Jer. 2:32 - Bhaibheri Rakachena muChindau

³² Mhandwe ingariyarwa here zvinemeso zvayo nokuti makhoti zvokufuka zvake? Asi vanhu vangu vakandiriyarwa mazuva asikaerengeki.

Jer. 2:32 Iomraidhean Croise

Gen. 24:22

Naapo makamera apedza kumwa, wakatora mhete yomukore ine hafu yeshekeri kurema kwayo, nemabhengere mairi omumioko yake anoita mashekeri gumi omukore kurema kwawo.

Gen. 24:30

Naapo aona mhete nemabhengere mumioko yomukunda wake, naapo azwa mazwi aRebheka mukunda wake echiti, “Ndizvo zvakaereketa munhu kwendiri;” wakaenda kuno munhu; akamuona akaema pane makamera pachinyuka.

Gen. 24:53

Nomuranda wakabudisa zvinemeso zvesirivha, zvomukore nezvokusimira, akazvipa kunaRebheka, wakapawo zviro zvinomutengo mukuru kuno mukoma wake nokuna mai ake.

2 Sam. 1:24

Imwimwi vanasikana vaIsuraeri, chemerai Sauri, uwo wakamupfekisa ngeharahara, nangezvimweni zvinodakadzisa, uwo wakanemesa zvinemeso zvomukore padera pezvokufuka zvenyu.

Nduyo 106:21

Vakariyarwa Mwari Muponesi wavo, uwo wakaita zviro zvikuru muEgipite,

Nduyo 9:17

Vakashata vanozoenda kuSheori, madzinza eshe anoriyarwa Mwari.

Isa. 17:10

Ngokuti wariyarwa Mwari woruponeso rwako, auzi kupinimidza ngeBuwe rokuhwara kwako; ndizvo kunyazwi unosima zvisimwa zvinodakadza, unosima zvisimwa zvezvimwari zvisikaziikanwi,

Isa. 57:11

Ndiani vemwakatya nokukaruka zvakaita kuti munyepe, nokurekera kundikarakadza nokuti kupinimidza ndini mumwoyo mwenyu? Andizi kunyarara kwenguva yakareba, nemwi amundityi here?

Isa. 61:10

Ndinozodakara kakurutu munaMambo Mwari, mweya wangu unozodakara ndiMwari wangu; ngokuti wandifukidza ngejira roruponeso, wandifukidza ngejira rokururama, kudai ngomukwambo unodzinemesa ngezvinemeso, kudai ndimakhoti unonema zvinemeso zvake.

Jer. 13:10

Ava vanhu vakashata vanoramba kuzwa mazwi angu, vanohamba ngemisikazwa mumipinimidzo yomwoyo yavo, vechiteera zvimwari zvimweni kuzvishandira nokuzvidira, ndivo vanozodai ngebhande iri risikachadetseri chiro.

Jer. 13:25

Ichi ndicho chikoaniswa chako, chewakapimirwa ndini, unoronza Mambo Mwari, ngokuti wandiriyarwa, ukagonda manyepo.

Jer. 18:15

Asi vanhu vangu vandiriyarwa, vanopisha mutombo unegwema rakanaka kuzvimwari zvokunyepa, vapumhunwa munjira dzavo, mumapato ekare nokuhamba munjira dzimweni, haiwa mumapato makuru,

Jer. 2:11

Riripo here dzinza rakachicha zvimwari zvaro kunyazwi akuna zvimwari? Asi vanhu vangu vakachicha uthende hwavo kuti vatore icho chisikadetseri chiro.

Jer. 2:33

Kunakanyi kwakaita utungamiriri hwako hwokutsvaka vadikani! Ndizvo kunyazwi nokuvakadzi vakashata wakadzidzisa njira dzako.

Jer. 23:27

Vanoronga kuti vanhu vangu variyarwe zina rangu ngehope dzavo dzevanoronzerana umwe kunoumweni, kudai ngemadzibaba avo vakariyarwa zina rangu ngendaa yaBhaari.

Jer. 3:21

Izwi rinozwika pandau dzakakwirira dzisina chiro, kuchema nokupota kwevana veIsuraeri, ngokuti vakapauka kubva munjira yavo, vakariyarwa Mambo Mwari, Mwari wavo.

Ezek. 22:12

Mukati mwako vanoashira zvitengero kuti vaparadze ngazi; iwewe unoashira zveshe kuuyirwa kuchazouya nezvinowanziswa, wakaashira kuuyirwa kusikazi kunaka kubva kumuakirwana wako, newe wandiriyarwa, unoronza Mambo Mwari, Mwari.’

Hos. 8:14

Isuraeri wariyarwa Muiti wake, akaaka ngome; naJudha wawanza madhorobha akashosherwa; asi ndinozotumira muriro padera pemadhorobha ake, nawo unozopedza ngome dzake.”

Dhuto. 32:15

Asi Jeshuruni wakakora, wakamukira. Wakaita mikanya yokukora, wakafema, wakaita michinya yemafuta! Wakasiya Mwari uwo wakamusika, wakanyenyeredza Ruware rwokupona kwake.

Chakapangijihwa 21:2

Neni ndakaona dhorobha rakachena, Jerusarema idzva, rechidzaka kubva mudenga kunaMwari, rakanasirirwa kudai ngomuroorwa wakanemeserwa mwamuna wake.

Vato. 8:34

VaIsuraeri avazi kuchakarakadza Mambo Mwari, Mwari wavo, uwo wakavanunurira kubva munyara dzemagaa avo kumarutii eshe;