Jer. 2:8 - Bhaibheri Rakachena muChindau

⁸ Vapristi avazikubvunza kuti, ‘Uri pari Mambo Mwari?’ Naavo vanobata mipango avazi kundizia; vaushi vakapauka kubva kwendiri, vaprofeti vakaprofeta ndiBhaari, vakateera zviro zvisikadetseri chiro.

Jer. 2:8 Iomraidhean Croise

1 Madzi. 18:22

Zvino Erija wakati kunevanhu veshe, “Inini, eya, inini ndega ndasara ndiri muprofeti waMambo Mwari; asi vaprofeti vaBhaari vamuna mazana marongomuna nemakumi mashanu (450).

1 Madzi. 18:29

Masikati makuru apera, vakaprofeta metsa mukuwo wokupisha mudiro wemadeekoni, asi kwaiya kusina neizwi haro, nokuti mupinguro, nokuti unopurutana.

1 Madzi. 18:40

Erija wakati kwevari, “Batai vaprofeti vaBhaari, musarekera naumwe wavo kuti apone.” Zvino vakavabata; naErija wakavaunza kurwizi rinozwi Kishoni, wakavaurayapo.

Jobe 35:10

Asi akuna naumwe unoti, ‘Uri pari Mwari Musiki wangu, uwo unopa kugwinya usiku,

Isa. 28:7

Avowo vanokweiwa ngokumwa vhini, vanothethereka ngezvokumwa zvinoradzisa; mupristi nomuprofeti vanokweiwa ngokumwa zvinoradzisa, vanokangaidzwa ngevhini, vanothethereka ngokumwa zvinoradzisa; vanokorera muchioniso, vanopumhunwa mukugura ndaa.

Isa. 29:10

Ngokuti Mambo Mwari wakadurura padera penyu mweya wehope dzemadzikirira; wakonya madziso enyu, imwimwi vaprofeti, nokufukidza masoro enyu, imwimwi vaoni.

Isa. 30:5

weshe unopinda mukutsverudzwa kubudikidza ngevanhu vasikakoni kuvadetsera, avo vasikakoni kuvadetsera nokuti kuvapa chiro, asi kutsverudzwa nokushoorwa.”

Jer. 10:21

“Ngokuti vaushi mabungumupee, avabvunzi Mambo Mwari; ndizvo avazi kubudirira nezvifuyo zvavo zveshe zvapararira kweshe.

Jer. 12:10

Vaushi vakawanda vaparadza munda wangu wemivhini, vatsikatsika pashi petsoka chikoaniswa changu, vaita kuti chikoaniswa changu chinodakadza chiite shango risina chiro.

Jer. 16:19

O Mambo Mwari, simba rangu, nebako rangu, utiziro hwangu ngezuva rokutambudzika, madzinza anozouya kwouri, echibva kumagumo enyika echiti, “Ngegwinyiso madzibaba edu akagara nhaka yemanyepo, nezvisina shwiro, nezvisikadetseri chiro.

Jer. 18:18

Zvino vakati, “Uyai, ngatiite urongwa hwokurwisa Jeremia; ngokuti mipango aizoperi kubva kuvapristi nokuti kupangwa kunobva kunevakangwara, nokuti izwi kubva kunevaprofeti. Uyai, ngatimurwise ngemazwi, tisapurutana kunyazwi ngaari mazwi ake.”

Jer. 2:11

Riripo here dzinza rakachicha zvimwari zvaro kunyazwi akuna zvimwari? Asi vanhu vangu vakachicha uthende hwavo kuti vatore icho chisikadetseri chiro.

Jer. 2:6

Avazi kuronza kuti, uri pari Mambo Mwari uwo wakatikwidza kubva kunyika yeEgipite, wakatitungamira mushango, mukati mwenyika yakaomerwa nemarindi, munyika yakaoma, nechidima chikurutu, mukati mwenyika isikazi kuhambwa ngomunhu naumwe, isikagarwi ngomunhu?

Jer. 4:22

Ngokuti vanhu vangu mapenzi, avazi kundizia; vakadai ngevana vane upenzi, avazwisisi. Ingwazi mukuita zvakashata, avazii kuita zvakanaka.

Jer. 5:31

Vaprofeti vanoprofeta manyepo nevapristi vanotonga vechipangwa ngevaprofeti; navanhu vangu vanoda kuti zvidaro; asi munozoitenyi kumagumo azvo?”

Jer. 7:8

Ringirai, munogonda mazwi okunyepa asikadetseri chiro.

Jer. 9:14

Asi vakateera kukonza kwomwoyo yavo; vakateera vanaBhaari, izvo zvevakadzidziswa ngemadzibaba avo.”

Ezek. 22:26

Vapristi varo vakagura mutemo wangu, vakasvipisa zviro zvangu zvakachena; avazi kuparadzanisa pakati pezvakachena nezvakasvipiswa, avazi kudzidzisa muparadzaniso pakati pezvisikazi kusukika nezvakasukika. Vakatswatira madziso avo kubva kumaSabatha angu, kuti ndisvipiswe pakati pavo.

Ezek. 34:2

“Mukororo womunhu, profeta kuitira ndaa vaushi vaIsuraeri, profeta wechiti kwevari, ‘Izvi ndizvo zvinoronza Mambo Mwari, Mwari: A, imwimwi vaushi, vaushi vaIsuraeri vanodzigutisa pachavo! Vaushi avasisiri kugutisa makwai here?

Hos. 4:6

Vanhu vangu vanoparadzwa ngendaa yokutama kuzia; ngokuti waramba kuzia, ndizvo ndinokuramba, kuti usaita mupristi kwendiri. Newe wariyarwa mipango yaMwari wako, neniwo ndinozoriyarwa vana vako.

HABHAKUKI 2:18

Muedzaniso wakatsetswa unodetserenyi, kuti muiti wawo autsetsa; zve, muedzaniso wakanyunguruswa nomudzidzisi wemanyepo? Ngokuti muiti wawo unogonda mweuri, kunyazwi miedzaniso isikaereketi!

Mateu 16:26

Munhu unozouyirwa ngenyi kudai echiona nyika yeshe, akarashikirwa ngendaramo yake? Nokuti munhu unozoita mutenganisonyi nendaramo yake?

Ruka 11:52

Hezvo kwomuri magweta! Ngokuti imwimwi mwakadusa kii rokuzia; amuzi kupotera imwimwi mwemene, naavo vaipotera mwakavarambidza. ”

Johani 16:3

Navo vanozoita izvi ngokuti avazi kumuzia Baba nokuti inini.

Johani 8:55

Asi amuzi kuvazia; inini ndinovazia. Kudai ndechiti, andivazii, ndaita munyepi kudai ndimwi. Asi ndinovazia neni ndinongwarira izwi ravo.

2 VaK. 4:2

Asi takarasha zviro zvakafishika zvinotsverudza, techiramba kuita ngourimbwi nokuti kubata izwi raMwari ngokuchengedzera; asi ngokuonisa gwinyiso, tinodziganzisa kunemhumba yomunhu weshe mukuona kwaMwari.

Dhuto. 33:10

Vanodzidzisa Jakobe zvitongero zvako, naIsuraeri mipango yako; vanoisa mutombo unegwema rakanaka pamberi pako, nomubairo wokupisha zveshe padera pearita rako.

1 Sam. 12:21

Musapauka kurutii kutsvaka zviro zvisina shwiro, zvisikadetseri nokuti kusunhura; ngokuti azvina shwiro.

1 Sam. 2:12

Zvino vakororo vaEri vaiya vakororo vakashata; avazi kuzia Mambo Mwari,