Jer. 2:5 - Bhaibheri Rakachena muChindau

⁵ Ndizvo izvi zvinoronza Mambo Mwari, “Kushatanyi kwevakaona madzibaba enyu mwendiri, kwakaita kuti vaende kuretu kubva kwendiri, nokuteera zviro zvoupenzi, nokudziita pachavo vasina shwiro?

Jer. 2:5 Iomraidhean Croise

2 Madzi. 17:15

Vakaramba zviemeso zvake, nechitenderano chake chaakaita nemadzibaba avo, nokungwadza kwake kwaakavapa. Vakateera zvisina shwiro, vakaita vasina shwiro; vakateera vasikatendi Mwari, avo vakavatendenedza, vaakavapanga ndivo Mambo Mwari, kuti vasazoita kudai ndivo.

Nduyo 115:8

Avo vanoinasira vakadai ndiyo; ndizvo munhu weshe unoigonda.

Isa. 29:13

Mambo Mwari wakati, “Ngokuti vanhu ava vanokwedzera kwendiri ngemiromo yavo, nemiromo yavo vanondiremeredza, naapo mwoyo yavo iri kuretu kubva kwendiri, nokundidira kwavo chaita chironzo chomunhu chakadzidziswa kwevari;

Isa. 44:9

Veshe avo vanoita miedzaniso yezvimwari yakanyunguruswa avana shwiro nezviro zvevanodakarira zviro zvisina shwiro; zvapupu zvavo azvioni nokuti kuzia. Ndizvo vanotsverudzwa.

Isa. 46:12

“Purutanai kwendiri, imwimwi munemwoyo wakaoma, imwimwi muri kuretu kubva mukununurwa.

Jer. 10:8

Asi veshe mabungumupee nemapenzi. Chidzidzo chinoitwa ngemiedzaniso achinaki kupinda chemuti.

Jer. 12:2

Iwewe wakavasima, navo vakatsira nzinde, vanokura, nokubereka michero; uri pasinde pemiromo yavo, asi uri kuretu kubva kumwoyo yavo.

Jer. 14:22

Chiripo here chimwari chemadzinza pakati pezvimwari zvisina shwiro chingakona kunaisa mvura? Nokuti matenga angadzasa mvura here? Andiwepi here, Mambo Mwari, Mwari wedu? Taisa gonda redu peuri, ngokuti ndiwe unoita izvi zveshe.

Jer. 2:31

Nemwi, O mubarirwana, wonai izwi raMambo Mwari. Ndaita rubaya kunaIsuraeri here nokuti ndaita nyika yechidima? Ngenyi zvino vanhu vangu vechironza kuti, takasunhurika, atizouyizve kwouri?

Jer. 2:4

Izwai izwi raMambo Mwari, O mhatso yaJakobe, nemhuri yeshe yemhatso yaIsuraeri.

Jer. 8:19

Izwai, kuchema kwevanhu vangu varombo kubva munyika yakapamhama iri kuretu: “Mambo Mwari urimwo here mukati mweZioni? Mambo wake aarimwopi mukati mwake here?” “Vakanditsenesa ngenyi ngemiedzaniso yavo yakatsetswa, nezvimwari zvazvo zvipara zvisina shwiro?”

Ezek. 11:15

“Mukororo womunhu, hama dzako, hama dzako dzemene, vanhu vedzinza rako, avo veshe vemhatso yaIsuraeri, veshe vavo, ndivo avo vevakazwi ngevagari veJerusarema, ‘Vakaenda kuretu kubva kunaMambo Mwari; iyi nyika yakapuwa kwetiri kuita nhaka.’

Ezek. 14:5

kuitira kuti ndibate mwoyo yemhatso yaIsuraeri, veshe avo vakaparadzaniswa kubva kwendiri kubudikidza ngemiedzaniso yavo yokudira.’

Jona 2:8

Avo vanotenda miedzaniso isina shwiro vanoramba gwinyiso rokuitirwa kwavo nyasha.

Mateu 15:8

‘Vanhu ava vanondiremeredza ngemiromo yavo, asi mwoyo yavo iri kuretu kwendiri.’

Zvak. 14:15

vechiti, “Vanhu, munoita izvi ngenyi? Isusuwo tiri vanhu vakadai ndimwi, tinounza kwomuri mashoko akanaka okuti mutenderuke kubva kuneizvi zvisina shwiro, muuye kunaMwari unopona, uwo wakasika denga nenyika noruandhle neizvo zveshe zviri mukati mwazvo.

Varoma 1:21

ngokuti kunyazwi vechimuzia Mwari avazi kumuremeredza kudai ndiMwari nokuti kumubonga, asi vakaita vasina shwiro mumipinimidzo yavo nemwoyo yavo isina kungwara yakaita chidima.

Dhuto. 32:21

Vanondimusira ndurumwa ngeicho chisiri mwari akadi; vanondimusira ushungu ngezvimiedzaniso zvavo. Neni ndinozovamusira ndurumwa ngeavo vasiri vanhu; ndinozovamusira ushungu ngedzinza rinoupenzi.

1 Sam. 12:21

Musapauka kurutii kutsvaka zviro zvisina shwiro, zvisikadetseri nokuti kusunhura; ngokuti azvina shwiro.