Jer. 2:31 - Bhaibheri Rakachena muChindau

³¹ Nemwi, O mubarirwana, wonai izwi raMambo Mwari. Ndaita rubaya kunaIsuraeri here nokuti ndaita nyika yechidima? Ngenyi zvino vanhu vangu vechironza kuti, takasunhurika, atizouyizve kwouri?

Jer. 2:31 Iomraidhean Croise

1 Madzi. 11:22

Asi Faro wakati kwaari, “Chiinyi chowatama kwendiri, chaita kuti utsvake kuenda kunyika yako?” Naye wakapingura echiti, “Andizi kutama chiro kwouri; asi nditendere kuti ndiende.”

2 MaKro. 31:10

Azaria mupristi mukuru wemhatso yaZadhoki wakamupingura echiti, “Kubvira apo vanhu pevakaamba kuunza zvipo kumhatso yaMambo Mwari, tinazvo zvakakwana zvokudya, techisiya zvakawanda; ngokuti Mambo Mwari wakafumisa vanhu vake; ndizvo tinazvo zvakasara ndiyo mirwi iyi mikuru.”

Jobe 21:14

Ndizvo vanoti kunaMwari, tisiye tega! Atina chidisiso chokuzia njira dzako.

Nduyo 10:4

Wakashata ngokudzikudza kwehope yake unoti, “Mwari aazondibvunzi.” Mikarakadzo yake yeshe inoti, “Akuna Mwari.”

Nduyo 12:4

avo vanoti, “Ngorurumi rwedu tinozonyisa; miromo yedu ngeyedu; ndiani uri mambo wedu?”

Mazwi 30:9

nokuti ndigutiswe ndikurambe, ndironze kuti, ‘Ndiani Mambo Mwari?’ Nokuti ndinozoita murombo, nokuba, ndishandise zina raMwari wangu ngenjira isina shwiro.

Isa. 45:19

Andizi kuereketa mukufishika, munyika yechidima; andizi kuronza kurudzi rwaJakobe kuti, mukukangaidzwa nditsvakenyi. Inini Mambo Mwari ndinoereketa gwinyiso, ndinodaidzira zvakarurama.

Jer. 2:20

Ngokuti ngomukuwo wekare wakagura joka rako, muzvisungo zvako; newe wakati, “Andidi kukushandira! Padera pezvitunhu zveshe, nepashi pemiti yeshe yakasvipirika wakaatapo, wechiita uhure.

Jer. 2:25

Rambidza rutsoka rwako kuti rusahamba rusina gwada, nemukuro wako kubva kunenyota; asi unoti, ‘Azvidetseri, ngokuti ndakada vapara, neni ndinozovateera.’ ”

Jer. 5:5

Ngandiende kuvakuru, ndierekete navo; ngegwinyiso vanozia njira yaMambo Mwari, mupango waMwari wavo.” Asi ava veshe vakatodzana vakagura joka, vakadambura zvisungo.

Jer. 5:6

Ndiyo ndaa mhondoro inobva mugwasha inozovauraya, negava romushango rinozovaparadza. Khamba rinohwarira madhorobha avo; weshe unobudamwo unozobaurwa kuita zvigurwa, ngokuti zvishaishi zvavo zvakawanda, nokuhwirira kwavo sure kwakanyanya.

Ezek. 14:5

kuitira kuti ndibate mwoyo yemhatso yaIsuraeri, veshe avo vakaparadzaniswa kubva kwendiri kubudikidza ngemiedzaniso yavo yokudira.’

Hos. 13:6

Apo pendakavapa kudya, vakagutiswa; naapo vagutiswa, mwoyo wavo wakadzikudza, ndizvo vakandiriyarwa.

Amo. 1:1

Mazwi aAmosi, uwo waiya pakati pevaushi veThekoa, awo aakaona ngendaa yaIsuraeri mumazuva aUzia mambo waJudha, nomumazuva aJerobhoamu mukororo waJoashi mambo waIsuraeri, makore mairi kuzungunyika kwenyika kusati kwaitika.

Mik. 6:9

Izwi raMambo Mwari rinodaidzira kudhorobha, (Ungwaru hwakanaka kutya zina rako): “Izwai, O dzinza, nembungano yedhorobha!

1 VaK. 4:8

Zvino mwagutiswa! Zvino mwaganya! Mwakaita madzimambo tisiripo! Ngegwinyiso ndingada kuti muite madzimambo kuti isusuwo tiite madzimambo nemwi.

Dhuto. 31:20

Ngokuti apo ndazovaunza munyika yendakapika ndiyo kumadzibaba avo, inoerera mukaka nouchi, navo vadya vaguta, nokukora, vanozotenderukira kuzvimwari zvimweni nokuzvishandira, kundishoora nokugura chitenderano changu.

Dhuto. 32:15

Asi Jeshuruni wakakora, wakamukira. Wakaita mikanya yokukora, wakafema, wakaita michinya yemafuta! Wakasiya Mwari uwo wakamusika, wakanyenyeredza Ruware rwokupona kwake.

Dhuto. 32:18

Amuzi kupinimidza ngoRuware urwo rwakamusika, nemwi mwakariyarwa Mwari uwo wakamurura.