Jer. 2:6 - Bhaibheri Rakachena muChindau

⁶ Avazi kuronza kuti, uri pari Mambo Mwari uwo wakatikwidza kubva kunyika yeEgipite, wakatitungamira mushango, mukati mwenyika yakaomerwa nemarindi, munyika yakaoma, nechidima chikurutu, mukati mwenyika isikazi kuhambwa ngomunhu naumwe, isikagarwi ngomunhu?

Jer. 2:6 Iomraidhean Croise

2 Madzi. 2:14

Wakatora bhachi raErija rakawa kubva kwaari, akachaya ndiro mvura echiti, “Uri pari Mambo Mwari, Mwari waErija?” Naapo achaya mvura, yakapaurana ngepakati kumarutii mairi, naErisha wakaambuka.

Jobe 3:5

Chidima chakadzama nebvute rakasvipa ngazvirifukidze. Gore ngarigare padera paro; kusvipiswa kwezuva ngakurityise.

Jobe 35:10

Asi akuna naumwe unoti, ‘Uri pari Mwari Musiki wangu, uwo unopa kugwinya usiku,

Nduyo 23:4

Kunyazwi ndechinyahamba mubani rebvute rokufa, andizotyi zvakashata, ngokuti iwewe uneni. Ndonga yako nomundondoro wako zvinondiembedzera.

Nduyo 77:5

Ndinopinimidza ngemazuva ekaretu nokukarakadza makore enguva dzekaretu.

EKISEDHUSI 20:2

“Ndini Mambo Mwari, Mwari wako, uwo wakakubudisa kubva munyika yeEgipite, kubva kumhatso youhloko.

Isa. 63:9

mukutambudzika kwavo. Haiwa mutumwa nokuti ngirosi, asi ngokuapo kwake kwakavaponesa; murudo rwake nokukungurira kwake wakavaripira; wakavamirudza, akavatwara kumazuva eshe ekaretu.

Isa. 64:7

Akuna naumwe unodaidza zina rako, nokudzimusirira mukati mwake kuti akubate; ngokuti wafisha hope yako kubva kwetiri nokutipedza ngendaa yezvishaishi zvedu.

Jer. 13:16

Irikidzai Mambo Mwari, Mwari wenyu, asati aunza chidima, dzisati dzapumhunwa tsoka dzenyu padera pemitunhu inechidima; apo muchatsvaka kujeka, unokupindura kuita bvute rokufa, nokuita chidima chakasvipa.

Jer. 2:2

“Enda, udaidzire mukuzwa kwevanhu veJerusarema wechiti, unoronza izvi Mambo Mwari: Ndinokarakadza, ngenyasha dzoutsva hwako, norudo rwako petakatanga kuroorana, apo wainditeera mushango, munyika yaiya isikazi kusimwa.

Jer. 2:8

Vapristi avazikubvunza kuti, ‘Uri pari Mambo Mwari?’ Naavo vanobata mipango avazi kundizia; vaushi vakapauka kubva kwendiri, vaprofeti vakaprofeta ndiBhaari, vakateera zviro zvisikadetseri chiro.

Jer. 5:12

Vakaereketa manyepo ndiMambo Mwari vechiti, “Aazoiti chiro. Kushata akuzouyi padera pedu, atizooni shoti nokuti nzara.”

Jer. 5:2

Kunyazwi vanoti, ‘Kudai ngezvaanopona Mambo Mwari,’ asi vanopika ngokunyepa.”

Jer. 51:43

Madhorobha aro aita chiro chinotyisa, nyika yokuoma norubaya, nyika isikagarwi ngomunhu, akunazve naumwe wevakororo vevanhu unopindamwo.

Hos. 12:13

Kubudikidza ngomuprofeti Mambo Mwari wakabudisa Isuraeri kubva muEgipite, kubudikidza ngomuprofeti wakangwarirwa.

Hos. 13:4

“Asi ndaiya Mambo Mwari, Mwari wako, kubvira munyika yeEgipite; auzii Mwari asi inini; ngepabanzi pangu akuna muponesi.

Amo. 2:10

Zve ndakamukwidzazve kubva munyika yeEgipite, ndikamutungamirira makore makumi marongomuna mushango, kutora nyika yevaAmori.

Mateu 4:16

Vanhu avo vaiya vakagara muchidima vakaona kujeka kukurutu; naavo vaiya vakagara munyika nomubvute rokufa, kujeka kwakavabudira.”

Dhuto. 1:19

Naapo takathutha kubva Horebhi, takahamba muiri shango rinotyisa remwakaona ngenjira inohamba ngemitunhu yevaAmori, kudai ngezvaakatipanga Mambo Mwari, Mwari wedu, metsa takaguma Kadheshibharanea.

Dhuto. 32:10

Wakamuona ari munyika yakaoma hlengwe, nomushango risina nechiro, rinotyisa; wakamutendedza apo naapo, akamudzidzisa, akamungwarira kudai ngemboni yedziso rake.

Dhuto. 8:2

Nemwi munozokarakadza kuhamba kweshe kwaakamutungamira Mambo Mwari eshe aya makore makumi marongomuna mukati mweshango kuti amupfaise, nokumuedza, nokuzia kuti chiinyi chiri mumwoyo mwenyu, kuti munozongwarira mipango yake here, nokuti amuzoingwariri.

Vato. 6:13

Gidheoni wakati kweiri, “Asi mambo, kudai Mambo Mwari anesu, izvi zveshe zvinotigumira ngenyi? Iri pari mishando yake yeshe inoshamisa, iyo madzibaba edu akatironzera ndiyo, vechiti, ‘Mambo Mwari aazi kutikwidza here kubva Egipite?’ Asi zvino Mambo Mwari wakatirasha, akatipira munyara dzevaMidhiani.”