Jer. 2:20 - Bhaibheri Rakachena muChindau

²⁰ Ngokuti ngomukuwo wekare wakagura joka rako, muzvisungo zvako; newe wakati, “Andidi kukushandira! Padera pezvitunhu zveshe, nepashi pemiti yeshe yakasvipirika wakaatapo, wechiita uhure.

Jer. 2:20 Iomraidhean Croise

1 Madzi. 12:32

Jerobhoamu wakakoka mushongano wokudya ngomwedzi wechisere, ngezuva rechigumi namashanu romwedziwo, kudai ngomushongano wokudya waiya nevaJudha, naye wakapira midiro padera pearita; ndizvo wakaitazve kudaro muBhetheri, echipira midiro kunemakonyana aakaita. Naye wakaemesa muBhetheri vapristi vendau dzakakwirira dzaakaaka.

1 Madzi. 14:23

Ngokuti avozve vakadziakira pachavo ndau dzakakwirira, nokudziitira miedzaniso, nemakwasha okudira, padera pemitunhu nepashi pemiti yeshe yakasvipirika;

Nduyo 107:14

Wakavabudisa kubva muchidima nomubvute rokufa, akadambura zvisungo zvavo.

Nduyo 2:3

“Ngatidambure zvisungo zvavo, tirashe mapote avo, abve kwetiri.”

Nduyo 78:58

Ngokuti vakamuita kuti anyangadzwe ngendau dzavo dzakakwirira; vakamuita kuti aite ndurumwa ngemiedzaniso yakatsetswa.

EKISEDHUSI 19:8

Vanhu veshe vakapingura pamwepo vechiti, “Zveshe zvaakaronza Mambo Mwari tinozozviita.” Mosi wakaronzera Mambo Mwari mazwi evanhu.

EKISEDHUSI 24:3

Mosi wakauya, akaronzera vanhu mazwi eshe aMambo Mwari nezvitongero zveshe; nevanhu veshe vakapingura ngeizwi rimwero, vakati, “Mazwi eshe aakaereketa Mambo Mwari tinozoita.”

EKISEDHUSI 3:8

neni ndadzaka kuti ndivanunure kubva kunyara dzevaEgipite nokuvabudisa kubva kunyika iyo, ndivaunze kunyika yakanaka, yakakura, nyika inoerera mukaka nouchi, kundau yevaKhenani, yevaHiti, yevaAmori, yevaPherizi, yevaHivhi neyevaJebhusi.

Isa. 1:21

A, dhorobha raigondeka rakaita hure ngenyi! Iro raizara ngokutonga kwakanaka, kururama kwakagara mukati mwaro, asi zvino vaurayi.

Isa. 10:27

Ngeiro zuva mutwaro wake unozobviswa kubva papfudzi rako, nejoka rake rinozoparadzwa kubva pamutsipa wako.”

Isa. 14:25

Ndinozogura vaAsiria munyika mwangu, napadera pemitunhu yangu ndinozomutsikatsika pashi petsoka; joka rake rinozobviswa kubva kwevari, nomutwaro wake kubva pamakhadza avo.

Isa. 9:4

Ngokuti wagura joka raivaremera, nemwamba wairemera makhadza avo, ndonga yomutambudzi wavo, iwewe wagura kudai ngezuva raMidhiani.

Jer. 13:27

Ndaona zvinyangadzo zvako nokuomba kwako, nebope rokuomba, nouhure hwako hunotsverudza pazvimitunhu mushango. Ihehe kwouri, O Jerusarema! Metsa riini iwewe usati wacheneswa?

Jer. 17:2

naapo vana vavo vechikarakadza ngemaarita avo nesika dzavo dzokudira dziri pasinde pemiti yakasvipira iri padera pezvimitunhu zvakareba,

Jer. 2:31

Nemwi, O mubarirwana, wonai izwi raMambo Mwari. Ndaita rubaya kunaIsuraeri here nokuti ndaita nyika yechidima? Ngenyi zvino vanhu vangu vechironza kuti, takasunhurika, atizouyizve kwouri?

