.

Jer. 15:20

Neni ndinozokuita kunevanhu ava kudai ngorukumbati rwethusi; vanozorwa newe, asi avazokunyisi akadi, ngokuti ndinewe kukuponesa nokukununura,” unoronza Mambo Mwari.

Jer. 17:18

Ngavatsverudzwe avo vanonditambudza, asi usaita kuti inini nditsverudzwe; ngavapere simba; ngokutya, asi inini ndisapera simba vaunzire zuva rokuparadzwa, vaparadze ngokuparadzwa kwakapetwa.

Jer. 22:22

Dutu rinozoparadza vaushi vako veshe, nevadikani vako vanozoenda muubatwa; ngegwinyiso ngouwo mukuwo munozotsverudzwa nokukangaidzwa ngendaa yokushata kwako kweshe.

Jer. 23:40

Ndinozounza padera penyu chituko chemhera nariini, nokutsverudzwa kusikaperi, izvo zvisikazoriyarikanwi.”

Jer. 32:18

Unoonisa rudo runenyasha kumakumi emazana emibarirwana, nokuunzidzira kushata kwemadzibaba padera pevana vavo vanoteera sure kwavo, O mukuru nounesimba Mwari, uwo zina rake ndiMambo Mwari wehondo,

Dha. 12:2

Vazhinji veavo vanoata mubukuta renyika vanozomuka, vamweni mukupona kusikaperi, nevamweni mukutsveruka nokushoorwa kusikaperi.

Varoma 8:31

Ndizvo tinozotiyi kuneizvi? Kudai Mwari echitirwira, ndiani unozorwisana nesu?

2 Tim. 4:17

Asi Mambo wakandiemerera, akandigwinyisa, kuti kubudikidza ndini mashoko ateketeswe yaamho nemadzinza eshe amazwe. Neni ndakapokonyorwa kubva pamuromo wemhondoro.