Jer. 2:2 - Bhaibheri Rakachena muChindau

² “Enda, udaidzire mukuzwa kwevanhu veJerusarema wechiti, unoronza izvi Mambo Mwari: Ndinokarakadza, ngenyasha dzoutsva hwako, norudo rwako petakatanga kuroorana, apo wainditeera mushango, munyika yaiya isikazi kusimwa.

Jer. 2:2 Iomraidhean Croise

Nduyo 129:1

“Mikuwo mizhinji vakanditambudza kubvira muutsva hwangu,” zvino Isuraeri ngaaronze kuti,

EKISEDHUSI 14:31

VaIsuraeri vakaona mushando mukuru waakaita Mambo Mwari padera pevaEgipite, nevanhu vakatya Mambo Mwari; navo vakagonda Mambo Mwari nomuranda wake Mosi.

EKISEDHUSI 16:8

Mosi wakati, “Izvo zvinozoitika apo Mambo Mwari paanozomupa nyama madeekoni kuti mudye, nemangwanani chingwa, kuti mugute; ngokuti Mambo Mwari wazwa kuvhuruvhuta kwenyu kwomunomuvhuruvhutira ndikwo. Isusu tiri vanaani? Kuvhuruvhuta kwenyu akurwisani nesu, asi kunorwisana naMambo Mwari.”

Mazwi 1:20

Ungwaru hunodaidzira mupato; hunodaidzira neizwi guru mumaruwanze.

Sor. 3:11

Budai, imwimwi vanasikana veZioni, muringire kunamambo Soromoni kudzungudza rakaiswa ndimai ake ngezuva rokuchadhiswa kwake, ngezuva rokudakara kwomwoyo wake.

Sor. 3:6

Ndiani vanouya kubva mushango vakadai ngesika dzechiushi, vakadzodzwa ngemafuta emure neemakha nembeu dzeshe dzemitombo inonuhwira yakaita uswa yevatengesi?

Isa. 58:1

“Daidza ngeizwi guru, usarekera! Daidza ngeizwi rako guru kudai ngegwama! Teketesa kuvanhu vangu kumukira kwavo, kumhatso yaJakobe zvishaishi zvavo.

Jer. 11:6

Mambo Mwari wakati kwendiri, “Daidzira mazwi aya eshe mumadhorobha aJudha nomumapato eJerusarema wechiti, ‘Izwai mazwi echitenderano ichi nokuaita.’

Jer. 19:2

enda mubani romukororo waHinomu, pasinde poMusiwo wePotisherdhi, apapo uteketese mazwi endinokuronzera.

Jer. 2:1

Izwi raMambo Mwari rakauya kwendiri rechiti,

Jer. 2:6

Avazi kuronza kuti, uri pari Mambo Mwari uwo wakatikwidza kubva kunyika yeEgipite, wakatitungamira mushango, mukati mwenyika yakaomerwa nemarindi, munyika yakaoma, nechidima chikurutu, mukati mwenyika isikazi kuhambwa ngomunhu naumwe, isikagarwi ngomunhu?

Jer. 3:4

“Auzi zvino kudaidza kwendiri kuti, ‘Baba angu, mungani woutsva hwangu?

Jer. 7:2

“Ema pamusiwo wemhatso yaMambo Mwari, udaidzire uripo izwi iri wechiti, ‘Izwai izwi raMambo Mwari, mweshe imwimwi vanhu vaJudha, imwimwi munopinda ngepamisiwo iyi koodira Mambo Mwari.’

Ezek. 16:22

Nomukati mwezvinonyangadza zvako zveshe nezvouhure hwako auzi kukarakadza mazuva outsva hwako, apo waiya mupunu nomutitinini, wechibinyauka mungazi yako.

Ezek. 16:60

asi ndinozokarakadza chitenderano changu newe mumazuva outsva hwako, neni ndinozoemesa newe chitenderano chemhera nariini.

