Jer. 2:25 - Bhaibheri Rakachena muChindau

²⁵ Rambidza rutsoka rwako kuti rusahamba rusina gwada, nemukuro wako kubva kunenyota; asi unoti, ‘Azvidetseri, ngokuti ndakada vapara, neni ndinozovateera.’ ”

Jer. 2:25 Iomraidhean Croise

2 MaKro. 28:22

Munguva yokutambudzika kwake wakaangira kupauka kubva kunaMambo Mwari, uyu mambo Ahazi.

2 MaKro. 28:23

Ngokuti wakapira midiro kunezvimwari zveDhamasekusi, iro rakamunyisa, naye wakati, “Ngokuti zvimwari zvevaAramu zvakavadetsera, ndizvo ndinozopira midiro kwezviri, kuti zvizondidetserawo.” Asi zvakaita kuparadzwa kwake, nekwevaIsuraeri veshe.

Isa. 2:6

Ngokuti wasiya njira yevanhu vako, O mhatso yaJakobe. Ngokuti vakazara ngemishuma inobva kumabvazuva, vafemberi kudai ngevaFiristia, navo vanobatana nyara nevana vevapara.

Isa. 57:10

Mwakarembeswa ngokureba kwerwendo rwenyu, asi amuzi kuronza kuti, “Azvidetseri.” Ngokuti mwakaona kudisisa kwenyu kwechimusirirwa, ndizvo auzi kupera simba.

Jer. 13:21

Unozotinyi apo vaemesa kuita mukuru padera pako uwo wewakadzidzisa kuita mungani wako, kuti atonge padera pako? Auzorwadziwi here kudai ngomudzimai wobereka?

Jer. 13:22

Nokudai wechiti mumwoyo mwako, “Ngenyi izvi zviro zvauya padera pangu?” Indaa youwandu hwezvishaishi zvako zvokusimira zvako zvafukurwa nezvisisinho zvako zvaremadzwa.

Jer. 14:10

Izvi ndizvo zvinoronza Mambo Mwari ngendaa yevanhu vake, “Ngegwinyiso vakada kuhambahamba, avazi kubata tsoka dzavo; ndizvo Mambo Mwari aavaashiri; zvino unokarakadza zvishaishi zvavo echiorora kushaisha kwavo.”

Jer. 18:12

Asi vanoti, ‘Azvidetseri chiro! Isusu tinozoteera urongwa hwedu, nesu umwe ngaumwe wedu unozoita kudai ngokukonza kwomwoyo wake wakashata.’ ”

Jer. 2:31

Nemwi, O mubarirwana, wonai izwi raMambo Mwari. Ndaita rubaya kunaIsuraeri here nokuti ndaita nyika yechidima? Ngenyi zvino vanhu vangu vechironza kuti, takasunhurika, atizouyizve kwouri?

Jer. 22:20

Kwireyo Rebhanoni, ucheme; nokuboorera muBhashani, boorera kubva paAbharimu, ngokuti vadikani vako veshe vaparadzwa.

Jer. 22:21

Ndakaereketa kwouri ngomukuwo wokubudirira kwako, asi iwewe wakati, “Andizopurutani.” Uyu ndiwo muitiro wako wokusikapurutana izwi rangu, kubvira muudoko hwako.

Jer. 3:13

Tendai kwega kushaisha kwenyu, kuti mwamukira Mambo Mwari, Mwari wenyu, kuti nemwi mwaparadzira rudo rwenyu pakati pevapara pashi pemiti yeshe yakasvipirika, amuzi kupurutana izwi rangu, unoronza Mambo Mwari.

Jer. 44:17

Asi ngegwinyiso tinozoita chiro cheshe chetakapika kuita, kupisha mutombo unegwema kunavahosi vomudenga nokudurura kwaari mudiro wokumwa, kudai ngezvatakaita, isusu nemadzibaba edu, nemadzimambo edu nevatongi vedu, mumadhorobha aJudha nomumapato eJerusarema. Taigara tinokudya kwakawanda, techigara zvakanaka, atizi kuona chakashata.

Chi. 1:2

Rinochema kakurutu usiku, nemasodzi aro anomozoka pamatama aro; pakati pevadikani varo arina naumwe wokuriembedzera; vangani varo veshe vakashanda naro ngokuchengedzera, navo vakaita magaa kweriri.

Chi. 4:4

Rurumi rwechiya runonamira kumuromo wedera ngendaa yenyota; ndumure dzinopemha chokudya, asi akuna naumwe unodzipa chiro.

Ezek. 20:32

Izvo zviri mumipinimidzo yenyu azvizoitiki akadi, mupinimidzo, munoti, ‘Ngatidai ngemadzinza, kudai ngemadzinza enyika, kudira matanda nemapuwe.’ ”

Hos. 2:3

nokuti ndinozomukhumura kuti aite mutitinini, ndimuemese kudai ngezvaakaita ngezuva rokuberekwa kwake, ndimuite kudai ngeshango, ndimuemese kudai ngenyika yakaoma, ndimuuraye ngenyota.

Hos. 2:5

Ngokuti mai avo vakaita uhure; iye wakavabereka wakaita zvinotsverudza. Ngokuti wakati, “Ndinozoteera zvigango zvangu, zvinondipa chingwa changu nemvura yangu, nemamviri angu emakwai, rukangaza rwangu, mafuta angu, nokumwa kwangu.”

Mar. 3:14

Mwati, ‘Akudetseri chiro kushandira Mwari. Tinouyirwa ngenyi ngokungwarira zviemeso zvake, nokuhamba techichema pamberi paMambo Mwari wehondo?

Ruka 15:22

Asi baba vakati kuvaranda vavo, ‘Unzai ngokukasira gauni rakapindisisa kunaka, mumupfekese; muise ndandazi pachikunwe chake nemagwada mutsoka dzake;

Ruka 16:24

Naro rakadaidzira rikati, ‘Baba Abrahama, ndiitirei nyasha, tumai Razarusi kuti anyike kumagumo kwechinwe chake mumvura atonhodze rurumi rwangu; ngokuti ndiri mukurwadziwa mumurazvu uyu.’

Varoma 8:24

Ngokuti takaponeswa ngokugonda. Asi kugonda ukwo kunooneka akusiri kugonda akadi. Ngokuti ndiani unogonda icho chaanoona?

Dhuto. 28:48

ndizvo munozoshandira magaa enyu, aanozotuma Mambo Mwari kurwa nemwi, munzara nenyota, nomuutitinini nomukutama zveshe. Unozoisa joka resimbi mumitsipa yenyu metsa amupedza.

Dhuto. 32:16

Vakamumusira ndurumwa ngendaa yezvimwari zvipara, nezvinyangadzo zvevakamunyangadza ndizvo.