Jer. 2:7 - Bhaibheri Rakachena muChindau

⁷ Ndakamuunza kunyika yezvakawanda, kuti mudye michero yayo nezviro zvayo zvakanaka. Asi apo mwapindamwo, mwakasvipisa nyika yangu, nokuita kuti nhaka yangu iite chinyangadzo.

Jer. 2:7 Iomraidhean Croise

Neh. 9:25

Navo vakatora madhorobha akashosherwa nenyika yakavhundira, vakatora nhaka yemhatso dzaiya noupfumi hweshe, nezvinyuka zvemvura yakatsiwa, minda yemivhini, yemiorivhi, nemiti yemichero yakawanda; ndizvo vakadya vakaguta vakakora, vakadakara ngounaku hwako hukuru.

Neh. 9:26

“Zvakanyadaro avazi kupurutana, vakakumukira, vakafuratira mishana yavo kumipango yako, vakauraya vaprofeti vako, avo vaivanyowedza, kuti vavatenderudzire kwouri, navo vakaita zvinyangadzo zvakakura.

Isa. 19:25

avo vaafumisa Mambo Mwari wehondo echiti, “Ngavafumiswe vaEgipite vanhu vangu, nevaAsiria mushando wenyara dzangu, nevaIsuraeri nhaka yangu.”

Jer. 16:18

Kutanga ndinozohwirinzira kairi kushata kwavo nokushaisha kwavo; ngokuti vasvipisa nyika yangu ngemiiri yakafa yezviro zvinonyenyisa nezvinonyangadza zvemiedzaniso yavo, nokuzadza nhaka yangu ngezvinonyangadza zvavo.”

Jer. 3:1

“Kudai munhu echiramba mukadzi wake, naye akaenda kubva kwaari nokuita mukadzi woumweni munhu, unozohwirira kwaari here? Iyo nyika aizosvipiswi kakurutu here? Iwewe wakaita uhure nevadikani vazhinji, newe ungapetuka kwendiri here? Unoronza Mambo Mwari.

Jer. 3:2

Mirudza madziso ako kundau dzakakwirira dzisina chiro, uone! Iripo here ndau pousikazi kuatwa newe? Pasinde penjira wakavagarira vadiwa kudai ngavaArabia mushango. Newe wasvipisa nyika ngouhure hwako nokushata kwako.

Jer. 3:9

Ngendaa yokurerusa kuhura kwake wakasvipisa nyika, wakahura nebuwe nomiti.

Jer. 32:23

navo vakapotera, vakaigara nhaka. Asi avazi kupurutana izwi rako, nokuti kuteera mipango yako; pane zveshe zvewakavapanga kuti vaite apana nachimwe chevakaita. Ndizvo wakaita uku kushata kweshe kuti kuuye padera pavo.

Jer. 32:30

Ngokuti vanhu vaIsuraeri nevanhu vaJudha avana chevakaita, asi vakaita zvakashata zvega pamberi pangu kubvira muutsva hwavo; vanhu vaIsuraeri avana chevakaita, asi vakanditsenesa kwega ngemishando yenyara dzavo, unoronza Mambo Mwari.

Ezek. 20:24

ngokuti avazi kuita zvitongero zvangu, asi vakaramba zviemeso zvangu nokusvipisa maSabatha angu, nemadziso avo airingira kumiedzaniso yokudira yemadzibaba avo.

Ezek. 20:28

Ngokuti apo ndaiya ndavaunza munyika, yendakapika kuti ndiipe kwevari, zvino kunyazwi ngepari pevakaona zvimitunhu zvakakwirira nemimbiti yeshe yakatsikana mashakani, vakapira mibairo yavopo, vakapira midiro yavo yokundinyangadza; naapozve vakapisha mitombo yavo inegwema rakanaka, vakadururapo midiro yavo yokumwa.

Ezek. 20:6

Pazuva iro ndakapika kwevari kuti ndinozovabudisa kubva munyika yeEgipite, kuti vapotere munyika yendakavatsvakira, nyika inoerera mukaka nouchi, nyika iri uthende hwenyika dzeshe.

Ezek. 23:35

Ndizvo izvi zvinoronza Mambo Mwari, Mwari: “Ngokuti iwewe wandiriyarwa ukandirasha sure kwomushana wako, ndizvo twara kushata kwokuemura kwako kwenyama nouhure hwako.”

Ezek. 36:17

“Mukororo womunhu, apo vemhatso yaIsuraeri vaigara munyika yavo, vakaisvipisa ngenjira yavo nezviito zvavo; kuita kwavo pamberi pangu kwaiya kwakadai ngokusvipiswa kwomukadzi uri mukusikasukika kwake uri kumwedzi.

Hos. 9:3

Avazogari vari munyika yaMambo Mwari; asi Efuremu unozohwirira Egipite, vanozodya kudya kusikazi kusukika muAsiria.

Mik. 2:10

Mirukai, muende; ngokuti iyi andiyopi ndau yokuzorora, ngendaa yokusvipiswa kunoparadza ngokuparadza kunotyisa.

Zvi. 13:27

Vakamuronzera vechiti, “Takaguma kunyika iyo yewakatituma kweiri, eya ngegwinyiso inoerera mukaka nouchi; iyi ndiyo michero yayo.

Dhuto. 21:23

Muiri wake usazosara uri pamuti usiku hweshe, asi ngegwinyiso munozoutsira ngeiro zuva; ngokuti uwo unoturikwa uri chakatukwa ndiMwari. Nyika yenyu isazosvipiswa, yemwakapuwa ndiMambo Mwari, Mwari wenyu kuita nhaka.

Dhuto. 32:9

Chikoaniswa chaMambo Mwari vanhu vake; Jakobe chikoaniswa chenhaka yake.

Dhuto. 6:18

Newe unozoita zvakarurama nezvakanaka mukuona kwaMambo Mwari, kuti zvinake kwouri, kuti upotere ugare nhaka yenyika yakanaka yaakapika Mambo Mwari kumadzibaba ako,