Jer. 3:13

Tendai kwega kushaisha kwenyu, kuti mwamukira Mambo Mwari, Mwari wenyu, kuti nemwi mwaparadzira rudo rwenyu pakati pevapara pashi pemiti yeshe yakasvipirika, amuzi kupurutana izwi rangu, unoronza Mambo Mwari.

Jer. 30:8

“Pazuva iro, unoronza Mambo Mwari wehondo, ‘Ndinozogura joka rake kubva pamutsipa wako, nokudambura zvisungo zvako, nevapara avachazoshandirwi ndiye.

Jer. 5:5

Ngandiende kuvakuru, ndierekete navo; ngegwinyiso vanozia njira yaMambo Mwari, mupango waMwari wavo.” Asi ava veshe vakatodzana vakagura joka, vakadambura zvisungo.

Ezek. 16:28

Wakaita uhure nevaAsiria, ngokuti waiya usikagutiswi; wakaita uhure navo, asi auzi kugutiswa.

Ezek. 16:31

Unoaka ndau yako youhure dera kwemapato eshe, nokuita ndau dzako dzakakwirira mundau dzokushongana. Asi auzi kudai ngehure ngokuti iwewe unoshoora kuthuswa.

Ezek. 16:41

Vanozopisha mhatso dzako ngomuriro, nokukutonga mukuona kwevakadzi vazhinji; ndinozokuita kuti urekere uhure hwako, newe auchazobhadhari chiro nakamwe.

Ezek. 20:28

Ngokuti apo ndaiya ndavaunza munyika, yendakapika kuti ndiipe kwevari, zvino kunyazwi ngepari pevakaona zvimitunhu zvakakwirira nemimbiti yeshe yakatsikana mashakani, vakapira mibairo yavopo, vakapira midiro yavo yokundinyangadza; naapozve vakapisha mitombo yavo inegwema rakanaka, vakadururapo midiro yavo yokumwa.

Ezek. 23:5

Ohora wakaita uhure apo ari wangu; naye wakaemura vadikani vake, vaAsiria varwi vehondo

Hos. 1:2

Naapo paakatanga kuereketa Mambo Mwari kubudikidza ndiHosea, Mambo Mwari wakati kunaHosea, “Enda, udzitorere mukadzi hure, ubare vana vokuhura, ngokuti nyika inohura kakurutu ngokubva kunaMambo Mwari.”

Hos. 2:5

Ngokuti mai avo vakaita uhure; iye wakavabereka wakaita zvinotsverudza. Ngokuti wakati, “Ndinozoteera zvigango zvangu, zvinondipa chingwa changu nemvura yangu, nemamviri angu emakwai, rukangaza rwangu, mafuta angu, nokumwa kwangu.”

Hos. 3:3

Neni ndakati kwaari, “Unosisira kugara neni uri wangu mazuva akawanda; usazoita hure, usazoita mukadzi womunhu umweni; ngokudaro ndinozoitawo kwouri.”

Hos. 4:13

Vanopira midiro padera pemitunhu, nokupisha mutombo unegwema padera pezvimitunhu, pashi pemiti yemiokhi, miphopura, nemiterebhinethi, ngokuti bvute rayo rakanaka. Ndizvo vanasikana venyu vanozohura nevazakazi venyu vanozoomba.

Hos. 9:1

Usadakara, O Isuraeri! Usadakara kudai ngemadzinza amweni, ngokuti wakaenda koohura kubva kunaMwari wako. Wada muthuso wokuhora pambuwa dzeshe.

Revhi 26:13

Inini ndini Mambo Mwari, Mwari wenyu, uwo wakamubudisa kubva kunyika yeEgipite, kuti musaizwe hloko ndivo; ndakagura zvisungo zvejoka renyu, ndikaita kuti muhambe ngokururama.