Ezek. 16:8

“Ndakapindazve ngepowaiya, ndikakuringira padera pako, ringira, mukuwo wako waiya mukuwo worudo. Ndakatambanudza magumo echokufuka changu padera pako, nokufukidzira upunu hwako: ndakapika kwouri, ndikapinda mukuita chitenderano newe, unoronza Mambo Mwari, Mwari, newe wakaita wangu.

Ezek. 23:19

Asi wakaangira kuwanzisa uhure hwake, echikarakadza ngemazuva outsva hwake, paakaita uhure navo munyika yeEgipite.

Ezek. 23:3

vakaita uhure muEgipite; vakaita uhure vachimuutsva hwavo; mazamo avo akabatwa batwa, vakapukutwa tsungu dzoumhandara hwavo.

Ezek. 23:8

Aazi kurekera uhure hwake hwaakaita kubvira Egipite; ngokuti muutsva hwake vamuna vakaata naye, vakapukuta tsungu dzoumhandara hwake, navo vakadururira kuemura kwavo padera pake.

Hos. 11:1

“Apo Isuraeri achimwana, ndakamuda, ndakadaidza mukororo wangu kubva muEgipite.

Hos. 2:15

Kubvira apo ndinozomupa minda yake yemivhini, nokuita Bani reAkho musiwo wokugonda. Naapo unozopingura, kudai ngemazuva outsva hwake, nokudai ngezuva raakabuda kubva munyika yeEgipite.

Hos. 2:17

Ngokuti ndinozodusa mazina aBhaari kubva kumuromo wake, nakamwe aachazombodaidzwi ngemazina awo.

Hos. 2:7

Unozoteera zvigango zvake, asi aazozvibati; naye unozozvitsvaka, asi aazozvioni. Zvino unozoti, “Ndinozoenda, ndihwirire kumwamuna wangu wokutanga, ngokuti zvaiya zvakapinda kunaka kwendiri kune zvino.”

Hos. 8:1

“Isa gwama pamuromo wako! Umwe wakadai ngegodzi uri padera pemhatso yaMambo Mwari, ngokuti vagura chitenderano changu nokupauka kubva kumupango wangu.

Hos. 9:10

Ndakaona Isuraeri akadai ngemavhini mushango. Kudai ngemitanguro yomuonde yenguva yawo yokutanga ndakaona madzibaba enyu. Asi vakaenda kuBhaaripeori, vakadzipira kunechiro chinotsverudza, nokuita zvinonyangadza kudai ngechiro chevaida.

Jona 1:2

“Miruka, uende Ninevhe, iro dhorobha guru, udaidzire kweriri kuriitira ndaa; ngokuti kushata kwavo kwaguma pamberi pangu.”

Mateu 11:15

Uwo unenzee dzekuzwa ngaazwe.

Ruka 12:13

Umwe wembungano wakati kwaari, “Mudzidzisi, wechironzera mukoma wangu kuti tikoane nhaka.”

Dhuto. 2:7

Ngegwinyiso Mambo Mwari, Mwari wenyu wakamufumisa mumishando yeshe yenyara dzenyu; unozia kuhamba kwenyu mukati mweshango iri guru. Aya makore makumi marongomuna Mambo Mwari, Mwari wenyu waiya anemwi; amuzi kutama chiro.

Dhuto. 33:3

Eya, unodikana pakati pevanhu, veshe vakacheneswa vake vari munyara dzake; navo vanohamba patsoka dzako, veshe umwe ngoumwe vanoashira kupanga kwako.

Dhuto. 8:2

Nemwi munozokarakadza kuhamba kweshe kwaakamutungamira Mambo Mwari eshe aya makore makumi marongomuna mukati mweshango kuti amupfaise, nokumuedza, nokuzia kuti chiinyi chiri mumwoyo mwenyu, kuti munozongwarira mipango yake here, nokuti amuzoingwariri.

Jakobe 4:4

Imwimwi vaombi! Amuzii here kuti ukama nenyika ugaa naMwari? Ndizvo kunyazwi ndiani unoda kuita ukama nenyika, unodziita gaa raMwari.

Chakapangijihwa 2:4

Asi ndinokushoora ngeichi, kuti wakasiya rudo rwako rwokutanga.