Jer. 2:26 - Bhaibheri Rakachena muChindau

²⁶ “Kudai ngembavha inotsverudzwa apo yabatwa, ndizvo mhatso yaIsuraeri inotsverudzwa; ivo, madzimambo avo, vatongi vavo, vapristi vavo nevaprofeti vavo,

Jer. 2:26 Iomraidhean Croise

Ezura 9:7

Kubvira kumazuva emadzibaba edu metsa nyamashi tanyanya kudzaka mukushaisha; ngendaa yezvinyangadzo zvedu isusu, madzimambo edu nevapristi vedu, takapirwa munyara dzemadzimambo enyika, koourawa ngeshoti, kuitwa hloko, kuchakatwa, nokutsverudzwa kudai ngezvezvakaita nyamashi.

Nduyo 97:7

Veshe vanodira miedzaniso yakatsetswa vanotsverudzwa avo vanodziganzisa ngemiedzaniso; zvimwari zveshe zvinogwadama pamberi pake.

Isa. 1:29

Ngokuti munozotsveruka ngemiokhi yemwakadakara ndiyo, nemwi munozokangaidzwa ngeminda yemwakatsanangura.

Isa. 44:11

Ringirai, veshe vanomudira vanozotsverudzwa; ngwazi vanhutuwo. Ngavaunganidzwe veshe pamwepo, ngavaeme; vanozotyiswa, vanozotsverudzwa veshe.

Isa. 44:9

Veshe avo vanoita miedzaniso yezvimwari yakanyunguruswa avana shwiro nezviro zvevanodakarira zviro zvisina shwiro; zvapupu zvavo azvioni nokuti kuzia. Ndizvo vanotsverudzwa.

Jer. 2:36

Unohambahamba kakurutu ngenyi kutsvaka njira imweni? Iwewe unozotsverudzwa ngeEgipite, kudai ngezvewakatsverudzwa ngeAsiria.

Jer. 22:22

Dutu rinozoparadza vaushi vako veshe, nevadikani vako vanozoenda muubatwa; ngegwinyiso ngouwo mukuwo munozotsverudzwa nokukangaidzwa ngendaa yokushata kwako kweshe.

Jer. 32:32

ngendaa yokushata kweshe kwevanhu vaIsuraeri nekwevanhu vaJudha, kwevakaita kumusa kutseneka kwangu, ivo namadzibaba avo, vatongi vavo, vapristi vavo nevaprofeti vavo, vanhu vaJudha, naavo vanogara muJerusarema.

Jer. 4:9

“Ngeiro zuva,” unoronza Mambo Mwari, “Mwoyo wamambo unozopera simba, nemwoyo yevatongi; vapristi vanozokangaidzwa nevaprofeti vanozoshama.”

Jer. 48:27

Isuraeri aazi kuita chishekedzo kweuri here kunyazwi asikazi kubatwa pakati pembavha? Asi peshe pounoereketa ndiye unodzungudza soro rako.

Ezek. 16:54

kuitira kuti iwewe udzitwarire kutsveruka kwako, nokutsverudzwa ngendaa yeizvo zveshe zvewakaita, ngeiyi ndaa iwewe uri muembedzeri kwevari.

Ezek. 22:26

Vapristi varo vakagura mutemo wangu, vakasvipisa zviro zvangu zvakachena; avazi kuparadzanisa pakati pezvakachena nezvakasvipiswa, avazi kudzidzisa muparadzaniso pakati pezvisikazi kusukika nezvakasukika. Vakatswatira madziso avo kubva kumaSabatha angu, kuti ndisvipiswe pakati pavo.

Zek. 5:4

Ndinozoribudisa kubanze, unoronza Mambo Mwari wehondo, naro rinozopotera mumhatso mwembavha, nomumhatso mwouwo unopika ngokunyepa ngezina rangu; naro rinozosara mukati mwemhatso iyo, nokuipedza nebasha rayo nemapuwe ayo.”

Varoma 6:21

Ndizvo zvino mwaiya nemichero yakaitawani ngouwo mukuwo kubva kuneizvo zviro zvomunotsveruka ndizvo? Ngokuti magumo azvo rufu.