Nah. 1:13

Nazvino ndinozogura joka rake kubva kwouri, nokudambura zvisungo zvakakusunga.”

Dhuto. 12:2

Munozoparadza yaamho ndau dzeshe dzevakashandira zvimwari zvavo madzinza omunoenda koogara nhaka yao, padera pemitunhu yakakwirira, nepadera pezvimitunhu, nepashi pemiti yeshe yakasvipirika.

Dhuto. 15:15

Newe unozokarakadza kuti iwewe wakaita muranda munyika yeEgipite, naMambo Mwari, Mwari wako wakakusunhura; ndizvo ndinokupanga ngeichi chiro nyamashi.

Dhuto. 26:17

Imwimwi mwakatenda pamberi paMambo Mwari nyamashi kuti aite Mwari wenyu, nokuhamba ngenjira dzake, nemipango yake, nezvitongero zvake, nokupurutana izwi rake.

Dhuto. 4:20

Asi Mambo Mwari wakamutora imwimwi, wakamubudisa kubva muchoto chesimbi, kubva Egipite, kuti muite kwaari vanhu vanogara nhaka, kudai ngezvezviri azvo nyamashi.

Dhuto. 4:34

Nokuti mwari umweni wakamboedza kuenda nokudzitorera pachake dzinza rimweni, kubva pakati pedzinza rimweni, ngezviedzo, ngezvioniso neminana, ngokurwa, ngenyara inesimba nomuoko wakatambanudzwa, ngezvioniso zvesimba rinotyisa, kudai ngeizvo zveshe zvaakamuitira Mambo Mwari, Mwari wenyu, muEgipite, pamberi pokuona kwenyu?

Dhuto. 5:27

Kwedzera iwewe pasinde, uzwe zveshe zvaanozoereketa Mambo Mwari, Mwari wedu. Unozotironzera zveshe zvaanoereketa Mambo Mwari, Mwari wedu, kwouri; nesu tinozozvizwa nokuzviita.”

Josh. 1:16

Navo vakapingura Joshua vechiti, “Zveshe zvewatipanga, tinozozviita, kunyazwi ngepari pounozotituma tinozoenda.

Josh. 24:24

Vanhu vakati kunaJoshua, “Tinozoshandira Mambo Mwari, Mwari wedu, tipurutane izwi rake.”

Josh. 24:26

Joshua wakanyora aya mazwi mubhuku rezvironzo zvaMwari; wakatora buwe guru, wakariemesa apo pashi pomuti womuokhi, waiya pasinde pendau yakachena yaMambo Mwari.

Chakapangijihwa 17:1

Zvino imwe yengirosi nomwe dzaiya nemikheyo minomwe yakauya, ikati kwendiri, “Uya pano, ndinozokupangidzira kutongwa kwehure guru rinogara padera pemvura zhinji,

Vato. 10:6

VaIsuraeri vakaitazve zvakashata mukuona kwaMambo Mwari, vakadira vanaBhaari, nevanaAshitharothi, nezvimwari zvevaAramu, nezvimwari zvevaSidhoni, nezvimwari zvevaMoabhi, nezvimwari zvevaAmoni, nezvimwari zvevaFiristia. Vakamuriyarwa Mambo Mwari, avazi kumudira.

Vato. 2:11

Zvino vaIsuraeri vakaita zvakashata mukuona kwaMambo Mwari, vakadira vanaBhaari.

Vato. 2:13

Vakasiya Mambo Mwari, vakadira Bhaari naAshitharothi.

1 Sam. 12:10

Zvino vakachema kunaMambo Mwari, vakati, ‘Takashaisha, ngokuti takasiya Mambo Mwari, takashandira vanaBhaari naAshitharothi; asi zvino tisunhure kubva munyara dzemagaa edu, nesu tinozomushandira.’